සුවබර දිවි පෙවෙතකට සුරතල් මසුන් වගාව

වර්තමාන සමාජයේ සුරතල් සතුන් ඇති කිරීම සුලභව දක්නට ලැබෙන අතර සුරතල් මසුන්  ඇති කිරීම විනෝදාංශයක් මෙන්ම ආර්ථික උත්පාදන මාර්ගයක් වන අතර එය ශරීර සෞඛ්‍ය රැක ගැනීමට ඉවහල් වේ. හෘද රෝගීන් සදහා මෙය කදිම විසදුමකි.

 ස්වයං රැකියාවක් හෝ හුදෙක් විනෝදාස්වාදය පිණිස කලද එහිදී ගැටළු මතුවන අවස්ථා සුලභය. මසුන් ඇති කිරීම ක්‍රමානුකූලව කලයුතු අතර ඉක්මනින් විනාශ වී යාම වලක්වා ගැනීම සදහා මත්ස්‍ය ටැංකි මනාව රැකගත යුතුයි.

මසුන් අති කිරීම වඩා සියුම්ව කලයුතු අතර අත්හල යුතු හා ක්‍රියාකලයුතු ක්‍රියාකාරකම් රාශියක් ඇත. ආහාර ලබා දීමේදී නිරන්තර සුපරීක්ෂාකාරීවීම හා කැපවිම වැදගත් වේ. දියුණු තාක්ෂණික ක්‍රම භාවිතයෙන් ව්‍යාපාරය සාර්ථක කර ගත හැක.

මත්ස්‍යටැංකි සදහා වීදුරු ටැංකි භාවිතය වර්තමානයේ බහුලව දක්නට ලැබේ. එහිදී වඩාත් සැලකිලිමත් විය යුත්තේ වඩා වැඩි ඉඩකඩකින් යුත් ටැංකි නිෂ්පාදනය වේ. සතුන්ගේ ජීවිතයෙ විවිධ අවස්ථාවලදී එකිනෙකට වෙනස් ආකාරයෙන් ටැංකි භාවිතා කල යුතුය. එවැනි අවස්ථා කිහිපයක්  නම් මව් සතුන් සදහා, අභිජනනය සදහා, බිත්තර රැස්වීම සදහා වර්ධනය වන සතුන් සදහා වේ.

ටැංකි නිර්මාණය පහත සදහන් ආකාරයෙන් සිදු කල යුතුයි   

1 සම්පූර්ණයෙන් වීදුරු වලින් සාදා ඇති ටැංකි

2. එක් පැත්තක් වීදුරුවලින් සහ අනෙක් පැති සිමෙන්ති වලින් සාදා ඇති ටංකි

3. පැති 04 ම සිමෙන්තියෙන් සාදා ඇති ටැංකි

4. විශා ප්‍රමාණයේ ස්ථාවර ටැංකි

5. පොකුණු

ඉහත ආකාරයෙන් නිෂ්පාදනය කරල ලද ටැංකි තුල මත්ස්‍ය නිෂ්පාදනය සිදු කිරීමේදී පහත සදහන් කරුණු පිළිබද දැනුවත් විය යුතුය මත්ස්‍ය්‍යයන් තෝරා ගැනීමේදී

1.     වායුගෝලයේ වාතය ස්වසනය කරන සතුන් නොවීම

2.     මත්ස්‍යයන්ගේ ඇස් අදුරුපැහැ වී සහ ඉදිමී නොතිබීම

3.     කරමල් ආවරණ දේහයට කිට්ටුවෙන් තිබීම

4.     දේහයේ තුවාල හෝ වෙනත් ආකාරයේ හානි සිදු නොවී තිබීම

5.     දේහයේ අසාමාන්‍ය ඉදිමීම් නොතිබීම

6.     මත්ස්‍යයන්ගේ දේහයේ පේශි ශක්තිමත්ව තිබීම

7.     වළිගයේ කෙලවර අපද්‍රව්‍ය තැන්පත්ව නොතිබීම

8.     මත්ස්‍යයන්ට අපහසුවෙන් තොරව පිහිනා යාමට හැකියාව තිබීම

9.     වරල්වලට හානි වී නොතිබිම

10.   දේහයේ වර්ණ සාමාන්‍ය තත්වයේ තිබීම

11.   මත්ස්‍යයන්ගේ මතුපිට සුදුපැහැති පුල්ගි නොතිබීම

මෙසේ  තොරා ගන්නාලද සතුන් ටැංකියකට දැමීමේදී සංඛ්‍යාවක් ඇති අතර මසුන් වැඩිපුර දැමීමෙන් මත්ස්‍යයන්ට මහත් අපහසුතාවයක් දැනෙන අතර ඇණ කොටා ගැනීම් රෝග පැතිරයම ඇති විය හැක. මසුන් සංඛ්‍යාව අඩු උවද සම්පත් අපතේ යාමක් සිදු වේ.

දේශීය වශයෙන් වගා කරනු ලබන මත්ස්‍ය වර්ග කිහිපයක් පහතින් දැක් වේ.

Vailtail Silver Angel (කලාතරක්න් දක්නට ලැබේ.)

Silver Angel (එතරම් සුලභ නොවේ)

Silver Half Back Angel (ආනයනය කරන දිග වරල් සහිත දේශීය වශයෙන් බෝ නොකරයි)

Black Lace Angel

Black lace Vailtail Angel ( දිගවරල් සහිතය)

Zebra Angel (රිදී පැහැති පටි 03ක් පමණ හරස් අතට දක්නට ලැබේ.)

Zebra Vailtail Angel ( දිගවරල් සහිතය)

Black Angel

Golden Angel (ඉතාමත් අලංකාරවත් දැනට වැඩියෙන්ම අලෙවි වේ)

White Angel

මේ ආකරයෙන් තෝරා ගන්නා ලද මත්ස්‍යයන් සදහා වපහත සදහන් ආකාරයෙන් ආහාර ලබා දිය යුතුය

1. බෝන් මිල්

මෙය සත්ව ඇටකටු සහ අමුද්‍රව්‍ය වියළා අඹරා සාදන ලද ආහාරයකි. ඛනිජ බහුලව ඇත.

2. වියළි ලේ

මස් සැකසුම් ආයතන මඟින් ඉවතලන ලේ එක් කොට වියළා සැකසූ තද දුඹුරු පාටකින් යුක්ත වියළි ලේ අන්නයකි.ඊට ආවේණික සුවඳක් ද පවතී. මේ තුළ ප්‍රෝටීන 80%ක් පමණ ඇත. එමෙන්ම ඛනිජ, මේදය, අයිසෝලියුසීන්, මෙතයනින් සහ ලයිසින් යන පෝෂණ කොටස්ද අඩංගු වේ.

3. මාළු අන්නය/ මාළු කුඩු

මෙහි ප්‍රෝටීන විශාල වශයෙන් පවතින අතර ඊට අමතරව ලයිසින්, මෙතයිනින්, ට්‍රිප්ටොපැන් යන ඇමයිනෝ අම්ලද කැල්සියම්, පොස්පරස්, යකඩ, අයඩීන් යන ඛනිජ වර්ගයන්ද අඩංගුය. 

4. මස් අන්නය/ මස් කුඩු

මස් වර්ග වියළා ඇඹරීමෙන් සකස් කරනු ලැබේ. ප්‍රෝටීන වැඩි වශයෙන් අන්තර්ගතවන අතර ලයිසින්, විටමින් බී වැනි පෝෂණ සංඝටකයන්ද පවතී.

5. වියළි ඉස්සන් කුඩු

ඉස්සන්ගේ ඉවතලන කොටස් වියළීමෙන් පසු අඹරා සකස්කර ගනු ලැබේ. මෙම මිශ්‍රණය තුළ වර්ණක බහුලව පැවතීම මත විශේෂයෙන්ම කැරෝටිනෝයිඩ් වර්ණකය නිසා මත්ස්‍යයින්ගේ වර්ණ වෙනස් වීම සඳහාත් ඉන් බලපෑමක් සිදු වේ.

6. බෙල්ලන්/ මට්ටි/ ගොලුබෙල්ලන්

මෙම ආහාර තුළ ඉතා ඉහළ මට්ටමින් ප්‍රෝටීන සංඝටක අඩංගු වේ.

මෙම මත්ස්‍ය ආහාර සැකසීමේදී කැරෝටිනෝයිඩ් වර්ණක අඩංගු එනම්, වර්ණ සහිත මල් පෙති, ඇල්ගී වර්ග, බතල, කැරට්, අටපෙතියා මල්, කූනිස්සන් හා මුහුදු ශාක යන සංඝටකයන් මඳ පවනේ වියළා හොඳින් අඹරා ප්‍රධාන ආහාර සලාක වලට එකතු කළ යුතුය. එමඟින් විසිතුරු මසුන්ගේ පැහැපත් භාවය වැඩිකර ගැනීමට හැකි වේ.

සතුන් ඇති කිරීමේදී විවිධ වූ ගැටළු පැන නගින් අතර ඒම ගැටළු පහතින් දක්වා ඇත

1.     ජලය හා ජල පාලනය

2.     ආලෝකය

3.     තාපය

4.     ටැංකි සොයා ගන්නා ස්ථාන

5.     සුදුසු මත්ස්‍යයන් සොයා ගැනීම

6.     මත්ස්‍ය ආහාර සොයා ගැනීම

7.     මත්ස්‍යයන් අපනයනය

ලාංකීය සමාජය තුල සුරතල් මත්ස්‍ය වගාව  ප්‍රචලිත කිරීම තුලින් ග්‍රාමීය ආර්ථිකය නංවා ගැනීම සහ මානසික ආතතිය දුරකරලමින් නිරෝගිමත් සෞඛ්‍ය සම්පන්න ජීවිතයක් උදාකරලිය හැක.

උපුටා ගැනීම

 cea.nsf.ac.lk/handle/1/339/browse?type=subject

කාර්මික තාක්ෂණ ආයතනයේ තොරතුරු තාක්ෂණ අංශය විසින්

Posted in: සතුන්விலங்கு, ස්වයං රැකියා