Bringing you the latest information in the field of Technology and Research

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Authored by National Vidatha Network Writers

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Adapted from renowned international sources

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Educational blog for future generation of the nation

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Project of the Ministry of Science,Technology and Research, Sri Lanka

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

March 31, 2017

දුම්පානයෙන් තොර රටක්


සිගරට් දුම් වල ශරීරයට හානි කරන නොයෙකුත් රසායනික සංයෝග විශාල ප්‍රමාණයක් අන්තර්ගත වේ. මේවායින් ප්‍රධාන තැනක් ගන්නා නිකොටින් සහ කාබන් මොනොක්සයිඩ් යන රසායනික සංයෝග පිළිබදව පැහැදිලි කිරීමක් සිදු කිරීමට කැමැත්තෙමි. 
    
නිකොටින් ප්‍රධාන වශයෙන් උත්තේජකයක් ලෙස ක්‍රියා කරනු ලබයි. එමනිසා දුම් පානයට ඇබ්බැහිවූවන් එයින් ගලවා ගැනීමට ඉතාමත් අපහසු වේ. එමෙන්ම මෙම නිකොටින් රුධිර නාලවල තැම්පත් වීම නිසා රුධිර නාල පටුවීම සිදුවේ. එමනිසා නහර වල රුධිර ගමනාගමනයට බාධා පැමිණේ. මේ හේතුවෙන් හෘද රෝග(Heart Attack) ඇති වේ. එමෙන්ම හෘදය හෝ මොලය ආශ්‍රිත රුධිර නාල පුපුරා යෑමෙන් මරණයද සිදුවේ. මෙම නිකොටින් පෙනහළුවල නාලවල සහ ගර්තවල තැම්පත් වීමෙන් ඒවාට හානි සිදුවේ. එමනිසා කැස්ස, බ්‍රොන්කයිටිස් වැනි රෝග ඇතිවේ.

          කාබන් මොනොක්සයිට් වායුව ඉතාමත් විෂ වායුවකි. මෙම වායුව හිමොග්ලොබින් සමග සම්බන්ධවීමෙන් රුධිරයේ ඔක්සිජන් පරිවහනයට බාධා සිදු කරයි. මේ හේතුවෙන් ප්‍රමාණවත් ලෙස ඔක්සිජන් නොලැබීම නිසා සියළුම අවයවවලට හානි සිදුවේ. ඇත්ත වශයෙන්ම කාබන් මොනොක්සයිඩ් කෙතරම් විසද යත් එම වායුව අධික ලෙස ආශ්වාස කිරීමෙන් මරණයද සිදුවේ.

          මෙම නිකොටින් සහ කාබන් මොනොක්සිඩ් ගර්භාෂයේ ඇති කලලයට හානි කරයි. එමනිසා විකෘති සහගත ළමුන් බිහිවීම සිදුවේ.

          මෙලෙස සිගරට් දුම් ශරීරගත වීම නිසා එම්පිසීමීයා, හෘද රෝග, පිළිකා සහ බ්‍රොන්කයිටිස් වැනි රෝග බහුලවඇතිවීම සිදුවේ. එමනිසා දුම් පානයෙන් තොර නිරෝගී සමාජයක් ගොඩනැගීම අප සැමදෙනාගේ වගකීමකි.

W.A.R සුමිත් කුමාර
විද්‍යා හා තාක්ෂණ නිලධාරි

නිකවැරටිය

ලොව විශාලතම කෘතීම හිරු

ජර්මානු විද්‍යාඥයෝ ප්‍රථම වතාවට ලොව විශාලතම කෘතීම හිරු ක්‍රියාත්මක කළෝය. කෘතීම හිරුගේ sunlight (සුර්යාලෝකය) නොව synlight මගින් නිපදවූ උෂ්ණත්වය සෙන්ටිග්‍රේඩ් අංශක 3000ක් හෙවත් 54000F ක් වූ අතර එමගින් අනාගතයේදී හයිඩ්‍රජන් නිපදවීමේ ක්‍රම වේදයක් නිර්මාණය කිරීමට බලාපොරොත්තු වේ.

ජර්මානු වායුගෝල මධ්‍යස්ථානය (German Aerospace Center) විසින් ක්‍රියාත්මක කරන ලද කෘතීම හිරු සදහා xenon විදුලි බුබුළු 149 ක් භාවිතා කර ඇත. ජර්මනියේ Julich හි පිහිටුවන ලද කෘතීම හිරුගේ විදුලි බුබුළු එක් තනි ලක්ෂයකට යොමු කරන ලද්දේ ජලය හුමාලය බවට පත්කර හයිඩ්‍රජන් සහ ඔක්සිජන් නිපදවීමටය.

මෙම විශාල යන්ත්‍රය අඩි 45 ක (මි.14) උසකින් යුක්ත වන අතර හරස්කඩය අඩි 52(මි.16) කි. එමගින් අගල් 8 x අගල් 8 ප්‍රමාණයේ තනි ස්ථානයකට 30000C ක උෂ්ණත්වය යොමු කර තිබේ. මුළු දිනය තුලම හෝ පැය ගණනාවක් වුව මෙම පර්යේෂණාත්මක ක්‍රියාවලිය ක්‍රියාත්මක කළ හැකි වුවද විනාඩි 15 -20 ක කාලයකට පමණක් ක්‍රියාත්මක වූ කෘතීම හිරු හයිඩ්‍රජන් ස්වල්ප ප්‍රමාණයක්ද නිෂ්පාදනය කර තිබේ. මේ සදහා පසුගිය මාස කිහිපය තුලම ඔවුන් පර්යේෂණ ක්‍රියාත්මක කළ බව ව්‍යාපෘතියේ පර්යේෂක ඉංජිනේරු Dimitrij Laaber ප්‍රකාශ කළේය.

කාබන් දහනයක් නොමැති ඉන්ධන ප්‍රභවයක් වූ හයිඩ්‍රජන් අතිශය ප්‍රයෝජනවත් මුලද්‍රව්‍යයක් වේ. එහෙත් පෘථිවිය මත ස්වභාවිකව හයිඩ්‍රජන් පමණක් හයිඩ්‍රජන් ස්වරුපයෙන් නොපවතියි. හයිඩ්‍රජන් වෙනත් සංයෝගවල සංඝටක ලෙස පවතින නමුත් එම සංයෝග වලින් හයිඩ්‍රජන් වෙන් කර ගැනීම සදහා මෙවැනි අසීරු සහ අධික වියදම් සහිත යන්ත්‍රෝපකරණ හෝ ක්‍රමශිල්ප භාවිතා කළ යතු වේ.

කෙසේවෙතත් මෙම පර්යේෂණවල අරමුණ නම් හයිඩ්‍රජන් නිපදවීම සදහා විවිධ ක්‍රමවේද සකස් කර පසුව ප්‍රතිචලිත තුළින් දියුණු කර අවසානයේදී ඵලදායි ලෙස හයිඩ්‍රජන් නිපදවීම වේ. මෙම පර්යේෂණයේ ඊළග ප්‍රතිචලිත පියවර ලෙස නියොන් විදුලි බුබුළු සදහා විදුලි බලය ලබා ගැනීමට සුර්ය පැනල  යොදා ගැනීම කෙරෙහි පර්යේෂකයින්ගේ අවධානය යොමු වී තිබේ.  

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ:
හර්ෂ ලංකේශ්වර

https://www.youtube.com/watch?v=TPusDlTBjFs

March 29, 2017

අධිමානුෂික පෙනීම සදහා විශේෂ කණ්නාඩි

සමාන වර්ණ වල ඇති ඉතා සියුම් වෙනස්කම් මිනිස් ඇසට හඳුනා ගැනීමට නොහැකිය. අධි මානුෂික පෙනීම සඳහා නිපදවු නවතම කණ්නාඩි යුගලය භාවිතයෙන් වර්ණවල ප්‍රභේද වඩාත් පැහැදිලිව දැකිය හැකි වේ. එනම් නුදුරු දිනෙක ව්‍යාජ මුදල් නෝට්ටු හෝ මුළා කිරීම් සඳහා කළ වර්ණ හඳුනාගැනීම පහසු කාර්යයක් වනු ඇත.

Wisconsin-Madison විශ්ව විද්‍යාල පර්යේෂක කණ්ඩායමක් නිර්මාණය කරන ලද මෙම කණ්නාඩි යුගලය නිසා භාවිතා කරන්නාගේ වර්ණ දැක්ම සුවිශේෂ ලෙස වර්ධනය කළහැකි වී තිබේ. එකම වර්ණයක් ලෙස සාමාන්‍ය ඇසට පෙනුණද එම වර්ණයන් විසින් ආලෝකයේ විවිධ තරංග ආයාමයන්ගෙන් නිකුත් කරන ව්‍යාවසවික වර්ණ වෙන්ව හදුනාගැනිමට මෙමගින් හැකිවේ.

මිනිසාගේ වර්ණ දැක්ම කෙටි (නිල්), මධ්‍යම (කොළ) හා දිගු (රතු) තරංග ආයාමයන්ට ප්‍රතිචාර දක්වන කේතුක සෛල මත රඳා පවති. සමහර සතුන්ට මෙවැනි කේතුක හතරක් තිබේ. උදාහරණයක් ලෙස ගෝල්ඩ්ෆිෂ් මාළුවාට රතු, නිල්, කොළ, සහ පාරජම්බුල වර්ණ සඳහා කේතුක සෛල තිබේ.

එනම් වර්ණ තුනක් පමණක් භාවිතා කරන මිනිසාගේ ත්‍රිවර්ණ දාෂ්ඨිය සමහර සතුන්ට ඇති චතුර්වර්ණ දෘෂ්ඨිය දක්වා දියුණු කළ හැකිවේද? එවන් එක් කේතුක සෛලයක් එක් කිරීමෙන් මිනිස් ඇස රැවටිය හැකිද? යන්න මෙම පර්යේෂණයේ නියමු භෞතිකවේදී Mikhail Kats  ගේ අවධානයට යොමු වී තිබේ.

නව අධි මානුෂික පෙනීම සඳහා වු විශේෂ කණ්නාඩි යුගලය නිපදවීම සඳහා Kats සමඟ වු කණ්ඩායම, වර්ණ ප්‍රේරක දෙකක් නිර්මාණය කරන ලදි. මේවා මඟින් නිල් ආලෝක වර්ණාවලියේ සමහර කොටස් ඉවත් කළ හැකි වීම නිසා සෑම ඇසකටම ඉතා තියුණු ලෙස වෙනස් නිල් වර්ණාවලියේ තොරතුරු ලබා ගත හැකි විය. ඕනෑම විචක්ෂණ වෙනසක් වඩා වැඩියෙන් ප්‍රඥාපනය වන බවට වු කණ්ඩායමේ උපකල්පනය මෙහිදි නිවැරදි විය.

පරිගණකය හෝ smart phone තිරයේ දිස්වන ජීවමාන ඇසට එක සමාන වූ වර්ණ වල වුවද ඇති වෙනස්කම් නව කණ්නාඩිය පැළඳීමෙන් පැහැදිලිවම දැක ගන්නා ලදි.     

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ:
හර්ෂ ලංකේශ්වර   

https://youtu.be/655rXzKcuFk

March 28, 2017

මහා පරිමාණයෙන් කෘතීම රුධිර නිෂ්පාදනය

ගතවන සැම විනාඩියකදීම ලොව මිනිසුන් විශාල ප්‍රමාණයකට රුධිරය ලබාදීම සිදු වේ. හදිසි අනතුරු, සැත්කම් සහ රුධිරය ආශ්‍රිත බොහෝ රෝග නිසා ප්‍රදානය කළ යුතු රුධිර අවශ්‍යතාවය ඉහළ මට්ටමක පැවතියද රුධිර පරිත්‍යාගය එතරම් ඉහළ මට්ටමක නොපවතියි. එනිසා ඇතිවූ විශාල රුධිර හිගය පිරවීම සදහා බොහෝ කාලයක සිට කෘතීම රුධිරය නිෂ්පාදනය සදහා විවිධ ක්‍රම භාවිතා කළද ප්‍රමාණවත් ප්‍රථිපල ළගාකර ගත නොහැකි වී තිබේ.

Bristol විශ්ව විද්‍යාලයේ සහ NHS රුධිර පාරවිලයන ආයතනයේ පර්යේෂණ කණ්ඩායමක් මෙම ගැටලුවට විසදුමක් ලෙස මහාපරිමාණයෙන් කෘතීම රුධිරය නිපදවිය හැකි තාක්ෂණයක් සොයාගෙන තිබේ. රුධිරය අසීමිතව සැපයීමට හැකි ලෙස රතු රුධිර සෛල විශාල වශයෙන් නිපදවීමට ඔවුහු සමත්වුහ. කෘතීම රතු රුධිරය නිපදවිමේ ක්‍රමයක් දැන් නිර්මාණය වී ඇති නමුත් රුධිරය මහාපරිමාණ නිෂ්පාදනාගාර නිර්මාණය වීමද මේ සදහා අත්‍යාවශ්‍ය වේ.

පෙර පැවති කෘතීම රුධිරය නිෂ්පාදන ක්‍රමවේදය විශ්වාෂ කළ නොහැකි ලෙස අකාර්යක්ෂම බව වාර්තා වේ. එහිදී STEM (ස්ටෙම්) සෛල ලබාගෙන ඒවා සෘජුව රතු රුධිර සෛල බවට පරිවර්තනය වීම සදහා පෙළඹවීමට කටයුතු කරන ඇත. රුධිර පාරවිලයනය සදහා රුධිර සෛල ට්‍රිලියන ප්‍රමාණයෙන් අවශ්‍ය නමුත් මෙම ක්‍රමයෙන් නිර්මාණය කර ගත හැකිවී ඇත්තේ රුධිර සෛල 50,000 ක් පමණි. එය කිසිසේත් ප්‍රමාණවත් නොවේ.

නව තාක්ෂණය මගින් immotalized erythroid cell (අමරණිය එරිත්‍රොයිඩ් සෛල) පේලියක් සංවර්ධනය කිරීම මගින් රතු රුධිර සෛල විශාල ප්‍රමාණයක් නිෂ්පාදන හැකියාව ලැබී තිබේ. ලීටර ගණන් රුධිරය නිපදවීමට ඔවුන් දැනටමත් සමත්වී ඇති බවද වාර්තාවේ. වර්ධනයේ මුල් අවස්ථාවේ ඇති ස්ටෙම් සෛල හසුකර ගැනීම නිසා ඒවා පලදායී ලෙස අමරණිය විය. මේවායින් ලබාගත් සාම්පල භාවිතා කර අවශ්‍ය රතු රුධිර සෛල ලබාගැනීමට හැකිවී තිබේ.

සැම නව තාක්ෂණයන් මෙන්ම මෙයද දැනට වියදම් අධික තාක්ෂණයක් බැවින් ඉතා සීමිත සමහර රුධිර වර්ග කෘතීමව නිර්මාණය සදහා මුලින් යොමුවනු ඇතැයි  අපේක්ෂා කෙරේ.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ;

හර්ෂ ලංකේශ්වර 

March 24, 2017

ශරීරය ශීතලව හෝ උණුසුම්ව තබා ගැනීමට අත් පළඳනාවක්

වර්තමානයේදී භාවිතා වන වායු සමීකරණ මඟින් ගෘහස්ථ අවකාශවල මිනිසුන්ට සුවදායක උෂ්ණත්වයක්  රඳා පවත්වා ගැනීම සඳහා විශාල විදුලි බලශක්තියක් අවශ්‍ය වේ. විශේෂයෙන් උෂ්ණත්වය ඉහල රටවල් ලෙස සැලකෙන ඉන්දියාව හා බ්‍රසීලය සඳහා විශාල බලශක්තියක් අනාගතයේදී අවශ්‍ය වනු ඇත්තේ වේගයෙන් දියුණුවන මෙම රටවල 2% ක් හා 11% ක් වු වත්මන් වායු සමීකරණ භාවිතය ඇමෙරිකා එක්සත් ජනපදයේ භාවිතය වන 16.5% දක්වා වැඩි වීමට ඉඩ ඇති බැවිනි.

මේ කරුණු වලින් සනාථ වන්නේ මිනිසාට සුවදායක උෂ්ණත්වයක් පවත්වාගෙන යෑම සඳහා වායුසමීකරණ තාක්ෂණය වඩාත් කාර්යක්ෂම වීම හෝ වෙනස් වීමකට භාජනය වීම් සිදුවිය යුතු බවයි. කෙසේ වෙතත් MIT ආයතනයේ ශිෂ්‍ය කණ්ඩායම විසින් සාමාන්‍ය ලෙස වායු සමීකරණ මඟින් කාමර උෂ්ණත්වය පාලනය කිරීම වෙනුවට මිනිස් ශරීරයේ උෂ්ණත්වය සෘජුව අඩු වැඩි කිරීම සඳහා තාක්ෂණ ක්‍රමවේදයක් ඉදිරිපත් කර තිබේ.

මෙම නිර්මාණ කණ්ඩායමේ නියමු Sam Shames පවසන්නේ ඔහුගේ මවට වායුසමීකරණයේ උෂ්ණත්වය අඩු කිරීම අවශ්‍ය නමුත් තමා වැඩි උෂ්ණත්වයකට කැමති බැවින් වායු සමීකරණය භාවිතයේදි ගැටළු ඇති වු හෙයින් මෙවැනි පුද්ගල මට්ටමේ තාක්ෂණයකට තමා යොමු වු බවයි.
විදුලි වළයාභරණයක් (වළල්ලක් / bracelet) වු ඔවුන් නිපදවූ නව උපකරණය Wristity ලෙස හඳුන්වන අතර එය පැළඳ සිටින්නාගේ උෂ්ණත්වය නියාමනය කරයි.පුද්ගලයාගේ අවශ්‍යතාවයට අනුකූල ලෙස උණුසුම හෝ ශීතල තත්වය ලබාදීම සදහා සම මත නාඩි (ස්පන්දන) වෙනස් කිරීම මෙමඟින් සිදුවේ. මෙම තාක්ෂණයේ මූලාකෘති නිරිමාණයට 2016 වසරේ පාසැල් මුලද්‍රව්‍ය විද්‍යාව හා ඉංජිනේරු වැඩසටහන මඟින් පැවැත්වු තරඟයෙන් ප්‍රථම ස්ථානය හිමි වී තිබේ.

මිනිස් සිරුර සහ මිනිස් සම උෂ්ණත්වමානයක් ලෙස ක්‍රියා නොකරයි.යම් වෙනස් උණුසුමක් හෝ  ශීතලක් සාමාන්‍ය උෂ්ණත්වයේ පවතින මිනිස් සිරුරට දැනුන විට ඒ සඳහා ක්ෂණික ප්‍රතිචාරයක් දක්වා පසුව ශරීරය එම උෂ්ණත්වයට හුරු වේ. ඔබ ශීතල ජලාශයකින් ස්නානය කරන විටද සිදුවන්නේ එයයි. ජලය මුල්වරට ශරීරය ස්පර්ශ කරන විට තද ශීතලක් දැනෙන නමුත් පසුව එය පහව යයි. මෙම ප්‍රායෝගික තත්වය භාවිතය කරමින්  Wristity උපකරණය ශරිරයට ශීතලක් හෝ උණුසුමක් එකවරක් නොව නැවත නැවත එක දිගකට ඉතා සුළු කාල පරාසයක් තුල දැනවීමට කටයුතු කරයි. එනම් මෙය පුද්ගලයා නිතර නිතර අඛණ්ඩව ශීතල හෝ උණුසුම් ජලයේ ගිලීමට සමාන වේ.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ :

හර්ෂ් ලංකේශ්වර  

March 22, 2017

තාරුණ්‍යයත් සමග විද්‍යා දැනුම සන්නිවේදනය සඳහා අන්තර්ජාලය හා ජංගම දුරකථන භාවිතය

විවිධ ක්ෂේත්‍රයන්හි අභිවෘද්ධිය වෙනුවෙන් විද්‍යාත්මක තොරතුරු හුවමාරු කරවීම සදහා තාරුණ්‍යයත්  සමග සන්නිවේදනය කිරීම ඉතාමත් වැදගත්ය. අදහස් හුවමාරු කර ගැනීමට, නව අදහස් හා ව්‍යවහාරයන් සමග යාවත්කාලීන වීම සදහා උගැන්වීමට,අප ඔවුන් සමග සාර්ථක ලෙස සන්නිවේදනය  කළ යුතු වේ. විශාල ග්‍රාහක පිරිසක් සමග සන්නිවේදනය උදෙසා ඇති මෙවලම මාධ්‍යය වෙයි. වර්ථමානයේ සම්ප්‍රදායික මාධ්‍ය තුලට ඇතුළන් වනුයේ පුවත්පත්,සරා, ගුවන් විදූලිය හා රූපවාහිනීය පමණක් නොවේ. අන්තර් ජාලය සහ ජංගම දූරකථන ද එයට අන්තර්ගතය.
      වර්තමාන ලෝකය විවිධ වැඩසටහන් ගණනාවක්ම තරුණ අය සමග සන්නිවේදනය උදෙසා අන්තර්ජාලය සහ ජංගම දුරකථන භාවිතා කරයි. මෙම වැඩසටහන් අතර විද‍්‍යාව සෞඛ්‍යය සහ කෘෂිකර්මය ද වෙයි.
          මෑත කාලයේදී විශේෂයෙන්ම තරුණ තරුණියන් අතර අන්තර් ජාලය හා ජංගම දුරකතන භාවිතය ඉහල මට්ටමකට පැමිණ ඇත. ඒ හේතුවෙන් තොරතුරු හුවමාරුවට මෙන්ම ව්‍යාප්තියට අවස්ථා උදා වී ඇත.ඒසේ වූවද මෙම තාක්ෂණ සමහර අවස්ථා වලදී වැදගත් සහ වලංගු ප්‍රශ්ණද මතු කරයි. ඒ අතර,
·                     විද්‍යාත්මක දැනුම ප්‍රචාරණයට හෝ සෞඛ්‍යමය ප්‍රස්තූතයන්ට මැදිහත්වීම හෝ ඉහල නැන්වීම ට අන්තර්ජාලය හෝ  ජංගමදුරකථන සාර්ථකව භාවිත කළ හැක්කේ කෙසේද ?
·                     මෙම තාක්ෂණයන් භාවිතයෙන් කෙරෙන මැදිහත් වීම් සාර්ථක වන බව සනාථ කරන සාක්ෂි හා සාධක තිබේ ද?
·                     මෙම තාක්ෂණ භාවිතයේ පවත්නා වාසි සහ අභියෝග කවරේද?
ඉහත ප්‍රශ්ණ වලට පිලිතුරු සෙවීමේදී පැහැදිලි පිලිතුරු මෙතෙක් ලබා ගැනීමට නොහැකි වී ඇත.
අන්තර්ජාලය හෝ  ජංගමදුරකථන  තොරතුරු සන්නිවේදන මෙවලම් ලෙස මහත් බලාපොරොත්තු තබා ඇති අතර මෙතෙක් කරන ලද ඇගයීමි වලින් හෙලි කර ඇති ප්‍රතිඵල නිශ්චිත නිගමන ලබා නොදෙන අතර සමහර අවස්ථාවලදී මිශ්‍ර ප්‍රතිඵල ලබා දී තිබේ.
විශ්ව විසිරි වියමන (world wide web )ලෙස හදුන්වන අන්තර්ජාලය ලෝකය පුරා ඉතා ශීඝ්‍රයෙන් පැතිර ගොස් ඇති අතර සංවර්ධනය වන රටවල අන්තර්ජාලයට සමීප වීමේ හැකියාව  භෞතික ලෙස, මූල්‍ය ස්ථාවරත්වය, සමාජ ආර්ථික සාධක ,අධ්‍යාපනය ,වයස,සංස්කෘතිය ,භූ ගෝලීය පිහිටීම මෙන්ම භාෂා ප්‍රවීනත්වය යන සාධක මත රා පවතියි.
ශ්‍රී ලංකාව තුල අන්තර්ජාල භාවිතය  ඉතා ශීඝ්‍රයෙන් වර්ධනය වෙමින් පවතියි.වර්ථමානයේ තරුණ තරුණියන් පමණක් නොව පාසල් ශිෂ්‍ය ශිෂ්‍යාවන් අන්තර් ජාලය භාවිතය කෙරෙහි උනන්දුවක් දක්වන්නේ අධ්‍යාපන කටයුතු සදහා පමණක්ම නොවන බව කිව යුතුමය.
වෙබි අඩවි ,විද්‍යාව හා සමිබන්ධ සේවා සැපයිමට හා ප්‍රවර්ධනය කිරීමට භාවිතා කළ හැකිය.උදාහරණයක් ලෙස කෘෂිකර්ම දෙපාර්තමේන්තුවෙන් ලබා දෙන නවතම සේවා පිලිබ තොරතුරු තරුණ ගොවීන් හට ලබා දීමට එමගින් පුවන.කෘෂිකර්ම සේවා මධ්‍යස්ථාන හෝ අදාල මිල ගණන් සමග නිෂ්පාදන මිලදි ගන්නා මධ්‍යස්ථාන හෝ දැන්වීමටද වෙබ් අඩවි යොදා ගත හැකිය.
ශ්‍රී ලංකාවේ ජනගහනය තුළ තමන්ගේම පෞද්ගලික පරිගණක සතු වු අය සිටිනුයේ ඉතා සු සංඛ්‍යාවකි.එහෙයින් ප්‍රජා පරිගණක මධ්‍යස්ථාන පහසුකම් ඇති කිරීම තව තවත්   වර්ධනය කළ යුතුය.
පසුගිය වසර කිහිපය තුළ ශ්‍රී ලංකාවේ ජංගම දුරකථන භාවිතය නොසිතු විරූ ලෙස ඉහල ගොස් ඇත.ඒවා බහුලව භාවිතා වන තවත් කේෂ්ත්‍රයක් වනුයේ  එස්. එම්. එස් ලෙස ජනප්‍රියව ඇති කෙටි පණිවිඩ ලබාදීමේ හා ලබා ගැනීමේ සේවයයි.
දුරකථන භාවිතය මගින් විද්‍යාව, සෞඛ්‍යය සහ කෘෂිකර්මය ආදී විෂයන්ටද අදාළ ප්‍රස්තුත සහා වන සන්නිවේදන මැදිහත්වීම් හි නිරත වීම ලෝකය පුරා බොහෝ රටවල දැන් ඉහළ යමින් පවතියි.උදාහරණයක් ලෙස උගන්ඩාවෙහි රාජ්‍ය නොවන සංවිධානයක් ,එරට විදුලි සංදේශ සමාගමක් සමග එක්ව තරුණ අය අතර  එච්.අයි.වී.ඒඩ්ස් පිළිබව පවත්නා දැනුවත්භාවය නංවාලීමේ පණිවිඩ ව්‍යාප්ත කිරීමේ ව්‍යායාමයක සාර්ථක ලෙස නිරත වීම දැක්විය හැකිය.
ජීවත් වීම පිළිබ ඉගෙනීම ලෙස හැදින්වෙන නයිජිරියාවෙහි ක්‍රියාත්මක ව්‍යාපෘතියෙහි එහි ප්‍රතිලාභින්හට තමන් මුහුණ දෙන ගැට පිළිබව සිය පුහුණුකරුවන් සහ අදාළ වෙනත් වෘත්තීය සම්පත් දායකයන්ගෙන් කෙටි පණිවිඩ ඔස්සේ විසදුම් ලබා දී ඇත.
පණිවිඩ අලෙවි කිරීම සදහා සහ සේවා ලබා දීම සහා ද ජංගම දුරකතන භාවිතා කෙරේ.එහිදී යම්  සාර්ථකත්වයක් අත් කර ගැනීමට සමත්ව ඇත.එහෙයින් වර්තමානයේ ශ්‍රී ලංකාවේද විදාතා මධ්‍යස්ථාන , සෞඛ්‍යය ආයතන සහ කෘෂි සේවා ව්‍යාප්ති මධ්‍යස්ථාන යනාදියට සිය අදාළ පාරිබෝගිකයන් අතරට තම සේවා ගෙන යාමට ජංගම දුරකථන කෙටි පණිවිඩ සේවාව ලබා ගත හැකය.
විද්‍යාත්මක දැනුම ව්‍යාප්තියේදී අන්තර්ජාලය සහ ජංගම දුරකථන භාවිතයේ ඇති  ප්‍රයෝජනවත් බව පිළිබව නිගමනයකට එළීමට තරම් තවමත් කාලය පැමිණ නැත.

ඒසේ වුවද, මෙම තාක්ෂණයේ සංවර්ධනය, සන්නිවේනය නව මාවතකට යොමු කිරීමට සැදී පැහැදි සිටින බව කිව යුතුය.     
සකස්කළේ : ඩබ්ලිව්.ඒ.මල්කාන්ති,විද්‍යා හා තාක්ෂණ නිලධාරි, මල්ලවපිටිය.

March 20, 2017

මිනිස් මොළයේ තරංග වලින් මෙහෙයවන රොබෝ

කෘතිම බුද්ධිය මගින් බොහෝ රොබෝවරු අපගේ රැකියා ඩැහැගැනීම සහා කටයුතු කරන බවට සමහර ලේඛකයෝ අදහස් පළ කරති. එහෙත් මෙම “Baxter” රොබෝ අපට පක්ෂපාතීව අපගේ මොළයේ තරංග විධානයන් අනුව ක්‍රියා කරමින් අප සමගම කටයුතු කරයි. මෙලෙස මිනිස් මනසින්  පාලනය කළ හැකි රොබෝවරු නිෂ්පාදනය සඳහා MIT ආයතනයේ පරිගණක විද්‍යා හා කෘතිම බුද්ධි විද්‍යාගාරය (CSAIL) හා එක්ව Boston විශ්ව විද්‍යාලය කටයුතු කර ඇති බව වාර්තා වේ.

මිනිස් මනසින්  පාලනය කළහැකි රොබෝවරු නිෂ්පාදනයේ මුල් නිර්මාණය වූ Baxter නම් රොබෝ ක්‍රියාත්මක කරන සරල ක්‍රියාව නම් මිනිසාගේ අවධානය යටතේ භාණ්ඩ සරල ලෙස වර්ග කිරීමයි. මෙම මනුෂ්‍යාභ රොබෝට මිනිස් මොළයේ තරංගවල ක්‍රියාපිළිවෙල තත්පරයෙන් 1/100 ක් වැනි ඉතාම කෙටි කාලයකින් කියවා තේරුම් ගැනීමට හැකියාව තිබේ. එය ක්‍රියාත්මක කිරීම සඳහා Electroencephalography (EEG) උපදේශකය මිනිස් මොළයට සම්බන්ධ කරනු ලැබේ. රොබෝ වැරදි තේරීමක් සිදු කරන අයුරු මිනිස් මොළය හඳුනා ගත් විට එය නිවැරිදි කිරීම සදහා මොළයේ හටගන්නා තරංග පරිගණක ප්‍රතිලේඛනයකට පරිවර්තනය වී රොබෝ නිවැරදිව ක්‍රියාකරවීමට මෙහෙයවයි.

Baxter රොබෝ භාවිතයේදී ඔබ කළ යුත්තේ රොබෝගේ ක්‍රියාව සමඟ හුදෙක් මානසික එකග වීම හෝ නොවීම පමණක් බව CSAIL හි අධ්‍යක්ෂ Daniel Rus ප්‍රකාශ කරයි. ඒ සඳහා ඔබ විශේෂ ආකාරයකට සිතීමට පුහුණුවීමක් අවශ්‍ය නොවේ. යන්ත්‍රය ඔබට අනුරූපව හැඩ ගැසෙනු ඇත. යැයිද ඔහු සඳහන් කරයි.

මෙය ඉතාම සරල රොබෝවක් ලෙස දැනට සැලකිය හැකි නමුත් එම තාක්ෂණ තවදුරටත් දියුණුවීමත් සමඟ පරිගණකයට පණිවිඩයක් ලබා දීමට යතුරු ලියනය කිරීමක් හෝ නියෝග බොත්තම් එබීමක් සිදු නොකර හුදෙක් අවශ්‍ය පණිවිඩය සිතීම පමණක් ප්‍රමාණවත් වනු ඇත. එලෙස අපගේ මොළය අනුකරණය කළ හැකි ප්‍රවේශයක් මඟින් කර්මාන්ත ශාලාවක රොබෝවරු, රියදුරු නොමැති රථවාහන සහ තවමත් සොයාගෙන නැති බොහෝ තාක්ෂණයන් අපට පහසුවෙන් පාලනය කළ හැකි වේ. 
   
අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ:
හර්ෂ ලංකේශ්වර, විද්‍යා තාක්ෂණ නිලධාරි.

https://youtu.be/Zd9WhJPa2Ok?t=16

March 17, 2017

මතක ගබඩාව සඳහා පරමාණුව භාවිතය

ඉලෙක්ට්‍රොනික උපකරණවල  තොරතුරු ගබඩා කිරීමේ ක්‍රමය විප්ලවයකට බුන් කළ හැකි සුවිශේෂී ජයග්‍රහණයක් ලබා ගැනීමට පර්යේෂකයන් සමත් වි ඇති බව වාර්තා වේ.

Natureරාවේ පළ කර ඇති වාර්තාවකට අනුව මෙම නව ක්‍රමය පිළිබඳව පර්යේෂකයන් තොරතුරු ඉදිරිපත් කර තිබේ. පළමුව මැග්නීසියම් ඔක්සයිඩ් හි හොල්මියම් (holmium) පරමාණු තැන්පත් කර පසුව scanning tunneling microscope (සුපරික්ෂණ උමං අන්වීක්ෂ) භාවිතා කර සෑම එක් පරමාණුවකටම විදුලි ධාරාවක් ලබා දීම මෙහිදි සිදු කර ඇත. එමගින් පරමාණුවේ  චුම්බක දිශාව වෙනස් කිරීමට පර්යේෂකයෝ සමත් විය.

එනම් හොල්මියම් පරමාණුව උඩු යටි මාරු කිරීමට බඳුන් කළ හැකි වේ. මෙම ක්‍රියාව පරිගණක වල “0” හා “1” බිට් ක්‍රියාවට සමානය (බිට් හරහා විදුලිය ගමන් කිරීම හෝ නොකිරීම ලෙස වෙනස් කොට හදුනාගැනීම) පරිගණක හා ජංගම දුරකථන වල වර්තමානයේදි ඇති සමාන්‍ය චුම්භක ගබඩා වල මිලියන ගණනක පරමාණු තිබෙන අතර මේවායේ  ගතිලක්ෂණද ස්ථාවර දෙකකින් දැක්වීමට හැකි ලෙස වෙනස් කළ හැකිය. වැදගත් දෙය නම් සථාවර දෙක  ලබා දීම පමණක් නොව එම ස්ථාවර දෙක නැවත වෙන් වෙන්ව හඳුනාගැනීමට ද හැකිවීමයි. 

හොල්මියම් පරමාණු වලට ක්වොන්ටම් යාන්ත්‍රණයේ බලපෑමක් නොමැති බව හා ඒ මන්දැයි සොයා බැලිය යුතු බව පර්යේෂණ කණ්ඩායමේ සම කතෘ හා මූලික විද්‍යා ආයතනයේ ක්වොන්ටම් නැනෝ විද්‍යා මධ්‍යස්ථාන අධ්‍යක්ෂ Andreas Heinrich ප්‍රකාශ කරයි. තවද හොල්මියම් පරමාණු එකිනෙකට ඉතාමත් ආසන්නව (ළගින්) ඇසුරුම් කළ හැකි වීම නිසා වැඩි ධාරිතාවක් සහිත සියුම් ගබඩා පද්ධතිය නිර්මාණය කළ හැකි වේ. මෙම සොයා ගැනිම මඟින් වාණිජ ගබඩා මාධ්‍යය ක්ෂුද්‍රගත දත්ත ගබඩා දක්වා ව්‍යාප්තවීමට අවශ්‍ය සොයා ගැනීම් වලට මඟ පැදිය හැකි බව Heinrich තවදුරටත් ප්‍රකාශ කරයි.

පරමාණුක ගබඩාකරණය සෑම මාස 18 කට වරක්ම වේගය දෙගුණ වන දැනට පිළිගත් දත්ත ගබඩා කිරීම ක්‍රම නව සොයාගැනීම  නිසා විප්ලවයකට භාජනය වී ඉලෙක්ට්‍රොනික උපකරණ වඩා තරඟකාරි වීම සඳහා ක්වොන්ටම් තාක්ෂණයට යොමුවනු ඇතැයි අපේක්ෂා කෙරේ. 

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ :

හර්ෂ ලංකේශ්වර, විද්‍යා හා තාක්ෂණ නිලධාරි 

කාමරය තුළ රැහැන් නොමැති විදුලි සම්ප්‍රේෂණය

විදුලි රැහැන් නොමැති විදුලි සම්ප්‍රේෂණය මගින් කාමරයක් තුළ විදුලි උපකරණ පණගැන්වීමට හා ක්‍රියාත්මක කිරීමට මිකී මවුස්, ඩොනල්ඩ් ඩක් වැනි ප්‍රසිද්ධ කාටූන් චරිත සහිත චිත්‍රපටි නිෂ්පාදකයින් වන වෝල්ට් ඩිස්නි සමාගමේ පර්යේෂකයන් සමත් වී තිබේ.

විදුලි රැහැන් නොමැතිව විදුලිය සම්ප්‍රේෂණය සදහා වඩාත් ප්‍රසිද්ධ යෝජකයා 19 ශත වර්ෂයේ සිටි සර්බියා-ඇමෙරිකානු ජාතික Nikola Tesla  වේ. එහෙත් එය ප්‍රායෝගිකව ක්‍රියාත්මක වීම මේ දක්වා ප්‍රමාණාත්මක මට්ටමෙන් ව්‍යාප්තව සිදුවී නැත. මිනිසුන්ට අහිතකර නොවන ලෙස කාමරයක් තුළ විදුලි රැහැන් නොමැතිව විදුලිය සම්ප්‍රේෂණය කරන ආකාරය ඩිස්නි පර්යේෂණ කණ්ඩායම PLOS ONE සගරාවේ පළ කර තිබෙන අතර සාමාන්‍ය දත්ත (Data) අවකාශය හරහා සම්ප්‍රේෂණය කරන ආකාරයටම පහසු ලෙස රැහැන් නොමැතිව විදුලි උපකරණ සදහා විදුලි බලය නිර්මිත අවකාශය හරහා සම්ප්‍රේෂණය කිරීමට හැකියැයි එහි සදහන් වේ. කෙසේවෙතත් නව ක්‍රමය කාමරය තුළ ක්‍රියාත්මක කිරීමට පමණක් හැකි ලෙස සීමාවීම තවදුරටත් ස්වයංක්‍රියව හෝ භූගෝලීය නිදහසකින් ක්‍රියාත්මක කිරීමේ හැකියාව දක්වා වර්ධනය කර ගැනීම අවශ්‍යය.

ග්‍රාහකයාට (උපකරණයට) කිලෝ වොට් බලශක්තියක් ලබා දීම සදහා අවශ්‍ය චුම්භක ක්ෂේත්‍රයක් උපද්දවීමට පර්යේෂක කණ්ඩායම විසින් “ quasistatic cavity resonance (QSCR/ ප්‍රායස් ස්ථිතික අනුනාද)” ක්‍රමය නිර්මාණය කර ඇත. ඒ සදහා කාමරයට ඇලුමේනියම් පනේල (panel) ඇතුළු කිරීම හා කාමර මධ්‍යයේ සිලිම හා පොළව අතර තඹ පොලයක් (pole) සැදීම කළ යුතුය. මෙගා වොට් 1.32 ක එක් බලශක්ති උත්පාදකයකින් ලැබෙන විදුලි ක්ෂේත්‍රය විසුරවිම හා අනුනාද සංඛ්‍යාතයක් සැකසීම සදහා මෙම පෝලය තුළ ධාරිත්‍රක (capacitors) 15 ක් සවිකර ඇත. ඒකාකාරී චුම්භක ක්ෂේත්‍රයක් කාමරය පුරා එකම සංඛ්‍යාතයකින් ගමන් කිරීම සහ ග්‍රාහක උපකරණ වල සවිකළ සමාන සඛ්‍යාත අනුනාද ඇතිවන දගර රැහැන් භාවිතා කර විදුලි උපකරණවලට විදුලි රැහැන් නොමැතිව මෙමගින් විදුලිබලය ලබාදීමට පර්යේෂකයෝ සමත් වුහ.

සාමාන්‍යයෙන් සුපුරුදු ලෙස විදුලි ලබාදීම සදහා කාමරය තුළ විදුලි රැහැන් ස්ථාන ගත කිරීමට වඩා මෙලෙස කාමර විශේෂයෙන් සකස් කිරීමට සිදුවීම අපහසු බව මෙහිදී හැගෙන නමුත් නව තාක්ෂණයට එම අපහසුතා මර්ධනය කර වර්ධනය වීමේ විභවයක් තිබෙන බවද වාර්තා වේ.  

අන්තර්ජාලයේ විද්‍යාත්මක ප්‍රභව ඇසුරෙන් සකස් කළේ :
හර්ෂ ලංකේශ්වර, විද්‍යා හා තාක්ෂණ නිලධාරි.

https://youtu.be/gn7T599QaN8?t=3

ලෝහමය හයිඩ්‍රජන් නිර්මාණය කිරීම

හයිඩ්‍රජන් වායුව ඝන ද්‍රව්‍යයක් බවට පරිවර්තනය කළ හැකි බව න්‍යායාත්මකව හඳුනා ගෙන ශතවර්ෂයකට ආසන්න කාලයකට පසුව ලෝහමය හයිඩ්‍රජන් නිර්මාණය කිරීමට හාවඩ් (Harvard) විශ්ව විද්‍යාලයේ විද්‍යායින් සමත් වී තිබේ.

ලෝහමය හයිඩ්‍රජන් පරමාණුව (atomic metallic Hydrogen) නම් මෙම බොහෝ කාලයක සිට නිර්මාණය කිරීමට අවශ්‍යව තිබු ඝන ද්‍රව්‍යය Harvard විශ්ව විද්‍යාලයේ වි ස්වභාවික විද්‍යාංශයේ මහාචාර්ය Thomas D. Cabo, Issac Silvera හා ශ්‍රී ලාංකිකයකු වන ආචාර්යය උපාධි අපේක්ෂක රංග ඩයස් විසින් නිර්මාණය කර තිබේ.

අධි පීඩන භෞතික විද්‍යාවේ පූජනීය බඳුන බදු මෙම ලෝහමය හයිඩ්‍රජන් නියදිය පෘථිවිය මත පහළ වු එකම අවස්ථාව මෙය බව Silvera ප්‍රකාශ කළේය. මෙම පරීක්ෂණයේදී Silvera හා රංග විසින් හයිඩ්‍රජන් නියදිය ගෙගා පැස්කල් 495 ක පීඩනයකට හෙවත් වර්ග අඟලකට රාත්තල් මිලියන 71.7 ක බරක් එනම් පෘථිවි මධ්‍යයේ පීඩනයකට පාත්‍ර කරන ලදී. එවැනි ඉතා අධික පීඩනය තුලදී ඝන සම්බන්ධතා ජාලයේ පිහිටි අණු වලින් සමන්විත හයිඩ්‍රජන් ඝන අණු බිඳි ගිය බවත් තදින් බැඳී තිබු  අණු විසිරි ගොස් හයිඩ්‍රජන් පරමාණුව බවට පරිවර්තනය වු බවත් Silvera තවදුරටත් ප්‍රකාශ කර තිබේ.

අධි පීඩනයට යෙදු විට ග්‍රැපයිට්, දියමන්ති බවට පරිවර්තනය වන නමුත් පීඩනය ඉවත් කළ විටද දියමන්ති නොවෙනස්ව පශ්චාත් ස්ථාවර පවතින ආකාරයටම හයිඩ්‍රජන් වායුවෙන් නිර්මාණය කළ හයිඩ්‍රජන් ඝන ද්‍රව්‍යය පීඩනය ඉවත් කළ විට එලෙසම පශ්චාත් ස්ථාවරව පවතින බවට වු අනාවැකිය මෙහිදී ඉතා වැදගත් බව ඔවුහු දන්වා සිටිති.

දැනට ඇති සුපිරි සන්නායක වල 15%  ක පමණ ශක්ති හානියක් සිදුවන නමුත් හයිඩ්‍රජන් ඝන මූලද්‍රව්‍ය අති සුපිරි සන්නායකයක් නිසා එම ශක්ති හානිය අවම වීම මඟින් අධිවේග චුම්බක දුම්රිය, විදුලි මෝටර්රථ ඇතුළු සියළු විදුලි උපකරණයක්ම පාහේ වඩා කාර්යක්ෂම වනු ඇත. බලශක්තිය ගබඩා කිරීමේ දියුණුවක් මෙන්ම රොකට් හා ගුවන්යානා සඳහා සැහැල්ලු, බලගතු දහයකයක් නිර්මාණය වීමෙන් අභ්‍යාවකාශ තරණයද වඩා වේගවත් වීම මෙම සොයා ගැනීම මඟින් අපේක්ෂා කෙරේ.
 
පසුගිය මාසයේ හාවඩ් විද්‍යාඥයින් විසින් සොයා ගත් ලොව ප්‍රථම හයිඩ්‍රජන් ඝන මූලද්‍රව්‍ය අධි පීඩනතාව යටතේ පර්යේෂණාගාරයේ තැන්පත් කර තිබී ඇති නමුත් මේ වන විට එය අතුරුදහන්ව ඇති බව වාර්තා වේ. මෙම හයිඩ්‍රජන් ඝන මූලද්‍රව්‍ය විද්‍යාගාරය තුළම වෙනත් තැනක පිහිටීම හෝ එය නැවත ස්වභාවික හයිඩ්‍රජන් වායුව බවට පත් වීම සිදු වූවා දැයි කිව නොහැකි බව පර්යේකයෝ ප්‍රකාශ කරති. කෙසේ වෙතත් ඔවුන් නැවතත් පර්යේෂණය ක්‍රියාත්මක කර හයිඩ්‍රජන් ඝන මූලද්‍රව්‍ය අළුතින් නිර්මාණය කිරීමට යොමු වනු ඇතැයිද වාර්තා වේ.  

අන්තර්ජාලයේ පිළිගත් විද්‍යාත්මක ප්‍රභව ඇසුරෙන්

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

March 16, 2017

සෑම ජීවි විශේෂයකටම අදාළ ජානමය ද්‍රව්‍ය පිළිබද නාමාවලියක් සැකසීම.

මෙම ග්‍රහලෝකය තුළ සිටින සෑම ජීව විශේෂයකට අදාළ ජාන විශේෂත්වය සදහන් අනුපිළිවෙලක් හෙවත් නාමලේඛනයක් සැකසීමට අවශ්‍ය සැලැසුම් පර්යේෂකයන් විසින් ඉදිරිපත් කිරීම අගය කළ යුතුය. සතුන්, ශාක, දිලිර, ඇමිබා යනාදිය ලෙස වර්ග කළ පෘථිවියේ සියලු ජීවින් මෙම පෘථිවි ජෛවස්ථ ව්‍යාපෘතියට අදාළ වේ.

පසුගිය මස පැවති BioGenomics (ජෛවස්ථ) 2017 සම්මන්ත්‍රණයේදී ඉදිරිපත්වූ කරුණු අනුව දැනට හදුනාගත් ජීවින් විශේෂ මිලියන 1.2 ට අමතරව තවත් මිලියන 7.5 ක ඇස්තමේන්තුගත ජීවින් විශේෂයන් හදුනාගත යුතුව ඇති නිසා මෙම  පෘථිවි ජෛවස්ථ ව්‍යාපෘතිය සාක්‍ෂාත්කර ගැනීම අපහසු කාර්යයක් බව පෙනී යයි. එහෙත් පෘථිවි ජෛවස්ථ ව්‍යාපෘතිය බොහෝ ක්ෂේත්‍රවල පැසසුමට භාජනය වී තිබේ. සංරක්ෂණය සිට ජාන විශේෂඥයන් දක්වා වූ පරාසයේ සුවිශේෂ අපේක්ෂාවක් වන සියලු සත්වයන්ට අදාළ DNA නාමාවලියක් සැකසීම අපහසු ඉලක්කයකි.

මේ හා සමාන තත්වයේ අවසාන ව්‍යාපෘතිය වූ මුළු මහත් මනුෂ්‍ය වර්ගයාගේම ජානමය විකේතනය කිරීමට අවුරුදු 15 ක කාලයක් ගතවන බව සහ ඒ සදහා අවශ්‍ය මුදල් හා සම්පත් සොයා ගැනීමට නොහැකි වන බවද මුලින් සලකන ලද නමුත් 1990 වර්ෂයේ එය ආරම්භ කර වසර 13 කින් සාර්ථක ලෙස නිමා කර තිබේ. එමගින් අණුක වෛද්‍ය විද්‍යාවේ සිට මිනිස් පරිණාමනය දක්වා වූ නවතම විද්‍යාත්මක දෘෂ්ඨියක් ඇතිවී තිබේ. ඔබගේ පුද්ගලික දත්ත ස්වල්පයක් ලබාදීම මගින් ඔබට අදාළ ජාන ව්‍යාප්තිය අන්තර්ජාලයේ මෘදුකාංගයක් හරහා දැනගැනීමට අද හැකියාව තිබේ.

මුලින් eukaryotic (යුකරයෝටික්) පවුල් වර්ග 9000 කට ඇතුලත් සෑම එක් පවුලක එක් ජීවි විශේෂයක් සදහා වූ ජාන නාම ලේඛනයක් සැකසීමටත් පසුව එය පරම්පරා 200,000 ක් දක්වා  සහ තවදුරටත් ජීව විශේෂ මිලියන 1.2 දක්වාත් වර්ධනය කිරීමට පර්යේෂකයෝ බලාපොරොත්තු වෙති. උදාහරණයක් ලෙස කුරුළු (පක්ෂි) වර්ග 10,000 ක පෘථිවි ජෛවස්ථ ව්‍යාපෘතිය සැලකු විට සෑම ජීවි පක්ෂි විශේෂයකම ජාන නාමාවලියක් සැකසීම දැක්විය හැකිය.

මුළු මහත් මනුෂ්‍ය වර්ගයාගේම ජානමය විකේතනය හෙවත් මනුෂ්‍ය ජෛවස්ථ ව්‍යාපෘතිය සදහා ඩොලර් බිලියන 4 ක වියදමක් එදා සිදුවුවද තාක්ෂණයේ දියුණුව නිසා අද ඒ සදහා වැයවන මුදල අතිශයින්ම අඩුය. එමනිසා  පෘථිවි ජෛවස්ථ ව්‍යාපෘතිය සදහා ගත විය හැකි කාලය හා වැයවිය හැකි මුදල සැලසුම්වලට වඩා බොහෝ සේ අඩුවනු ඇතැයිද පර්යේෂකයෝ ප්‍රකාශ කරති.



අන්තර්ජාලයේ පිළිගත් විද්‍යාත්මක ප්‍රභව ඇසුරෙණි. 

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

March 13, 2017

ආන්ත්‍රික සිදුරු සහලක්ෂණය සදහා ග්ලුටන් හේතුවෙයිද?

Leaky Gut Syndrome සදහා ග්ලුටන් හේතුවෙයිද?ආන්ත්‍රික සිදුරු ලෙස හදුන්වන ආන්ත්‍රික ස්වභාවය ලොව පුරා අවධානය යොමු වි ඇති අතර විශේෂයෙන්ම ස්වභාවික  සෞඛ්‍ය සංවිධාන අතර ප්‍රමුඛ තැනක් ගනි.සමහර වෛද්‍ය විශේෂඥයින්   ආන්ත්‍රික සිදුරු ඇතිවිම ප්‍රතික්ෂේප කරන අතර අනිත් අය පවසන්නේ එය සියළුම රෝග සදහා මුලික හේතුව බවයි.
ආන්ත්‍රික සිදුරු යම් තරමකට වෛද්‍යමය අභිරහසකි. විද්‍යාඥයන්  මෙය කුමක්ද මෙයට හේතුව කුමක්ද යන්න නිවැරිදිව සොයා ගැනිම සදහා මේ වන විටත් උත්සහ කරමින් සිටි. සමහර මිනිසුන් මේ සදහා ග්ලුටන් වල බලපැමක් ඇතැයි සිතුවද ග්ලුටන් වල ක්‍රියාකාරිත්වය  තත්වය සංකිර්ණ කරයි.
 මෙම ලිපිය මගින් ග්ලුටන් සහ ආන්ත්‍රික තුවාල ලක්ෂණය අතර කරන ලද පර්යේෂණ පරික්ෂා කරනු ඇත.
ග්ලුටන් යනු කුමක්ද?
 ග්ලුටන් යනු ප්‍රෝටින් පවුලට අයත් තිරුගු  ,බාර්ලි වැනි ධන්‍යවල දක්නට ලැබෙන විශේෂ ප්‍රෝටින මිශ්‍රණයකි. මෙමගින්  පිටි මෝලියේ ඇදෙන සුළු ස්භාවයට  හේතු වන අතර ප්‍රමාණය  වැඩි කරයි. හැපිමට යෝග්‍ය , සතුටුදායක පෙනුමක් ඇති කරයි.  ග්ලුටන් ප්‍රෝටින්ප්‍රධාන ප්‍රෝටින් දෙකකින් සැදි ඇත.එනම් ග්ලුටනින් හා ග්ලයඩින් වන අතර ග්ලයඩින් සෞක්‍යමය ගැටළු සදහා හේතු වේ.
ආන්ත්‍රික පාරගම්‍යතාව යනු කුමක්ද?
ආහාර ජිර්ණ පද්දතිය මගින් ඔබේ සිරුර තුල ඉතා වැදගත් ක්‍රියාකාරකම් කිහිපයක් සිදුකරයි.ජිර්ණ මාර්ගයේදි ආහාර කොටස් වලට කඩා පෝෂණ කොටස් රුධිර ධාරාවට අවශෝෂණය කරයි.බඩවැල් බිත්ති සිරුරේ අනිකුත් කොටස් ජිර්ණ පද්දතියෙන් වෙන් කර තබා ගැනිම සදහා අවශ්‍ය වන  විහේෂ  බාදකය ලෙස ක්‍රියා කරයි.එසේ ම කුමන  දව්‍ය රැධිර පද්දතියට හා අවයව වෙත යැවිය යුතුද යන්න තිරණය කරන මුරකරු වේ.
 ආන්ත්‍රරික පාරගම්‍යතාව මගින්  බිත්ති හරහා සමන්‍යෙයන්  පහසුවෙන් ගමන් කරන දව්‍ය පිළිබද  විස්තර කරයි.කුඩා අන්ත්‍රෙය්ය් සෛල අතර ඇති ක්ෂද්‍ර අන්තරය tight junctions ලෙස හදුන්වයි.මෙය  තුවාල වුවහොත් හෝ බුරුල් වුවහොත්  බඩවැල සිදුරු සහිත බවට පත්වේ.එබැවින් දව්‍ය හා ජිවින්ට බඩවැලේ සිට රුධිර පද්දතියට කාන්දු වේ.
මෙම සංසිද්ධිය අන්ත්‍රයේ පාරගම්‍යතාව වැඩි කරන අතර එම තත්වය leaky gut syndrome  ලෙස හදුන්වයි. බැක්ටිරියා හා විෂ වර්ග රැධිරයට එකතු විම නිසා ශරිරය පුරා පැතිරුණු ප්‍රදාහයන් සදහා හේතු වේ.ආන්ත්‍රික  පාරගම්‍යතාව වැඩිවන විට type 1 දියවැඩියාව, හමේ ප්‍රදාහයන්  ඇතුළුව ස්භාවික ප්‍රතිශක්තිය හා සම්බන්ද රෝග සදහා බලපායි.
ග්ලුටන් සමහරුන්ට සැලකිය යුතු ප්‍රශ්ණ ගෙන දේ.
.බොහෝ මිනිසුන්  ග්ලුටන් පහසුවෙන් ජිර්ණය කරයි. ඉතා සුළු පිරිසකට ග්ලුටන් ජිර්ණය අපහසුය. මෙය දරුණුම ආකාරයේ ග්ල්ටන් අසාත්මිකකාව වන අතර ජනගහනයෙන් 0.71  % පමන බලපැමක් ඇති කරයි.මෙය celiac රෝගය (සුසිරක)ලෙස හදුන්වන එය පාරම්පරික ස්භාවික පුතිශක්තියේ ගැටලුවක් වන අතර  ග්ලුටන් බාහිර ආක්‍රමිකයෙක් ලෙස සලකා සිරැර ක්‍රියා කරයි. ප්‍රතිශක්තිකරන පද්දතිය ගුලුටන් වලට ක්‍රියාකාරි වන  සේම බඩවැලේ ස්තර අක්‍රමනය කරයි.මෙමගින් ආහාර මාර්ගයේ බිත්ති වලට සිදුවන හානිය නිසා පෝෂණ ඌණතාවයන් රක්ත හිනතාවය හා ජිර්ණ ගැටළු සමග බොහෝ රෝග සදහා වැඩිවිමේ අවදානමක් ඇත.
මෙම රෝගයේ ප්‍රධාන ලක්ෂණ වනුයේ ජිර්ණ අපහසුතා , කුඩා අන්තුයේ පටක තුවාල විම,පාචනය ,හිසරදය, මලබද්දය , මහන්සිය , හමේ දද , විසාදිය, බර අඩුවිම ,දුගද හමන මල ආදිය වේ.කෙසේ වුවද celiac (සුසිරක) රෝගය සහිත සමහර පුද්ගලයින් හට ජිර්ණරෝග නැති වුවද රක්තහිනතාවය මහන්සිය වැනි වෙනත් බොහෝරෝග ලක්ෂණ ඇත.
මෙම හේතුව නිසා මෙම රෝගය හදුනා ගැනිම ඉතා අපහසුය .එබැවින් 80% celiac රෝගින් ඹවුන්ට එම රෝගය වැලදි ඇති බව නොදනි රොගයට පරික්ෂණ කිරිමේදි ලක්ෂණ නොපෙන්වන බොහෝ මිනිසුන් සිටින නමුත් ඹවුන් ග්ලුටන් සදහා පුතිරෝදි වේ.මෙම තත්වය  non-celiac gluten sensitivityලෙස හදුන්වයි මෙම රොගතත්වයෙන් කොපමන පිරිසක් සිටි දැයි තවම නිවැරිදිව  නොදන්නා  නමුත්  ගනනයන්ට  අනුව 0.5=13 % වේ.මේහිදි ග්ලුටන් සංවේදි රෝග ලක්ෂණ ලෙස  පාචනය ,බඩරිදුම,මහන්සිය,ඉදිමිම,විසාදිය ආදිය වේ.
non-celiac gluten sensitivity පිළිබද පැහැදිලි අර්ථකථනයක් නොමැති වුවද රෝග විනිෂ්චයේදිරෝගියා ග්ලුටන් සදහා සෟණලෙස ප්‍රතික්‍රියා කරයි . නමුත් celiac  රෝගය හා අසාත්මිකතාවයන් සමාන නොවේ.කෙසේ වුවද සමහර විශේඥයන්ට අනුව මෙය ඇත්තම තත්වය නොවේ.ඔවුන් සිතන ලෙස ග්ලුටන්වලට අමතර දව්‍යයකද  අහිතකර බලපැමක් ‍වේ.
ග්ලුටන් රහිත ආහාර ලබාදි ග්ලුටන් අසාත්මික මිකිසුන් 400 යොදා කරන ලද අධ්‍යනයකදි  මිනිසුන් 26 කට පමනක් celiac රෝගය ඇති බවදදෙදෙනෙක් තිරැගු ආසාදිත යන්ද 27 වෙනත් රෝග ද  අනෙක් 364 ග්ලුටන් සංවේදි  බවද පෙන්නුම් කරයි.
එනම් 400 මිනිසුන් ග්ලුටන් අසාත්මක බව සිතුවද ඉන් 55 පමනක් ග්ලුටන් අසාත්මික වි ඇත.එමනිසා මිනිසුන් බොහෝ දෙනා ග්ලුටන් අසාත්මික රෝග ලක්ෂණ ඇතැයි සිතුවද ඇත්තවශයෙන්ම වෙනත් හේතු ඔහුන්ගේ රෝග ලක්ෂණ වලට හේතු වේ.
බොහෝ මිනිසුන් ග්ලුටන් සදහා සෟනකාරි ලෙස ප්‍රතිචාර දැත්කුවද මෙය celiac  රෝගය නොවන අතර  non-celiac gluten sensitivity, ලෙස හැදින්වුවද මෙම තත්වය විවාදාත්මක වේ.
Celiac රෝගය සහිත පුද්ගලයන්      හට පාචනය බඩරිදුම ගැස් හා සමේ කුෂ්ඨ දැක ගත හැක.මෙම තත්වය බඩ වැල තුවාල කරන අතර සමහර පෝෂක වර්ග අශෝෂණයට බලපායි. බොහෝ මිනිසුන් ග්ලුටන් සදහා සෟනකාරි ලෙස ප්‍රතිචාර දැත්කුවද මෙය celiac  රෝගය නොවන අතර  non-celiac gluten sensitivity, ලෙස හැදින්වේ.
දැනට මේ හදුනා ගැනිම සදහා සායනික ක්‍රම නැත.කෙසේ වුවද ග්ලුටන් යනු විවාදාත්මක මාතෟකාවති.සමහර වෛද්‍ය වරු celiac  රෝගය නොමැතිවිට ග්ලුටන් අහිතකර නොවන බව පවසන අතර තවත් සමහර වෛද්‍ය විශේෂඥයින් පවසන්නේ සියළුම ආකාරයේ සෞක්‍යමය ප්‍රශ්ණ සදහා මුලික හේතුව ග්ලුටන් බවයි.
ග්ලුටන්  ආන්ත්‍රික පාරගම්‍යතාවය පාලනය කරන Zonulin, සක්‍රිය කරයි.
අධ්‍යනවලදි හදුනා ගෙන ඇති පරිදි ග්ලුටන් බඩවැලේ පරගම්‍යතාව වැඩි කිරිමට හැකිවන අතර ප්‍රතිශක්තිමය ප්‍රතිචාර සදහා හේතු වේ.ප්‍රදාහයන් හේතුවෙන් අහිතකර බව හදුනා ගන්නා දව්‍ය සදහා  ප්‍රතිශක්තිකරන පද්දතිය  ප්‍රතිචාර දක්වයි. ප්‍රදාහය යනු ශිරුරේ ස්භාවික ආරක්ෂක උපක්‍රමයක් වන අතර දිගින් දිගට පවත්නා ප්‍රදාහයන් සමග නිදන්ගතරෝග සම්බන්ද වේ.සංවේදි පුද්ගලයින් ග්ලුටන් ආගන්තුක ආක්‍රමිණයකු සේ සලකා ප්‍රදාහයන් ඇති කිරිමට කටයුතු කරයි.කෙසේ වුවද ආන්ත්‍රික පරගම්‍යතාව හා ග්ලුටන් සම්බන්දව පරස්පර සාධක පෙන්නුම්කරයි.
 Zonulin and Gut Permeability සදහා  ග්ලුටන් වල බලපැම
Zonulin යනු කුඩා අන්ත්‍රයේ  තද ගැප් එකට බලපාන ප්‍රෝටිනයකි. Zonulin කුඩා අන්ත්‍රයට මුදා හල විට තද ගැප් එක සුළු වශයෙන් විවෟත වේ.පාරගම්‍යතාව වැඩිවේ. පර්යේෂණ නල තුල කල අධ්‍යනයේදි ග්ලුටන් මගින් සෛල තුල ඇති zonulin ක්‍රියාකාරි කර ආන්තරික පාරගම්‍යතාව වැඩි කර බව සොයා ගෙන ඇත. කෙසේ වුවද අධ්‍යනයන්ට අනුව සෛල තුල  zonulin ප්‍රමානය celiac රෝගින්ගේ අධික වේ.
ග්ලුටන් සංවේදි පුද්ගලයින් සදහා මෙහි බලපැම
එබැවින් අධ්‍යන වලදි ස්තිරවම දැනගෙන ඇති පරිදි ග්ලුටන් මගින් celiac රෝගින්ගේ  ආන්ත්‍රික පාරගම්‍යතාව සුලකියයුතු ප්‍රමානයෙන් වැඩි කරයි.
Celiacරෝගය නොමැති පුද්ගලයන්ට මිශ්‍ර පථිපල ඇති කරයි.පර්යේෂණ නල තුල කරන ලදප්‍රථිපල  අනුව ග්ලුටන් මගින් ආන්ත්‍රික පාරගම්‍යතාව වැඩි කරයි.නමු1ත් මෙය මිනිසා මගින් පරික්ෂණ කර නැත. එක් සායනික අධ්‍යනයකදි වේදනාකාරි ආන්ත්‍රික රෝග සහිත රෝගින්ගේ ග්ලුටන් මගින් ආන්තරික පරිගම්‍යතාව වැඩිකරන බව සොයා ගෙන ඇත.
පුද්ගල  සෞඛ්‍යය  බලපැම
 ග්ලුටන් මගින් සෛල තුල ඇති zonulin ක්‍රියාකාරි කලද හැමදෙනාටම එකම ආකාරයෙන් බලනොපානු ඇත.එබැවින් celiac රෝගින් හා IBS(Irritable bowel syndrome) සහිත රෝගින්ගේ ආන්තරික පරගම්‍යතාව වැඩි කරන අතර  නිරෝගි පුද්ගලයන්ට බල නොපානු ඇත.
ආන්ත්‍රික සිදුරු සදහා බලපාන සාදක
මෙහිදි ග්ලුටන් ආන්ත්‍රික සිදුරු සදහා  මුලිකම හේතුව වුවද එකම හේතුව නොවේ. වෛද්‍ය විශේෂඥයින් තවමත් මේ පිළිබද තෙරුම් ගනිමින් සිටියද මේ සදහා හේතුවන කරුණු කිහිපයක් මේ සදහා බලපායි.
·          අහිතකර අහාර :- තෙල් හාපිටි අධික ආහාර
·         ආතතිය ;-  දිගු කාලින ආතතිය මගින් බඩවැල හා මොලය ඇති සම්බන්දතාව වෙනස් කර ඔනැම ආකාරයක ආන්ත්‍රික රෝග සදහා ආරම්භය සපයන අතර ආන්ත්‍රික පරගම්‍යතාව වැඩි කරයි.
·         ප්‍රදාහයන් ;- නිදන්ගත ප්‍රදාහයන් බොහෝ නිදන්ගත රෝග සදහා සහභාගිවන සේම ආන්ත්‍රික පාරගම්‍යතාව වැඩි කරයි
·         Poor gut flora;-.අහිතකර  හා හිතකර බැක්ටිරියාඅතර සමබරතාව වෙනස් වු විට ආන්ත්‍රික සිදුරුසදහා හේතු වේ
·         සින්ක් ඌනතාවය:- සින්ක් හිගකම ආන්ත්‍රික පරගම්‍යතාව වැඩි කරන අතර විවිධ ආන්තරික ප්‍රශ්ණ සදහා හේතු වේ.
·         ඉස්ට්;- ඉස්ට් ස්භාවිකව බඩවැලෙහි පවතින අතර ඉස්ට් වර්ධනය වන විට  ප්‍රශ්ණ ඇතිකරයි.
සියළුදෙනාම ග්ලුටන් වලින් වැලකිය යුතුද?
ග්ලුටන් සමහර පුද්ගලයින් සදහා සැලකිය යුතු ප්‍රශ්ණ ඇති කරයි.සිලියැක් රෝගින් ග්ලුටන් මගින් ආන්ත්‍රික පාරගම්‍යතාව වැඩි කරන අතර ප්‍රතිශක්තිකරන ප්‍රතික්‍රියා හා ප්‍රදාහයන් වැඩි කරයි.කෙසේ වුවද ග්ලුටන් හා ආන්ත්‍රික පාරගම්‍යතාව අතර සම්බන්දය ඉතා සංකිර්ණ වන අතර මේ වන විටත් ඉතා පැහැදිලිව තෙරැම් ගෙන නැත.එබැවින් වර්ථමානය වන විට නිරෝගි පුද්ගලයින්ගේ  සිදුරැ සහිත බඩවැල් හා ආන්ත්‍රික පාරගම්‍යතාව වැඩිකිරිම සදහා ග්ලුටන් උදව් වන බවට ස්ථිර සාක්ෂි නොමැති නමුත් ග්ලුටන්  සංවේදි ලක්ෂණ ඇතිවිට ආහාරයෙන් ග්ලුටන් ඉවත් කිරිම ඔබට ඉතා ප්‍රයෝජනවත් විය හැක.
ආන්ත්‍රික සෞඛ්‍යය බලපාන සාදක
බඩවැලෙහි සෞක්‍යයවර්ධනය හා සිදුරැ සහිත බඩවැල් ඇතිවිම වැලක්විම වැඩිදියුණු කිරිමට බඩවැලේ හිතකර බැක්ටිරියා ගහනය වැඩිකරගත යුතුය.එනම් හිතකර බැක්ටිරියා බඩවැලෙහි වැඩි කරමින්අහිකර බැක්ටිරියා වර්ධනය වැලැක්විය හැක.
 ආන්ත්‍රික සෞඛ්‍යය වැඩි කල හැකි ක්‍රම
·          probioticsගැනිම: Probiotics  යනු අන්ත්‍රෙය් සෞක්‍යයට හේතු වන හිතකර බැක්ටිරියා වේ.මේවා යෝගට් වැනි ආහාර මගින්ද ප්‍රතිපුරක ලෙසද ලබා ගත හැක.
·         ශුද්ධ කල කාබෝහයිට්රේට් වලින් වැලකිම :-සිනි රසගන්වන ලද බිම වර්ග සිනි එකතු කල ආහාර ශුද්ධ කල තිරිගු පිටි වලින් වැලකිම.මෙම ආහාර මත බඩවැලෙහි ඇති අහිතකර බැක්ටිරියා වැඩි දියුණු වේ.
·         බහුලව තත්තුමය ආහාර ගැනිම: ජිරක තන්තු වැඩි ප්‍රමානයක් ඇති පළතුරු. එළවළු හා රනිල බෝග බඩවැලෙහි හිතකර බැක්ටිරියාවන් ආහාරයට ගන්නා නිසා මෙමගින් ඔවුන් හොදින් වර්ධනය වේ.
බඩවැලෙහි හිතකර බැක්ටිරියා වර්ධනය කර  ආන්ත්‍රික සෞක්‍යය වර්ධනය කර ගැනිම leaky gut syndrome වලක්වා ගැනිමට හේතු වේ
   සංවේදි පුද්ගලයන්ට ග්ලුටන් මගින් සැලකිය යුතු ප්‍රශ්ණ ඇති කරන අතර celiac disease හා IBS සහිත පුද්ගලයින්ගේ ආන්ත්‍රික පාරගම්‍යතාව වැඩිකිරිම (leaky gut ) සදහා ග්ලුටන් හේතුවේ. කෙසේ වුවද නිරෝගි පුද්ගලයින් සදහා මෙමගින් ප්‍රශ්ණ ඇති නොකරයි.
ඔබ ග්ලුටන් සංවේදි බව ඔබට දැනේ නම්  ඔබගේ වෛද්‍යවරයා සමග සාකච්ජා කිරිම වැදගත් වන අතර ග්ලුටන් රහිත ආහාර ගැනිමටද සැලකිය යුතුය.
උපුටා ගැනිම
AUTHORITY NUTRITION 
 Daily articles, based on  studies and written by experts.
සැකසුම :
එස්.ඒ. පි. ශිරෝමි,
විද්‍යා හා තාක්ෂණ නිලධාරී,
කරන්දෙණිය