ලෝකයේ ධනවත්ම රට කුමක්ද? (The Richest Country In The World?)

                              

ලෝකය වටකර ඇති මුදල්, ලෝකයේ වැඩිපුරම ඇත්තේ කාටද?

2021 වසරේදී ඉහත පැනයට පිළිතුරෙහි ඉහළම වෙනසක් සිදු විය: එක්සත් ජනපදය ලෝකයේ ධනවත්ම රට (ශුද්ධ වටිනාකම අනුව) යන මාතෘකාවෙන් ඉවත් කරන ලද චීනය ලෝකයේ ධනවත්ම ජාතිය බවට පත්විය. එම ගෝලීය ධන ප්‍රමුඛ පුවරුවේ මාරුවීම ගැන McKinsey & Co. හි වාර්තාවකින් ප්‍රකාශයට පත් කරන ලදී. මෙම කතාව මුලින්ම ඉදිරිපත් කළ බ්ලූම්බර්ග් පැවසුවේ, චීනයේ වටිනාකම 2000 දී ඩොලර් ට්‍රිලියන 7 සිට 2020 දී ඩොලර් ට්‍රිලියන 120 දක්වා වේගවත්ව ඉහළ ගොස් ඇති බවයි. එම කාලය තුළම එක්සත් ජනපදයේ වටිනාකම ඩොලර් ට්‍රිලියන 90 කට ආසන්න වූ හෙයින් ඔවුන්ගේ අංක එකේ ස්ථානය නැති විය.

එම කාල රාමුව තුළ ඩොලර් ට්‍රිලියන 156 සිට ඩොලර් ට්‍රිලියන 514 දක්වා  වැඩි වූ ගෝලීය ධනයේ වැඩිවීමෙන් තුනෙන් එකකට ආසන්න ප්‍රමාණයක් චීනය ලබාගැනීමෙන් ඹවුන් ලකුණු පුවරුවේ ඉහළට පැමිණීමට සමත් විය.

ජාතීන් අතර වෙළඳාම නියාමනය කරන අන්තර් රාජ්‍ය සංවිධානයක් වන ලෝක වෙළඳ සංවිධානයේ (WTO) සාමාජිකයෙකු වීමෙන් පසු චීනයේ ආර්ථික නැගීම වේගවත් වූ බව විශ්වාස කෙරේ. ජාත්‍යන්තර වෙළඳාමේ නීති රීති ස්ථාපිත කිරීම සහ සංවර්ධනය වෙමින් පවතින වෙළඳපොලවල් තුළ ඒවා බලාත්මක කිරීම සඳහා WTO රටවල් වලට ආධාර කිරීම වැනි කාරණා නිසා  WTO සාමාජිකත්වය ලැබීමෙන් රටවල්වලට ප්‍රතිලාභ ලැබිය හැකිය.

චීනයේ දැවැන්ත සමස්ත ධනය එසේ තිබියදීත්, එම ධනයෙන් තුනෙන් දෙකකට වඩා වැඩි ප්‍රමාණයක් සියයට 10 ක් පමණක් වූ  ධනවත්ම කුටුම්භ වලට පමණක් හිමිවන බව ඇස්තමේන්තු කර තිබේ. එබැවින් එය රටේ  සමස්ත මුළු ජනතාව අතර බෙදී නොයයි. මෙම අනුපාතය එක්සත් ජනපදයේ ද දක්නට ලැබේ.

එහෙත්, වසර දෙකකට පසුව, චීනය තවමත් ලෝකයේ ධනවත්ම රටද? Global Citizen Solutions අනුව එය එසේ නොවේ. එක්සත් ජනපදය සිය ප්‍රමුඛස්ථානය නැවත ලබාගෙන ඇති අතර පසුගිය වසරේ ශුද්ධ වටිනාකම අනුව ලොව ධනවත්ම ජාතිය වූ එක්සත් ජනපදයයි. එහි දැවැන්ත ශුද්ධ ධනය ඩොලර් ට්‍රිලියන 145.8 ක් විය. ලෝකයේ විශාලතම ආර්ථිකය සමඟින්, එක්සත් ජනපදය ඩොලර් ට්‍රිලියන 145.8 ක මුදලක් සහ දළ දේශීය නිෂ්පාදිතය ඩොලර් ට්‍රිලියන 25.46 ක් සමඟ ශුද්ධ වටිනාකමින් පොහොසත් ලැයිස්තුවේ ශ්‍රේණිගත කිරීම්වල ඉහළින්ම සිටී.

කෙසේ වෙතත්, ඒක පුද්ගල දළ දේශීය නිෂ්පාදිතයෙන් (GDP per capita) විනිශ්චය කළහොත් මෙම කතාව බොහෝ සේ වෙනස් ස්වරූපයක් ගනියි. ලක්සම්බර්ග් $127,673 ක මුදලක් සමඟින් මෙහි ජයග්‍රාහකයා වන අතර පසුව අයර්ලන්තය, නෝර්වේ සහ ස්විට්සර්ලන්තය ඊළග ස්ථාන හිමි කර ගෙන ඇත.

2023 අයර්ලන්තය පෙරට පැමිණ තිබේ. සාමාන්‍ය අයර්ලන්ත ජාතිකයෙකුට ලැබෙන ප්‍රතිලාභවලට වඩා බහුජාතික සමාගම්වලට ප්‍රතිලාභ ලැබෙන ලොව විශාලතම ආයතනික බදු තෝතැන්න අයර්ලන්තය වීම නිසා 2010 දශකයේ මැද භාගයේදී, බොහෝ විශාල එක්සත් ජනපද සමාගම්-ඇපල්, ගූගල්, මයික්‍රොසොෆ්ට්, මෙටා සහ ෆයිසර් (කිහිපයක් පමණි) ඔවුන්ගේ මූල්‍ය වාසස්ථානය අයර්ලන්තයට ගෙන ගොස් එහි අඩු ආයතනික බදු අනුපාතය වන 12.5% කින් ප්‍රතිලාභ ලබා ගැනීම මෙයට මුලික හේතුව බව සදහන් වේ.

ලෝකයේ විශාලතම ආර්ථිකය ඇති අංක 1 රට වු එක්සත් ජනපදය ඒක පුද්ගල දළ දේශීය නිෂ්පාදිතයෙන් ලොව 7 වන ස්ථානයේ සිටී. එහෙත් ලෝකයේ දෙවන විශාලතම ආර්ථිකය ඇති අංක 2 රට වූ චීනය ඒක පුද්ගල දළ දේශීය නිෂ්පාදිතයෙන් ලොව 71 වන ස්ථානය දක්වා බොහෝ සේ පසුබැස තිබේ.

ඉන්දියාව, ලෝකයේ විශාලතම ආර්ථිකය ඇති අංක 5 රට වුවද ඒක පුද්ගල දළ දේශීය නිෂ්පාදිතයෙන් ලොව 139 වන රට ලෙස ශ්‍රී ලංකාවටද පිටු පසින් සිටී.  ඒක පුද්ගල දළ දේශීය නිෂ්පාදිතයෙන් (GDP per Capita) ලොව අංක 132 වන ශ්‍රී ලංකාව ලෝක ආර්ථිකයේ (GDP) අංක 76 රට වේ.

අන්තර්ජාලය ඇසුරෙන් සකස් කළේ හර් ෂ

Read More

The Five Largest Islands - ලෝකයේ විශාලතම දූපත් පහ?

 අමුතුම සතුන්ගේ නිවහන වන දූපත් පෘථිවියේ වඩාත්ම විවිධාකාර හා ආකර්ෂණීය ස්ථාන අතර වේ. ගොඩබිම් අනුව විශාලතම දූපත් වන මේවායේ පෘථිවි ජනගහනයෙන් සියයට 11 ක් පමණ සිටිති.  ඒ්වා නම් ග්‍රින්ලන්තය, නිව්ගිනියාව, බොර්නියෝව, මැඩගස්කරය සහ බැෆින් දූපත වේ. මිලියන 22 ක ජනගහනයක්  හා ප්‍රමාණයෙන් වර්ග කිමි 65,610 ක් වන  ශ්‍රී ලංකාව, ලොව 25 වන විශාල දිවයින ලෙස ද,  මහා බ්‍රිතාන්‍යය වර්ග කිලෝමීටර් 209,331 ක භූමි ප්‍රමාණයකින් යුත් සමස්ත නවවන විශාලතම දූපත ලෙස ද සැලකේ. එක්සත් ජනපදයේ විශාලතම දූපත, වර්ග කි.මි. 10,430 ක භූමි ප්‍රමාණයකින් සමන්විත අතර එය හවායි හි විශාල දූපත ලෙස නම් කර ඇත

මෙහිදී  මහාද්වීපික ගොඩබිම් ගණන් නොගෙන ඇත. එබැවින් ඇෆ්‍රෝ-යුරේසියාව, ඇමරිකාව, ඇන්ටාක්ටිකාව සහ ඕස්ට්‍රේලියාව බැහැර කර තිබේ. මෙයින් සමහර විශාල ගොඩබිම් සාගර කබොලෙහි දිගුවක් වන හෝ විශාල භූමි ස්කන්ධයක් සහිත මහාද්වීපික තලයක් මත පිහිටා ඇත. එනිසා ඒවා සැබෑ දූපත් වලට ප්‍රතිවිරුද්ධව, ඔවුන්ගේම මහාද්වීපික ලිතෝස්ෆියර් සහ භූ තල මත පිහිටා තිබේ. මිලියන 25.7 ක ජනගහනය සහිත ඕස්ට්‍රේලියාව ප්‍රමාණයෙන් වර්ග කි.මි. 7 692 024 වේ. එය වර්ග කි.මි. 149 450 000 වන ලෝකයේ භූමි ප්‍රමාණයෙන් සියයට පහක් පමණක් වන ලොව කුඩාම මහාද්වීපික භූමි ස්කන්ධයක් සහිත ලොව විශාලතම දූපත වේ..

1)      ග්‍රීන්ලන්තය

ග්‍රීන්ලන්තයේ ප්‍රධාන දූපත පෘථිවියේ විශාලතම දූපත වන අතර වර්ග කිලෝමීටර් 2,130,800  ක විශාලත්වයකින් යුක්ත වේ. එම ප්‍රධාන භූමි ප්‍රදේශය සමඟ ග්‍රීන්ලන්තයේ මුඵ භූමි ප්‍රදේශයට, එහි මායිම වටා විසිරී ඇති කුඩා දූපත් 100 කට වඩා ඇතුළත් වේ.

ග්‍රීන්ලන්තය, ඩෙන්මාර්ක රාජධානියේ ස්වයං පාලන ප්‍රදේශයක් වේ. ග්‍රීන්ලන්තය දැවැන්ත වුවද එහි ශීත දේශගුණය නිසා අතිශයින් විරල ජනගහනයක් සිටියි. වෙරළ තීරයේ දක්නට ලැබෙන ජනාවාස කිහිපයකට සීමා වූ මිනිසුන් 56,000 ක් පමණකගේ නිවහන ලෙස හඳුන්වයි. ග්‍රීන්ලන්ත වැසියන්ගෙන් බහුතරය Inuit වන නමුත් සැලකිය යුතු සුළුතරය යුරෝපීය සම්භවයක් ඇති, මූලික වශයෙන් ඩෙන්මාර්ක ජාතිකයන් වේ. ග්‍රින්ලතයට අමතරව කැනඩාව, ඇලස්කාව, ඈත නැගෙනහිර රුසියාව වැනි රටවල Inuit වරු වෙසෙන අතර සම්පුර්ණ Inuit ජනගහනය මිලියන 1.8ක් පමණ වේ.

2)    නිව් ගිනියාව

ලෝකයේ දෙවන විශාලතම දූපත වන්නේ අග්නිදිග ආසියාවේ නිව් ගිනියාව වන අතර එහි විශාලත්වය වර්ග කිලෝමීටර් 785,753 වේ. දිවයින දේශපාලනික වශයෙන් බෙදී ඇති අතර, දිවයිනේ නැගෙනහිර අර්ධය පැපුවා නිව්ගිනියාවට අයත් වන අතර බටහිර අර්ධය ඉන්දුනීසියාවේ කොටසක් වේ.

ගොඩබිම හරහා තිරස් අතට දිවෙන නිව් ගිනියා උස්බිම් වේ. මීටර් 4,884 (අඩි 16,024) ක උන්නතාංශයක් සහිත ඕෂනියාවේ උසම කඳු මුදුන සහ උසම කන්ද වන පුන්කාක් ජය ඇතුළු කඳු වැටි දාමයකි.

3)   බෝර්නියෝ 

තුන්වන ස්ථානයට පැමිණෙන්නේ වර්ග කිලෝමීටර් 748,168 ක වපසරියකින් යුත් බෝර්නියෝ ය. එයද අග්නිදිග ආසියාවේ නිවර්තන කලාපවල වේ.

                                                                

දිවයින දේශපාලනික වශයෙන් රටවල් තුනක් අතර බෙදී ඇත: උතුරේ මැලේසියාව සහ බෲනායි සහ දකුණින් ඉන්දුනීසියාව.

මිලියන 21 කට අධික ජනතාවක් බෝර්නියෝ හි ජීවත් වෙති. එය සපුෂ්ප ශාක විශේෂ 15,000 ක්, ගස් විශේෂ 3,000 ක්, භෞමික ක්ෂීරපායින් විශේෂ 221 ක් සහ පක්ෂීන් විශේෂ 420 ක් ඇතුළුව තේජාන්විත ලෙස පොහොසත් ජෛව විවිධත්වයකින් යුත් කලාපයකි. ඔරංඔටන් විශේෂ තුනෙන් එකක් වන Bornean orangutan (Pongo pygmaeus) එහි වඩාත් ආකර්ෂණීය සතුන්ගෙන් එකෙකි.

4)  මැඩගස්කරය                                                                    

හතරවන විශාලතම දූපත වර්ග කිලෝමීටර් 587,041 ක වපසරියකින් යුත් මැඩගස්කරයයි.

දකුණු අප්‍රිකාවේ නැගෙනහිර වෙරළට ඔබ්බෙන් ඉන්දියන් සාගරයේ පිහිටා ඇති මැඩගස්කරය ග්‍රීන්ලන්තයෙන් පසු දෙවන විශාලතම දූපත් රට වේ. බෝර්නියෝ සහ නිව්ගිනියාව මෙන් එය ජෛව විවිධත්වයෙන් බහුලයි. එහි විශේෂත්වය වන්නේ Aye-aye සහ fossa ඇතුළු ලෝකයේ වෙනත් තැනක දක්නට නොලැබෙන අද්විතීය සතුන්ය

Aye-aye (Daubentonia madagascariensis) යනු මැඩගස්කර දූපතට ආවේණික වූ විශේෂයක් වන අතර ලොව විශාලතම නිශාචර primate වේ. primate යනු වඳුරන්, වානරයින් සහ මිනිසුන් ඇතුළත් වන කාණ්ඩයේ ඕනෑම ක්ෂීරපායි සතෙකු වේ. fossa යනු සිහින් සිරුරක් ඇති බළලුන් වැනි සත්වයෙකි.

5) බැෆින් දූපත

පෘථිවියේ පස්වන විශාලතම දූපත වන්නේ වර්ග කිලෝමීටර් 507,451 ක භූමි ප්‍රමාණයකින් යුත් කැනඩාවේ බැෆින් දූපතයි.

ග්‍රීන්ලන්තයේ සිට කිලෝමීටර් 350 ක් දුරින් පිහිටි බැෆින් දූපත තවත් අයිස් යෝධයෙකි. එහි ඇත්තේ 13,000 ක පමණ කුඩා ජනගහනයකි. ඔවුන්ගෙන් වැඩි දෙනෙක් Inuit ය. එය තෝර් පීක් (THOR peak) ලෙස හැඳින්වෙන මීටර් 1,675 උසින් පිහිටි ලෝකයේ උසම සිරස් පිහිටීම වේ.

  IFL ඇසුරෙන් හර් ෂ

Read More

ජේම්ස් වෙබ් අභ්‍යවකාශ දුරේක්ෂය - (James Webb Space Telescope)

 නිරීක්ෂණය කළ නොහැක. එහෙත් එයින් පසු විශ්වයේ පරිණාමය විශ්වය පුරාම ඇත. ඒ්වා ග්‍රහණය කර ගැනීමට මිනිසා සමත්වේද?: මහා පිපිරුමෙන් පසු පළමු දීප්තිමත් දිදුලන අවධියේ සිට මන්දාකිණි, තරු සහ ග්‍රහලෝක සෑදීම දක්වා අපගේම සෞරග්‍රහ මණ්ඩලයේ පරිණාමය සම්බන්ධවත් පෘථිවිය වැනි ග්‍රහලෝකවල ජීවයට සහාය වීමේ හැකියාව දක්වාත් අපට සොයා ගත හැකිවේද? Webb කොස්මික් ඉතිහාසයේ සෑම අදියරක්ම පරීක්ෂා කරයි.

ජේම්ස් වෙබ් අභ්‍යවකාශ දුරේක්ෂය (JWST) යනු විශ්වය සහ අපගේ මූලාරම්භය අවබෝධ කර ගැනීමේ අපගේ ගවේෂණයේ යෝධ පිම්මකි. ලොව පුරා තාරකා විද්‍යාඥයින් දහස් ගණනකට සේවය කරන ඉදිරි දශකයේ ප්‍රමුඛතම නිරීක්ෂණාගාරය Webb වේ. Webb
2021 දෙසැම්බර් 25 දින දියත් කරන ලදී. එය හබල් අභ්‍යවකාශ දුරේක්ෂය මෙන් පෘථිවිය වටා කක්ෂගත නොවේ - එය පෘථිවියේ සිට කිලෝමීටර මිලියන 1.5 ක් (සැතපුම් මිලියනයක්) දුරින් දෙවන ලග්‍රෙන්ජ් ලක්ෂ්‍යය හෝ L2 ලෙස හඳුන්වන ස්ථානයේ දී සූර්යයා වටා පරිභ්‍රමණය වේ. අධෝරක්ත තාරකා විද්‍යාව මෙහෙයවීම සඳහා නිර්මාණය කර ඇති අභ්‍යවකාශ දුරේක්ෂයකි. එහි අධි-විභේදන සහ අධි-සංවේදී උපකරණ හබල් අභ්‍යවකාශ දුරේක්ෂය කළ නිරීක්ෂණයන්ට වඩා පැරණි, දුරස්ථ හෝ ක්ලාන්ත වස්තූන් බැලීමට ඉඩ සලසයි.

ඉංජිනේරුවන් සහ තාරකා විද්‍යාඥයින් වෙබ් දුරේක්ෂයේ විද්‍යාත්මක ඉල්ලීම් සපුරාලීමට නව ක්‍රම මෙන්ම පෘථිවියේ සිට සේවය කළ නොහැකි දුරින් මෙහෙයුමක් නවීකරණය කළහ. හබල් මෙන් නොව ගගනගාමීන්ට දුරේක්ෂය අලුත්වැඩියා කිරීමට සහ වැඩිදියුණු කිරීමට නොහැකි වනු ඇත. Webb හි ඉදිකිරීම් 2004 දී ආරම්භ විය. ජේම්ස් වෙබ් අභ්‍යවකාශ දුරේක්ෂය ගොඩනැගීමට වසර 30 ක් සහ ඩොලර් බිලියන 10 ක් ගත වූ අතර, දැන්, අපට අවසානයේ එහි බලයේ පළමු දර්ශන රූප එකතුවක් සමඟින් දැකගත හැකිය.

2002 දී, ව්‍යාපෘතිය ජේම්ස් ඊ.වෙබ් (1906-1992) නමින් නම් කරන ලදී. James E.Webb ඇපලෝ වැඩසටහන තුළ නියෝජිතායතනයට නායකත්වය දුන් අතර මූලික නාසා ක්‍රියාකාරකමක් ලෙස මෙම විද්‍යාත්මක පර්යේෂණ ස්ථාපිත කළේය. NASA විසින් Webb සඳහා US$ මිලියන 824.8 ප්‍රමුඛ කොන්ත්‍රාත්තුවක් මුල්වරට TRW වෙත ප්‍රදානය කරන ලදී. Northrop Grumman Corporation සහ Ball Aerospace & Technologies ආයතන ඉදිකළ මෙම දුරේක්ෂයට, එය පිහිටුවාලු ස්ථානය අවට හිරු සඳු ඇතුඵ විශ්වයේ සියලු දේවල් සිදුකෙරෙන දැඩි උෂ්ණත්ව, පීඩන, ආකර්ෂණ යනාදි ආපදා වලින් ආරක්ෂා විමේ හැකියාව ලබා දී ඇත. එවැනි දුරේක්ෂයක් නිපදවා, හකුඵවා පෘථිවියෙන් සැතපුම් මිලියනයක දුරට ප්‍රවාහනය කර නැවත දිගහැර ගැටඵවකින් තොරව ස්ථාන ගත කිරීමම අතිශය විෂ්මයජනකය (documentary බලන්න) මෙන්ම නැවත සිදුකිරීමද ඉතා අපහසු වු මිහිතලයේ පළමු වරට සිදු කළ කාර්යයකි. ඒ් හා සම්බන්ධ වු මිනිසුන් ගැන අප කුමක් කිව යුතුද?   

2022 වසරේ විශිෂ්ටතම විද්‍යා සැකසුම ලෙස පැසසුමට ලක් වු දැනට මීන රාශියේ පවතීන JWST හට ආලෝක වර්ෂ බිලියන 13.6  ( සැතපුම් 79,828,100,000,000,000,000,000) ක් දුර බැලීමට හැකියාව ඇත.  එය අප මෙතෙක් අභ්‍යවකාශයේ දැක ඇති උපරිම දුරම වේ. එහි නිරීක්ෂණ අතර SMACS 0723 මන්දාකිණි පොකුර. මෙම පොකුරෙහි මන්දාකිණි දහස් ගණනක් අඩංගු වන අතර ඒවායින් සමහරක් ආලෝක වර්ෂ බිලියන 13.1 ක් තරම් ඈතින් වේ. තවද වඩාත්ම දුරස්ථ ක්‍රියාකාරී සුපිරි කළු කුහරය හඳුනාගෙන ඇත. එම පැරණි කළු කුහරයට සත්කාරකත්වය සපයන මන්දාකිණිය, CEERS 1019, මහා පිපිරුමෙන් වසර මිලියන 570 කට පසුව, විශ්වයේ ඉතිහාසයේ තරමක් මුල් අවධියේදී නිර්මාණය වුවකි.

 .  

ජේම්ස් වෙබ් අභ්‍යවකාශ දුරේක්ෂ විශ්වය පුරා කළ විස්මිත සොයාගැනීම් 11ක්

1.මැවීමේ කණුවල උපන් තරු - STARS BORN IN THE PILLARS OF CREATION

2. සෞරග්‍රහ මණ්ඩලයට පිටතින් පිහිටි ග්‍රහලෝකයක (exoplanet) පළමු සෘජු රූපය - WEBB'S FIRST DIRECT IMAGE OF AN EXOPLANET

3.PHANTOM GALAXY  (ආලෝක වර්ෂ මිලියන 32ක් දුරින් පිහිටි ගැලැක්සිය) නැවත ප්‍රතිරූපණය කිරීම - RE-IMAGING THE PHANTOM GALAXY

4.අද්භූත, බොක්සි රැලි වටේ වුල්ෆ්-රේට් තරුව-MYSTERIOUS, BOXY RIPPLES SURROUND WOLF-RAYET ිTAR

5.මෙතෙක් පැවති වඩාත්ම දුරස්ථ මන්දාකිණි සොයා ගැනීම - FINDING THE MOST DISTANT GALAXIES EVER

6. exoplanet වායුගෝලයක් දෙස විස්තරාත්මකව බැලීම - LOOKING AT AN EXOPLANET’S ATMOSPHERE IN DETAIL

7.ටයිටන් වලාකුළු දිලිසීම - GLIMPSING TITAN’S CLOUDS

8.දකුණු වළල්ලේ නිහාරිකාවේ රහස් - THE SECRETS OF THE SOUTHERN RING NEBULA

9.වැලි වලාකුළු සහිත දුඹුරු වාමනයා සොයා ගනී - WEBB DISCOVERS BROWN DWARF WITH SAND CLOUDS

10.මන්දාකිණි ගැටීමෙන් සැඟවුණු තරු සෑදීම - HIDDEN STAR FORMATION AS GALAXIES COLLIDE

 වෙබ් පිටුව ඇසුරෙන් හර් ෂ

Read More

ඉන්දියාවේ පමණක් දකින අසාමාන්‍ය සහ මිල අධික අමුතු දේ 2 - (Unusuals Seen in India)

 7. ආන්තික විදුලි රැහැන් - රටපුරා - ඇස්. පිරිවැය: අදාල නොවේ.

නගරයකට වැඩි පිරිසක් පැමිණෙන හා ජීවත්වන විට වැඩිවන අවශ්‍යතා නිසා අමතර විදුලි රැහැන් අවශ්‍ය වේ. ඉන්දියාවේ වඩාත්ම ජනාකීර්ණ ප්‍රදේශවල ජීවත් වන සිතාගත නොහැකි තරම් මිනිසුන් නිසා, විදුලි රැහැන් ඇදීම ඔබට සිතාගත හැකි පරිදි සෑම විටම අවුල් සහගතය. කුරුල්ලෙකුට වත් පියාඹිය නොහැකි පරිසරයකි.

කේබල් මත කේබල් ඇති අතර, ඒ සෑම එකක්ම අනෙක් කේබල් දුසිම් භාගයක් (හෝ ඊට වැඩි) සමඟ බැඳී ඇත. මෙය දැකීමෙන් පසු, හෙඩ්ෆෝන් වයර් එතරම් ලොකු ගැටලුවක් නොවිය හැක. මෙවැනි පරිසරයක විදුලි කාර් මිකයන්ට සිදුවන විශාල අනතුරදායක මෙන්ම නිරන්තර තර්ජනය සැලකිල්ලට ගත්විට ඔවුන් ඉන්දියාවේ වඩාත්ම ගෞරවනීය වෘත්තිකයන් නොවන්නේ කෙසේද යන්නද පුදුමයකි.

8. රන් ආභරණ මෝටර් රථය - මුම්බායි - ඇස්.පිරිවැය: $4.57 මිලියන*(ආ.ව. රු. මිලියන 1478)

ඉන්දියාවේ නිෂ්පාදිත ටාටා නැනෝ යනු ලෝකයේ ලාභම මෝටර් රථය වන අතර, එහි නමින්  පැහැදිලිවම ගම්‍ය වන පරිදි, එය කුඩාම මෝටර් රථවලින් එකකි. ඉන්දියානු ස්වර්ණාභරණ නිෂ්පාදනයේ සහස්‍ර පහක් සැමරීම සඳහා ගෝල්ඩ්ප්ලස් මගින් එම නැනෝ මෝටර් රථය ස්වර්ණාභරණ වලින් නැවත සකසා වඩාත්ම මිල අධික වාහනයක් බවට එය පරිවර්තනය කළේය.

නැනෝ රාමුව ආලේප කිරීම සඳහා කැරට් 22 රන් ආලේපන රාත්තල් 175 ක් සහ රිදී රාත්තල් 33 ක් භාවිතා කර ඇත. වඩාත් ජනප්‍රිය වීඇත්තේ වාහනයේ පිටත සැලසුම නැවත ප්‍රතිනිර්මාණය කිරීම සඳහා ඇතුළත් කර ඇති මැණික් 10,000 යි.

9. අමුතු ප්‍රවාහන ශිල්පීය ක්‍රම - ඉන්දියාව - ඇස්. පිරිවැය: අදාල නොවේ

ඉන්දියානු ප්‍රවාහන වාහනයක් යන්තම් එහි බඩු අල්ලාගෙන සිටින බව පෙන්වන මෙම පින්තූරය නිසැකවම අනතුරක් අපේක්ෂා කරන්නකි. මෙවැනි ඡායාරූප දෙස බලන විට, මාර්ග අනතුරුවලින් තුවාල සහ, කණගාටුදායක ලෙස, මරණ සිදුවන ලෝකයේ ඉහළම රට ඉන්දියාව ලෙස සැළකීම ගැන පුදුම විය යුතු නැත. ඉන්දියාවේ වසරකට රිය අනතුරු 450,000 ක් පමණ සිදු වේ.

ඉන් 150,000ක් මාරාන්තිකයි. රට තුළ පැයකට රිය අනතුරු 53 ක් සිදු වන අතර එයින් අදහස් කරන්නේ සාමාන්‍යයෙන් සෑම විනාඩි හතරකටම මරණයක් සිදු වන බවයි. Anadolu නියෝජිතායතනයට අනුව, දුර්වල මාර්ග නීති ක්‍රියාත්මක කිරීම, මාර්ග භාවිතා කරන්නන්ගේ නරක හැසිරීම සහ වේගවත් කම්පන සත්කාර නොමැතිකම ඉන්දියාවේ රථවාහන තත්ත්වය මෙතරම් නරක වීමට හේතු වේ. මෙම ඡායාරූපය "නරක මාර්ග භාවිත කරන්නාගේ හැසිරීම" ගණයට වැටෙන බව IFL ලිපියේ මතය ලෙස සදහන් වේ.

10. බස් රථය ඇතුළේ  Hammocks  -  ඉන්දියාව - ඇස්. පිරිවැය: එක් ඇඳ ඇතිරිල්ලක් / දේශීය බස් ගාස්තුව

ඉන්දියාවේ මිනිසුන්ගේ අධික සංඛ්‍යාව සහ පොදු ප්‍රවාහනයේ ආසන ප්‍රමාණවත් නොමැතිකම හේතුවෙන්. දුම්රියවල, මිනිසුන් ගමන් කිරීමට කුඩා ඉඩක් හෝ නොමැතිව එකට ගැවසී සිටිනු දැකීම සාමාන්‍ය තත්වයකි. ශ්‍රි ලංකාවේද එම තත්වය පවතින නමුත් ඉන්දීය බස්රථවල, දේවල් ටිකක් වෙනස් ය. සමහරුට කියන්න පුළුවන්, "අන්න ක්‍රම."

මෙවැනි බස් රථවල ගමන් කරන විට, ආසනය සොයා ගැනීමේදී, තම හිස ආරක්ෂා කරගැනීමට වග බලා ගැනීම මගියාගේ වගකීමකි. මිනිසුන් හිසට උඩින් ඔන්චිල්ලාවල පහසුවෙන් පැද්දෙනු දැකීම අසාමාන්‍ය දෙයක් නොවේ. සමහර බස් රථවල අනෙක් මගීන් දමා ගිය පැරණි ඔන්චිල්ලා තිබේ. නැතිනම් නිවසෙන් ගෙන ආ ඇඳ ඇතිරිල්ලක් ඒ් සදහා යොදා ගත හැකිය. (අන්රටවල් පිටපත් කරයිද?) මෙවැනි ප්‍රවාහන සහ මාර්ග ක්‍රම අතර ලෝකයේ උසම දුම්රිය පාලමද ඉන්දියාව ගොඩනගයි.

11. ලෝකයේ උසම දුම්රිය පාලම - ජම්මු සහ කාශ්මීර.  

ඉන්දියාවේ මිලියන ගණනක ඓතිහාසික ව්‍යුහයන් වසර සිය ගණනක් (දහස් ගණනක් නොවේ නම්) පැවතී ඇත. කෙසේ වෙතත්, මේ සියලු ඉතිහාසය තුළ අහිමි වී ඇත්තේ මේ මහා ජාතියේ නූතන ජයග්‍රහණ විය හැකිය. නිදසුනක් වශයෙන්, රටේ ඈත උතුරේ ලෝකයේ උසම දුම්රිය පාලම වේ.

පාලමේ ඉදිකිරීම් 2004 දී ආරම්භ වූ අතර, සියල්ල හොඳින් සිදුවුවහොත්, මගීන්ට අඩි 1,178 ක් ඉහළින් බක්කල් සහ කෞරි අතර පිහිටි චෙනාබ් ගඟ හරහා දුම්රිය මගින් ගමන් කිරීමට හැකි වනු ඇත. චෙනාබ් පාලමේ සිට භූ දර්ශන පරාසයේ දසුන් ඕනෑම කෙනෙකුගේ හුස්ම ගැනීම වුව වෙනස් කරනු නිසැක ය.

12. Nature’s Toilet Café  (නේචර්ස් ටොයිලට් කැෆේ ) - අහමදාබාද් - ඇස්.පිරිවැය: ආහාර වේලකට $3-$10*(රු.1000- 3300)

අහමදාබාද් හි මෙම කැෆේ එක සාමාන්‍ය කැෆේ වලට වඩා  විශාල වෙනස් වේ. Nature's Toilet Café යනු ප්‍රතිලෝම ආහාර ආපන ශාලාවකි (ශරිරයෙන් ඉවත් කිරීම). එහි ආහාර, තේ සහ කෝපි පිරිනමයි. නමුත් ආසන සැලසුම් කර ඇත්තේ වැසිකිළි ලෙසය. වීදුරු භාජනද වැසිකිළි හැඩැති වේ. අතුරුපස පවා වැසිකිළි හැඩැති වීදුරුවලින් පැමිණේ. Nature's Toilet Café හි වැසිකිලි හෝ වොෂ් රූම් භාවිතා කරන සෑම විටම ඒ් පුද්ගලයාට ඉන්දියානු රුපියල් දෙකක් ලැබේ.

වැසිකිළියේ ඇති සැබෑ වැසිකිළි ජීව වායුව සමඟ සම්බන්ධ වී ඇති අතර, මෙම අපද්‍රව්‍ය මගින් නේචර්ස් ටොයිලට් කැෆේ ක්‍රියාත්මක කිරීමට විදුලිය නිපදවයි. නව දිල්ලි වැසිකිලි කෞතුකාගාරය මෙන්, නේචර්ස් හොඳ සනීපාරක්ෂාව සහ හොඳ සනීපාරක්ෂාව පිළිබඳ දැනුවත් කිරීම සඳහා කැපවී සිටී.

13. රන් ආලේපිත දෝසා  - බැංගලෝර් - ඇස්තමේන්තු. පිරිවැය: $19*(රු.6200)

දෝසා, සියවස් ගණනාවක් පුරා දකුණු ඉන්දියානු ආහාරවල කොටසක් වී ඇත. සකස් කිරීමට කෙටි කාලයක් ගත වන අතර අමුද්‍රව්‍ය කිහිපයක් පමණක් අවශ්‍ය වේ. මිල අඩුම ආහාර වලින් ඒකක් නිසා ඒවා සියලුම සමාජ කොටස්වල බෙහෙවින් ජනප්‍රිය වී ඇත. ඉන්දියාවේ දකුණේ නගරයක් වන බැංගලෝරයේ රාජ් භෝග් අවන්හල විසින් සම්භාව්‍ය දෝසා ගෙන එයට ග්ලැම් එන්නත් නැත්නම් ග්ලැම් ආලේපනයක් ලබා දී ඇත.

අර්තාපල් මසාලා පිරවූ බත් සහ පරිප්පු පෑන්කේක් එකක මිල ඩොලර් 0.50 ක් පමණ විය යුතුය. කෙසේ වෙතත්, රාජ් භෝග් අනුග්‍රාහකයින්ට කැරට් 24 රන් පත්‍ර වලින් උඩින් ඔතා ඇති විවිධ දෝසා ඇත. මෙම  තෝරා ගැනීමේ විකල්පයන්ගේ මිල  සාමාන්‍ය කඩදාසි එතුම් සහිත දෝසා මෙන් හතළිස් ගුණයකි.

මෙවැනි දේවල් ඉන්දියාවේ අහඹු සිදුවීම් ලෙසද සැලකිය හැකිය.  

IFL science වෙබ් පිටුව ඇසුරෙන් හර් ෂ

Read More