Bringing you the latest information in the field of Technology and Research

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Authored by National Vidatha Network Writers

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Adapted from renowned international sources

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Educational blog for future generation of the nation

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Project of the Ministry of Science,Technology and Research, Sri Lanka

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

February 28, 2017

අන්තර්ජාලයෙන් තොරතුරු යැවීම.

පරිගණකයේ මධ්‍යම සකසනයේ පාලනයට පෞද්ගලිකත්වය ඍජුව සම්බන්ධ වීමෙන් සිදුවිය හැකි අවධානම පිළිබඳ මනා අවබෝධයක් ලබා ගැනීමට නම් අන්තර්ජාල මුඛ්‍ය තාක්ෂණය තුලදී පුද්ගලික දත්ත කෙසේ පැතිරේ දැයි දැන ගත යුතුය.

තම කුඩා දරුවාගේ ජායාරූපයක් Email පණිවිඩයක් සමඟ අමුණා Gmail මඟින් තම ඥාති හිතමිතුරන්ට යැවීම වැනි පුද්ගලික දත්ත කෙරෙහි කිසිදු උපද්‍රවයක් ඇති නොවේ. එහෙත් සත්‍ය නම් පුද්ගලික තොරතුරු විහිදීම අවදානම් සහිත බවයි. සමහර විට ඒවා ප්‍රමාණය ඉක්මවා පැතිරී ඇතැයි ඔබටද හැඟෙනු ඇත. කෙසේවෙතත් සඟවා ගත යුතු දෙයක් නොමැති නම් කලබල වීමට හේතුවක්ද නොමැත.

අන්තර්ජාලය තුල පැතිරෙන සමහර අතිශය පෞද්ගලික තොරතුරු මෙන්ම ධනවත් / ප්‍රසිද්ධ පුද්ගලයන්ගේ තොරතුරු දෙස සලකා බලන කල ඔවුන් අවදානමට ලක්වී ඇති බව පැහැදිලිය. Google මඟින් යවන ඔබගේ Email පණිවිඩ හෝ Face book හි පලකරන ඔබගේ ජායාරූප දත්ත මිනිසුන්ගේ පෞද්ගලිකත්ව පිළිබඳ අනවශ්‍ය ලෙස විමසිලිමත් වන අන්තර්ජාලය සම්බන්ධ ආයතන විසින් සොරා ගන්නේ නම් එය මහත් ගැටළුවකි. මෙවැනි සොරුන්ගෙන් ඔබගේ පෞද්ගලික මිතුරන්, ව්‍යාපාර යනාදියේ තොරතුරු ආරක්ෂා කිරීමට Google, Face book වැනි ආයතන නිතරම කටයුතු කරයි. බොහෝ විට අන්තර්ජාලයේ දිස්වන දත්ත මධ්‍යම සර්ව ගොවිපලහි (Central Server Farms) ගබඩා වේ. අනතර්ජාලය ට ඇතුළුකරන පින්තූර හෝ ලිපි මෙම ගොවිපලට කේබල් මඟින් ගමන් කරයි. මෙම සම්පූර්ණ ක්‍රමවේදයම ආරක්ෂා කිරීමට බොහෝ පියවර ගෙන තිබුනද න්‍යායාත්මකව එම තොරතුරු සොරකම් කිරීමේ හැකියාවද තිබේ.  


අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

February 27, 2017

වීඩියෝ දසුන්වල හිරු රශ්මිය සහ සුළග අපට දැනීමට සලසන උපකරණ

සජීවී තත්වය නිරුපනය කරන අතත්‍ය උපකරණ වලට ඇස සහ කණ බොහෝ සේ රැවටිය හැක. එනම් අප භාවිතා කරන ශ්‍රව්‍ය හා ද්‍රශ්‍ය උපකරණ වන තිරය  හා ශබ්ද විකාසන යන්ත්‍ර ඇතුළු උපකරණ තුළින් රූප සහ ශබ්ද සත්‍ය ලෙස දැකීමටත් ඇසීමටත් හැකියාව තිබේ. ඒආකාරයෙන්ම මිනිසාගේ අනෙක් ඉන්ද්‍රියන්ද රැවටිය හැකි අතත්‍ය උපකරණ ළගදීම එළිදකිනු ඇත. විවිධ දේශගුණික තත්ව සජීවීව අතත්‍ය ලෝකයේදී දැනවීමට හැකි උපකරණ නිර්මාණය කිරීමට සිංගප්පූරු ජාතික විශ්ව විද්‍යාලයේ ශ්‍රී ලාංකිකයකු වන නිමේෂ් රණසිංහ සමත් වී ඇති බව වාර්තා වේ.

Virtual Reality (VR ) නම් සජීවී අතත්‍ය අත්දැකීම් උපරිම කිරීමේ උත්සහයක යෙදෙන නිමේෂ් මින් පෙර ඉලෙක්ට්‍රොඩ මගින් පැණි රස අතත්‍ය ලෙස විදීමට සලස්වන ලදී. හිරු රශ්මිය සහ සුළං වේගය ශරීරයට අතත්‍ය ලෙස දැනීමට සලස්වන ඔහුගේ නවතම නිර්මාණය Ambiotherm නම් වේ.

වර්තමානයේ භාවිතා කරන සජීවී අතත්‍ය උපකරණයක් වූ  ව’චුවල් රියලිටි හෙඩ්සෙට් (Virtual Reality Headset) ට සම්බන්ධ කළ උපාංග දෙකක් මගින් Ambiotherm නිර්මාණය කර තිබේ. සුළං මොඩියුලය නම් මුල් උපාංගය ලෙස VR Headset ට කුඩා විදුලි පංකා දෙකක් සවිකිරීමෙන් නරඹන්නාට සුළං වේගය දැනීමට සලස්වා ඇත. එනම් කන්දක් මුදුනක සිට පහලට වැටෙන වැනි දර්ශනයකදී එය සත්‍ය ලෙස සිදුවන බව අවබෝධ කර ගැනීමට අවශ්‍ය  රූප හා ශබ්ද වලට අමතරව දැනිය යුතු සුළගේ වේගය මෙම කුඩා විදුලි පංකා දෙක මගින් ලබාදේ. උෂ්ණත්ව මොඩියුලය වූ දෙවැනි උපාංගය බෙල්ල පිටුපසට සම්බන්ධ වී කාන්තාරයක ගමන් කරද්දී ඇතිවන තද උණුසුමෙහි බලපෑම නරඹන්නාට අත්විදීමට සලස්වයි.


මෙම නව උපාංග නිර්මාණය කිරීමේදී යොදාගෙන ඇති ක්‍රමවේදය පැසසිය යුතු බවද වාර්තා වේ. උණුසුම හෝ සුළග මුළු ශරීරයට දැනීම සදහා අවශ්‍ය වූ ශරීරයේ එක් එක් ප්‍රධාන ශරීරාංගයක් හදුනාගෙන මෙම නව උපාංග එම ස්ථාන උද්දීපනයට ක්‍රියා කරවා ඇත. එනම් බෙල්ලට දැනෙන ලෙස උෂ්ණත්වය ක්‍රමානුකුලව වැඩි කළ විට මුළු ශරීරයම ගිනයම් වන බවත් උගුරැ දණ්ඩ ප්‍රදේශයට සුළං වේගය ලබා දුන් විට මුළු ශරීරයම සුළගට අසුවූ බවක් දැනෙන බවත් යන මෙම කණ්ඩායමේ පර්යේෂණ මගින් ලද නිරීක්ෂණයන් මේ සදහා භාවිතා කර තිබේ.

අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි
https://youtu.be/D-2t25xtw2o?t=10

February 21, 2017

පියාඹන කාර් සිහිනය

ඩොලර් බිලියන ගණනක වත්කම් සහිත තාක්ෂණික යෝධයකු වු Uber ආයතනය තාක්ෂණික කුලීරථ සේවාවක් ලෙස පොළවට උඩින් පියාඹන කාර් නිපදවීමේ සිහිනය සැබෑ කර ගැනීම සඳහා නාසා ආයතනයේ හිටපු ඉංජිනේරුවර‍යකුද සම්බන්ධ කර ගෙන තිබේ.

නාසා ආයතනයේ ඉංජිනේරු Mark Moore  සිරස් ලෙස ගුවන් ගත වීම හා නැවත භූගත වීම (VTOL) පිළිබඳ ප්‍රායෝගික විස්තර පත්‍රිකාවක් අවුරුදු 07 කට පෙර ලියා තිබේ. පුද්ගලික ගුවන් ගමන් සඳහා භාවිතා කළ හැකි මෙම VTOL ක්‍රමය කෙරෙහි පැහැදුනු Uber ආයතනය Moore ගේ දැණුම-හැකියාව සහ අවුරුදු 30 ක අත්දැකීම යොදා ගැනීමට තීරණය කර තිබේ. එමඟින් Uber ගේ පියාඹන නාගරික ප්‍රවාහනය සාර්ථක කර ගැනී ඔවුන්ගේ බලාපොරොත්තුවයි.

මෙම නව පාරිසරික පද්ධතිය සහ නාගරීක විදුලි  VTOL ක්‍රමය සජීවි කිරීමට පුරෝගාමි විය හැකි Uber හැර වෙනත් ආයතනයක් පිළිබඳව තමාට  සිතා ගැනීමට නොහැකි බැවින් පියාඹන කාර් සිහිනය සැබෑ කර ගැනීමට Uber හා එක් වූ බව නාසා ආයතනයේ හිටපු ඉංජිනේරු Moore පවසයි.

පසුගිය ඔක්තෝම්බර් මාසයේදී Uber  ආයතනය සම්පූර්ණ නග්න සිතිවිල්ලක් ලෙස නගරය තුල ක්ෂණික ප්‍රවාහනය සඳහා පියාඹන කාර් යොදාගමු යන අනාගත සංකල්පය ඉදිරිපත් කරන ලදි. එහිදි ඉතා උස් මන්දිර වල මුදුනේ පිහිටි මධ්‍යස්ථාන  අතර ගමනාගමනය සුදුසු බව Uber මුලින් උපකල්පනය කලද නව VTOL ක්‍රමය ඊට වඩා දියුණු ක්‍රමයක් ලෙස සැලකේ. කෙසේවෙතත් VTOL විසින් කාර්යක්ෂමතාවය, විමෝචනය, ශබ්දය , බැටරි ජීවය, සහතිකකරණ ක්‍රියාවලිය, විශ්වාසනීයබව, ආරක්ෂාව, ගුවන් ගමන් පාලනය සහ වියදම යන බොහෝ බාධක කඩුලු ජයගත යුතුව ඇත.  Moore ඔහුගේ ක්‍රියාකාරකම් වල ආරම්භකය ලෙස පියාඹන කාරයක් ඉදිරිපත් කළ හැකි අතරම මෙම ගැටළු සඳහාද විවිධ පිළිතුර සෙවීමට මූලික වී කටයුතු කරනු ඇත. අවුරුදු කිහිපයක් යන තෙක් මෙය ප්‍රායෝගිකව සිදු වීම අපේක්ෂා කළ නොහැකි නමුත් Uber ආයතනයට හා Moore ට ඒ පිළිබඳව හොඳ හැකියාවක් ඇති බව ස්ථිරය.      

අන්තර්ජාලයේ පිළිගත් විද්‍යාත්මක ප්‍රභව ඇසුරෙන්

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි


https://youtu.be/ch7Q_j_VTUQ?t=2

February 20, 2017

සෑම වර්ගයකම ක්ෂය රෝග නිවාරණයට නව ඖෂධ

ක්ෂය රෝගය ලොව ප්‍රධාන මරණිය බෝවෙන රෝගයකි. නව ඖෂධ ප්‍රතිකාර දෙකක් මගින් සෑම වර්ගයකටම අයත් ක්ෂය රෝග සුව කිරීමට හැකි වූ බව වාර්තා වේ. සුව කිරීමට වඩාත් අපහසු ක්ෂය රෝග තත්වයන් පවා මැඩ පැවැත්වීමට මෙම ප්‍රතිකාර යුගලය සමත්වී ඇත.

“සෑම එක් ක්ෂය රෝගියකුටම අවශ්‍ය ප්‍රතිකාර නිර්මාණය කිරීමට අපි සමත් වූවෙමු.”  යැයි TB Alliance (ක්ෂය රෝග පෙරමුණ) හි සභාපති Mel Spigelman පවසයි. අප දැන් ක්ෂය රෝගය ආපසු හැරවීමේ සීමාව ආසන්නයේ සිටින බවද මෙම ප්‍රතිකාර වර්ග දෙකෙහි නිරීක්ෂණ සම්බන්ධීකරණහි යෙදී සිටින TB Alliance තවදුරටත් සදහන් කරයි.

දැනට ඇති ප්‍රතිකාර මගින් සාමාන්‍ය ක්ෂය රෝගය සුව කිරීමට මාස 06 ක කාලයක්ද ඖෂධ සදහා ප්‍රතිරෝධතා දක්වන රෝගීන්ගේ ක්ෂය රෝගය සුව කිරීමට අවුරුදු 02 ක කාලයක්ද ඖෂධ ලබා ගැනීම අවශ්‍ය වේ. බෝවෙන රෝගයක් බැවින් මෙම දීර්ඝ කාලය වඩාත් ගැටළුකාරීය. එහෙත් BPaMZ සහ BPaL නම් නව ප්‍රතිකාර වර්ග දෙක විවිධ ක්ෂය රෝගයන් සදහා වඩාත් ඵලදායිව සහ සරලව භාවිතා කළ හැකිය.

BPaMZ ප්‍රත්කාර ක්‍රමය අනුව ඖෂධ වර්ග 4 ක් දිනපතා ලබා ගත යුතු වේ.අප්‍රිකාවේ රටවල් 10 ක විසිර සිටින පරීක්ෂණයට සම්බන්ධ වූ රෝගීන් 240 කින් සාමාන්‍ය ක්ෂය රෝගය තිබු රෝගීහු සියලු දෙනාම මාස 4 කට පසුව සුවය  ලැබුහ. ඖෂධ සදහා ප්‍රතිරෝධතා දක්වන ක්ෂය රෝගීන් සුවය ලැබීමට මාස 06 ක කාලයක් ගත විය.
සියලු රෝගීන්ගෙන් වැඩි බහුතරයකගේ ඛේට වල ක්ෂය රෝග බැක්ටීරියා මාස දෙකකින් අතුරුදහන් වූ බවද වාර්තා වේ. මින් පෙර කිසිදු ප්‍රතිකාරයකින් මෙවැනි වේගවත් සුව වීමක් වාර්තා නොවූ බව TB Alliance පවසයි.

මිට අමතරව දෙවන ප්‍රතිකාර ක්‍රමය වන් BPaL අනුව ඖෂධ වර්ග 03 ක් දිනපතා ලබා ගත යුතු වේ. ප්‍රතිකාර සදහා අතිශය ලෙස දරුණු ප්‍රතිරෝධයක් දක්වන ක්ෂය රෝගීන් 69 ක් මෙම ප්‍රතිකාරයට භාජනය කළ අතර ඉන් 40 ක් මාස 06 ක කාලයකින් සුව වී තිබේ. ඉතිරි රෝගීන් 29 ගැන තවදුරටත් නිරීක්ෂණය කරනු ලැබේ.
දැනට භාවිතා වන ක්ෂය රෝග ප්‍රතිකාර ක්‍රම වසර 50 කට වඩා පැරණි සහ වඩා කල් ගත වන බැවින් නව ප්‍රතිකාර ක්‍රම ඉතාමත් ඵලදායි වේ. ලෝක සෞඛ්‍ය සංවිධාන වාර්තා අනුව 2015දි  නව ක්ෂය රෝගීන් මිලියන 10.4 ක් වාර්තා වී ඇති අතර එයින් ප්‍රතිකාර ප්‍රතිරෝධී ක්ෂය රෝගීන්ගෙන් 20% කට පමණක් ප්‍රතිකාර කිරීමට හැකිවී තිබේ. ඔවුන්ගෙන්ද සුවය ලැබී ඇත්තේ අඩකට පමණි.

කෙසේවෙතත් නව ප්‍රතිකාරය භාවිතයට පෙර අවශ්‍ය බොහෝ නිරීක්ෂණ තත්වයන් සහ වෙනත් පරිපාලනමය කටයුතු නිසා BPaMZ සහ BPaL ප්‍රතිකාර ක්‍රම ක්‍රියාත්මක වීමට තව ටික කාලයක්  ගතවනු ඇතැයිද වාර්තා වේ.


අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

February 15, 2017

සුළගින් දුවන විදුලි දුම්රිය



නෙදර්ලන්ත දුමිරිය සමාගම විසින් 2015 වර්ෂයේදී ගන්නා ලද එක් සුවිශේෂි තීන්දුවක් හේතුකොට ගෙන ප්‍රවාහන ක්ෂේත්‍රය තුල වැදගත් වෙනසක් ඇති කිරීමට ඔවුන්ට හැකියාව ලැබිණි. එනම් ඔවුන් භාවිතා කරන මගීන් ප්‍රවාහන විදුලි දුම්රිය සඳහා විදුලිය උත්පාදනය කිරීමට සුළං බලශක්තිය යොදාගත යුතු බව දුම්රිය සමාගම විසින් තීරණය කිරීමයි. මෙම ව්‍යාපෘතියට අනුව 2018 වර්ෂය ආරම්භ වන විට එරට සියලු මගී ප්‍රවාහන දුම්රිය සඳහා සුළං බළශක්තියෙන් විදුලිය සැපයිය යුතු විය. මේ සඳහා දුම්රිය සමාගම බලශක්ති නිෂ්පාදන සාමාගමක් වන එනිකෝ සමාගම සමග ගිවිසුම් ගත වූ අතර ඔවුන් එක්ව ගත් ප්‍රයත්නයේ සාර්ථක ප්‍රතිඵලයක් වශයෙන්  2017 වර්ෂය ආරම්භ වන විටම අදාල ඉලක්ක වෙත ලගාවීමට ඔවුන්ට හැකියාව ලැබිණි.

මෙම නව ව්‍යාපෘතිය හේතුකොට ගෙන විදුලිය නිපදවීම සඳහා පොසිල ඉන්ධන භාවිතයේදී පරිසරයට එකතුවන කාබන්ඩයොක්සයඩ් ප්‍රමාණය අඩු කල හැකි අතර මෙය පොසිල ඉන්ධන ශක්ති ප්‍රභවයක් වශයෙන් භාවිතාවන අනෙකුත් කර්මාන්ත සඳහාද ආදර්ශයක් වනු ඇතැයි එනිකෝ සමාගමේ අදහසයි. නෙදර්ලන්තය සැලකීමේදී ප්‍රවාහනය මගින් පරිසරයට මුදාහරින මුළු  CO2  ප්‍රමාණය 20% පමණ වන අතර, ප්‍රවාහන පහසුකම් සලසා ගන්නා අතරම පරිසරය ආරක්ෂා කිරීමද මෙම ව්‍යාපෘතිය මගින් අපේක්ෂා කෙරේ.

දිනකට නෙදර්ලන්ත ජනතාවගෙන් මිලියන 1.2 පමණ දුම්රියෙන් ගමන් ගන්නා අතර මේ සඳහා ටෙරාවොට් පැය 1.4 ක විදුලියක් සුළං බලශක්තියෙන් උත්පාදනය කලයුතු වේ. මෙම ප්‍රමාණය ඇමස්ටරඩෑම් ප්‍රදේශයේ ගෘහස්තව පරිභෝජනය කරන මුළු විදුලි බලයට සමානවේ. එනිකෝ සමාගමේ දත්ත වලට අනුව සුළං බලශක්ති නිෂ්පාදනාගාරයක් පැය 01ක් ක්‍රියාත්මක කිරීම මගින් විදුලි දුම්රියකට කි:මී: 200(සැතපුම් 120) යාමට අවශ්‍ය ශක්තිය උත්පාදනය කරගත හැක.

ව්‍යාපෘතිය ආරම්භයේදී විදුලි දුම්රිය සඳහා අවශ්‍ය වන සුළං විදුලිබලශක්තිය ආසන්න රටවලින් ලබාගැනීමට අපේක්ෂා කල අතර කෙසේ නමුත් අවසානයේදී රට තුලම සුළං විදුලිබලශක්ති ජනන මධ්‍යස්ථාන ප්‍රමාණය වැඩිකිරීම මගින් අදාල බලශක්ති අවශ්‍යතාවය සපුරාගැනීමට  දුම්රිය සමාගමට හැකියාව ලැබිණි. ඔවුන්ගේ මීලග ඉලක්කය වන්නේ මගියෙකු සඳහා වැයවෙන ඉන්ධන ප්‍රමානය 2005 වසර හා සැසදීමේදී 2020 වසරේදී 20% අඩු කිරීමයි.


උපුටාගැනීම: http://www.sciencealert.com/all-electric-trains-in-the-netherlands-are-now-100-powered-by-wind-energy

සදාකාලිකව කොලෙස්ටෙරෝල් අඩු මට්ටමක තබා ගත හැකි එන්නතක්

ජීවිතයේ ඉතිරි කාලය සඳහා ඔබගේ කොලෙස්ටෙරෝල්  මට්ටම අඩුව පවත්වා ගැනීමට හැකි එන්නතක් නිපදවීමට හැකි  විභවයක් නිර්මාණය වී ඇති බව වාර්තා වේ.
කිසිදු අතුරු ආබාධයකින් තොරව හදවත් රෝග වලින් අඩු අවදානමක් සහිත වීම සඳහා අවශ්‍ය විශේෂ ජාන විශේෂයන් අකර්මන්‍ය කරන සහජ විකෘතිතාවයකින් (mutant) යුත් මිනිසුන් අප අතර සිටියි. මේ හා සමාන ලෙස මෙම සුවිශේෂි ජාන අකර්මන්‍ය කරන එන්නතක් සතුන් සඳහා සාර්ථකව අත්හදා බලා තිබේ.

මිනිස් ශරීරයේ සමහර සෛල තුල ඇති DNA ස්ථිරව වෙනස් කරමින් මෙම ප්‍රතිකාරය කිරීමේ හැකියාවක් පවතින බවද වාර්තා වන අතර  මිනිසුන් සඳහා එම ප්‍රතිකාරය භාවිතා කිරීමට පෙර එය කෙතරම් ආරක්ෂාකාරී දැයි සෙවීම දැන් සිදුවේ. කෙසේ වෙතත් ප්‍රතිකාරය ඉතා ඉහල ප්‍රතිලාභ ලබා දෙනු ඇතැයිද විශ්වාෂ කෙරේ. න්‍යායාත්මකව එය මිලියන ගණන් මිනිසුන්ට සෞඛ්‍යය සම්පන්න දීර්ඝායුෂ ලබාදීමට සමත් වනු ඇත.

ජානමය අස්වාභාවිකතාවක් හේතුවෙන් තම අක්මාව තුල PCSK9 නමැති ප්‍රෝටීනය නිපදවීම වැලැක්වෙන මිනිසුන් හඳුනාගත් බව 2005 දී වාර්තා විය. ඔවුන් තුල හෘද රෝග වර්ධනය ඉතා සීමිත වු අතර එනිසා ඇතිවූ වෙනත් අතුරු ආබාධය පිළිබද තොරතුරු වාර්තා නොවු බව PCSK 9 ප්‍රෝටීනය පිළිබඳ අධ්‍යයනයේ යෙදෙන Gilles Lambert නම් විශ්ව විද්‍යාලීය ආචාර්යවරයා පවසයි.

PCSK 9 ප්‍රෝටීනය සාමාන්‍යයන් රුධිරය තුල සංසරණය වෙමින් රුධිර වාහීනි මතුපිට ඇති ප්‍රෝටීන වර්ගයක තත්වය බාල කරයි. මෙම දෙවන ප්‍රෝටීන වර්ගය රුධිරයෙන් LDL කොලෙස්ටෙරෝල් ඉවත් කරයි. දෙවන ප්‍රෝටීන වර්ගය PCSK 9 මගින් අඩු කිරීම වේගවත් වීමට සමානව පුද්ගලයකුගේ  කොලෙස්ටෙරෝල් මට්ටම ඉහල යෑමද සිදුවේ. එනිසා ජානමය විකෘති භාවය මඟින් PCSK 9 ප්‍රෝටීනය අඩුවු අයගේ LDL කොලෙස්ටෙරෝල් ඉවත් කරන දෙවන ප්‍රෝටීනය වැඩි නිසා  රුධිරයේ කොලෙස්ටෙරෝල් මට්ටම අඩුව පවතියි.

හෘදයාබාධ හා ආඝාත නිසා බොහෝ මිනිස්සු මිය යන අතර රුධිරයේ නරක LDL  කොලෙස්ටෙරෝල් මෙම අවදානම තීව්‍ර කරයි. මේ සඳහා දැනට සාර්ථක ප්‍රතිකාර ඇතත් ඒවා සමහර රෝගීන්ට අසාත්මික වේ. එනිසා බොහෝ ඹෟෂධ සමාගම් විකල්ප ප්‍රතිකාර සඳහා යොමු වීම මෙම සොයා ගැනිමට මූලික වී තිබේ.

 අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

https://www.youtube.com/watch?v=PNdO80cvGZ0

සඳ වියලිව ඉපදුනාද?

න්‍යෂ්ඨික පරීක්ෂණ සිදුවූ ස්ථානවල සැදී ඇති විදුරු වර්ග අනුව සඳ වියලිව ඉපදුනාදැයි විද්‍යාඥයෝ සැක පහල කරති. සඳුගේ නිර්මාණයට හේතුවූ ස්වභාවිකව සිදුවූ ඝට්ටනය ප්‍රායෝගිකව ඇති කිරීමට මිනිසාට හැකියාව නැති නමුත් මනුෂ්‍යා විසින් වෙනත් සුවිශාල පිපිරීම් සිදුකර තිබේ. කාලයකට පෙර සිදු කරන ලද න්‍යෂ්ඨික අවි පිපිරීම් වල අවශේෂ නිරීක්ෂණය කිරීම මගින් චන්ද්‍රයාගේ අතීතය අවබෝධ කර ගැනීමට පර්යේෂකයන් උනන්දු වී තිබේ.

1945 ජුලි 16 දින එක්සත් ජනපදයේ හමුදාව විසින් Trinity (ත්‍රිත්ව) යන අනවර්ථ නාමයකින් න්‍යෂ්ඨික අවියක් පුපුරුවා හරින ලදී. TNT කිලෝ ටොන් 20 ක බලශක්තියකින් න්‍යෂ්ඨික බෝම්බය පිපිරුණු අතර එමගින් පොලොව යට තිබු වැලි ද්‍රව බවට පත්විය. මෙම trinitite (ට්‍රිනිටයිට්) තුළ කොළ පැහැති විදුරු වලින් සමන්විත සිහින් ස්ථරයක් නිර්මාණය වී තිබේ.

න්‍යෂ්ඨික බෝම්බය පිපිරුණු අවට ප්‍රදේශයේ උෂ්ණත්වය 800 0C දක්වා ඉහළ ගොස් ඇති අතර 80,000 ක පමණ වායුගෝලීය පීඩනයක්ද ඇති වී තිබේ. අඟහරු ග්‍රහයාගේ ප්‍රමාණයේ ග්‍රහාකයක් සහ පෘථිවිය ගැටීමෙන් සඳු නිර්මාණය විමේදීද මෙවැනි හෝ ඊට විශාල ආන්තික බලශක්තියක් නිදහස් විය. තවද සෞරග්‍රහ මණ්ඩලයේ මුලික අවධියේ ග්‍රහ මණ්ඩල මුහුණ දුන් තත්වය මෙවැනි පිපිරීම් වලට බොහෝ සේ සමාන බව කැලිෆෝනියාවේ Scripps සාගර විද්‍යායතනයේ James Day පවසයි. ග්‍රහලෝක විද්‍යාව සදහා මෙම Trinity පිපිරීමේ විස්තර කොටස් කර මැන වාර්තා කිරීමට විද්‍යාඥයන්ට හැකි වීම වාසනාවකි. එමගින් අධ්‍යනය සදහා විශාල තොරතුරු සමුදායක් ලැබී තිබේ.

සාපේක්ෂව අඩු වාෂ්පශීලි අගයන් ගන්නා ජලය හා අනෙක් වාෂ්පශීලි  ද්‍රව පෘථිවියට වඩා සඳ තුළ මෙතරම් අඩුවීම සොයා බැලීමට මෙම පිපිරිමේ යථාතත්‍යන් Day සහ ඔහුගේ කණ්ඩායමට ප්‍රයෝජනවත් විය. ඒ අනුව ඔවුහු පිපිරීමේ සිට විවිධ දුර පරාස වල පිහිටි වාෂ්පශීලි මුලද්‍රව්‍ය සින්ක් වැනි trinitite කොටස් ව්‍යාප්තිය අධ්‍යනය කළෝය. වඩාත් තීරණාත්මක විභාජන සාධකය නම් බර සහ සැහැල්ලු සමස්ථානික මෙම පිපිරුම් ස්ථාන වල එකිනෙකින් වෙන්වී පවතින ස්වරුපය සඳේ එම ද්‍රව්‍යවල පවතින ස්වරුපයට සමාන වීමයි.

සින්ක් සහ විශේෂයෙන් ජලය වැනි වෙනත් වාෂ්පශීලි මුල ද්‍රව්‍ය  සඳ නිර්මාණයේදී සිදුවූ සාහසික ගැටුම නිසාම හෝ එම දැඩි උෂ්ණත්වය පැවතී කාලය තුලදීම සම්පුර්ණ වශයෙන් වාෂ්ප වී ඇති බව මෙමගින් හැගේ.පෘථිවි වැසමේ පවතින ලෙසට සඳ අභ්‍යන්තරයේද ජලය පවතින බවට විද්‍යාඥයන් විශ්වාශ කිරීමටද හේතු වුයේද සඳ මත තැන්පත්ව ඇති මෙම අසාමාන්‍ය ප්‍රමාණයක විදුරුයි. එහෙත් සඳ නිර්මාණයේදීම ජලය වාෂ්පීකරණය වූයේ නම් සඳ තුළ තවදුරටත් ජලය කොතරම් පවතීදැයි සැක සහිත බව ඔවුන්ගේ අදහසයි.

කෙසේවෙතත් පෘථිවිය මත ඇති දත්ත පරික්ෂා කිරීමෙන් බොහෝ ග්‍රහලෝක ගැටළු විසදා ගත හැකි බව ටෙක්සාස්හි චන්ද්‍රයා සහ ග්‍රහලෝක නිරීක්ෂණ ආයතනයේ Patrick McGovern පවසයි.   

අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි
https://www.youtube.com/watch?v=5OO9Wnna-As

  

February 14, 2017

පිරිසිදු ජල හිගයට ලාභදායි සුර්ය බලශක්ති ජල පෙරණය

ලොව මිලියන ගණන් මිනිසුන් මුහුණ දෙන ශෝචනීය ගැටළුවක් ලෙස පිරිසිදු ජල හිගතාවය සදහන් කළ හැකිය. ශ්‍රී ලාංකිකයන්ටද මෙම ගැටලුව පිළිබද බොහෝ කටුක අත්දැකීම් තිබේ. ලොව පුරා පවතින මෙම ගැටලුවට යම් ප්‍රමාණයක සහනයක් ලෙස ලවණ මිශ්‍ර හා අපිරිසිදු ජලය පිරිසිදු කිරීමට හැකි ඉතා අඩු වියදම් ජල පෙරණයක් නිපදවීමට පර්යේෂක කණ්ඩායමක් සමත් වී ඇතැයි වාර්තා වේ.

වානිජමය නිෂ්පාදනයන්ට වඩා 2.4 ගුණයක වැඩි වේගයකින් ජලය පිරිසිදු කළ හැකි ලාභදායි ජංගම උපකරණයක් මගින් පිරිසිදු ජලය නිපදවීමේ කාර්යක්ෂමතාව පර්යේෂකයන් විසින් වර්ධනය කර තිබේ. ඔවුන් විසින් සාමාන්‍ය සුර්ය ස්ථාලිය වර්ධනය කිරීම සහ මෙම පර්යේෂණ වල ප්‍රතිඵල Global Challenges (ලෝක ව්‍යාප්ත අභියෝග) සගරාවේ පළ කර තිබේ.

වාෂ්පීකරණ ක්‍රියාවලියේදී සුර්ය බල ශක්තිය උපරිමව භාවිතා කළ හැකි ක්‍රමයක් නිර්මාණය කළ බවත් ඒ සදහා ඉතා අඩු මිල අමුද්‍රව්‍ය යොදා ගැනීමට තමන් සමත් වූ බවත් පර්යේෂණ කණ්ඩායමේ නියමු  Qiaoqiang Gan ප්‍රකාශ කරයි. ඉන්ජිනේරු ශිල්පය සහ ව්‍ය්වාහරික විද්‍යාව සදහා වූ Bufffalo School නම් විශ්ව විද්‍යාලයේ විදුලි ඉන්ජිනේරු මහාචාර්යවරයා වන Gan වාෂ්පීකරණ ක්‍රියාවලියේදී උෂ්ණත්ව හානි වන ප්‍රමාණය අවම කර ගැනීමටද තම කණ්ඩායම සමත් වූ බවද සදහන් කරයි.

සුර්යාගේ රශ්මිය උපයෝගී කරගෙන ජලය වාෂ්පීකරණය මගින් ජලයේ ඇති බැක්ටීරියා, ලවණ සහ වෙනත් අපද්‍රව්‍ය ඉවත් කිරීම මෙම සුර්ය වාෂ්පීකරණ උත්පාදක උපකරණය මගින් සිදු කරයි. ඉන්පසුව ජල වාෂ්ප ඝනීභවනය කර පිරිසිදු ජලය ලබා දේ.

  
ජලය උරා ගැනීමට සහ හිරු එලිය උපරිම වශයෙන් උරා ගැනීමට හැකි ලෙස කාබන් කළු වර්ණයෙන් වර්ණ ගැන්වූ කඩදාසිය මෙම ක්‍රමය සදහා යොදා ගත් සුවිශේෂී අංගය වේ. කුඩා ශීතකරණයක් තරම් විශාල වූ උපකරණය ජලය මත පාවෙමින් මතුපිට ජලය පමණක් පිරිපහදුව සදහා භාවිතා කරයි. එනිසා එය ඕනෑම ජල ප්‍රභවයකදී භාවිතා කළ හැකි අතර දිනකදී වතුර ලීටර 3-10 අතර ප්‍රමාණයක පිරිසිදු ජලය නිපදවයි. වර්තමාන මිල ගණන් අනුව උපකරණයේ වර්ග මීටරයක මිල $ 1.60 ක් පමණක් වන නමුත් විශාල ප්‍රමාණයෙන් ජලය පිරිසිදු කරන්නේ නම් එම මිලද තවදුරටත් අඩු කළ හැකි බව සදහන් වේ.

පිරිසිදු ජල හිගයෙන් පිඩා විදින මිලියන 700 ක පමණ ජනගහනය පිළිබද සලකා බැලීමේදී මෙවැනි පිරිවැය-ඵලදායී සාර්ථක නිර්මාණ වල අවශ්‍යතාව බොහෝ සේ වැදගත් වේ.


අන්තර්ජාලයේ පිළිගත් විද්‍යාත්මක ප්‍රභව ඇසුරෙණි. 

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

February 13, 2017

වසර දහයක ආයු කාලයක් සහිත බැටරි විශේෂයක්

වසර දහයක ආයු කාලයක් සහිත විදුලි කෝෂ (බැටරි) නිසා පුනර්ජනන බල ශක්තියේ අනාගතය විප්ලවකාරී වනු ඇත.හාවර්ඩ් විශ්ව විද්‍යාලයේ විද්‍යාඥයින් විසින් වසර දහයකට වඩා කල්පවතින නව විදුලි කෝෂ විශේෂයක් නිර්මාණය කර තිබේ. ඉතා පහළ මට්ටමේ අවක්‍රමනයක් සහිත මෙම නිර්මාණය ඵල දැරුවුවහොත් පුනර්ජනන ප්‍රභව වලින් නිෂ්පාදනය කරන බලශක්තිය ගබඩා කිරීමේ ප්‍රමුඛයා වීමට එයට හැකියාව තිබේ.

Michael Aziz සහ Roy Gordon ගේ මෙහෙයවීමෙන් පළකර ඇති ACS බලශක්ති තොරතුරු අනුව redox flow (රෙඩොක්ස් ප්‍රවාහ) විදුලි කෝෂය මේ සදහා යෝජනා වී තිබේ. මෙම ක්‍රමය මගින් ආරෝපණ (විදුලිය), විශාල ද්‍රාවක ටැංකි තුළ ගබඩා කෙරේ. නව redox flow බැටරිය smart දුරකථනය සදහා බලය සැපයීමට නොව නිවාස ඇතුළු විශාල ප්‍රදේශ සදහා බලශක්තිය ලබාදීමේ විප්ලවයක් වේ.

පුනර්ජනන බලශක්ති ක්‍ෂේත්‍රයේ හදුනාගෙන ඇති ප්‍රධාන දුර්වලතාවයක් නම් නිපදවිය හැකි අමතර පුනර්ජනන බලශක්තිය පසු ප්‍රයෝජනය සදහා ගබඩා කිරීමේ ක්‍රම වේද ඉතා සාර්ථක මට්ටමේ නොතිබීමයි. පුනර්ජනන බලශක්තිය නිපදවනුයේ සුළං මෝල, සුර්ය පනේල යනාදියෙන් නිසා ඒවා නිපදවූ විට කෙලින්ම විදුලි ජාලයට (electricity grid) යොමු කෙරේ. මේ අනුව අමතරව නිපදවිය හැකි පුනර්ජනන බලශක්තිය භාවිතය අවශ්‍ය නොවන නිසා කාර්යක්‍ෂමව ගබඩා කරගැනීම ඉතා වැදගත් වේ. ගබඩා කිරීමට දැනට භාවිතාවන ක්‍රමය නම් ලිතියම්-අයන් (Lithium-Ion) බැටරියි. ටෙස්ලා සමාගම මගින් මහා පරිමාණයෙන් ලිතියම්-අයන් විදුලි කෝෂ නිෂ්පාදනය දැනටමත් ආරම්භ කර ඇතත් එම කෝෂ වල ජීව කාලය වැඩි කිරීමට හා අධික නිෂ්පාදන වියදම අඩුකිරීමට කරන ලද පර්යේෂණ සාර්ථක වී ඇති බව වාර්තා නොවේ. එමගින් විකල්ප ගබඩා කිරීමේ ක්‍රම වේද වල අවශ්‍යතාවය තවදුරටත් මතු වී තිබේ. නව ප්‍රවාහ කෝෂ (flow battery) විකල්ප තරගයේ ජයග්‍රහාහකයා වීමට බොහෝ දුරට සමත් වනු ඇත.

ද්‍රාවක සංයෝග සහිත විශාල ටැංකි දෙකක් මගින් ප්‍රවාහ කෝෂ (flow battery) මුලිකව ක්‍රියාත්මක වේ. මෙම ද්‍රාවක සංයෝග බලශක්තිය + ආරෝපිත විද්‍යුත් විච්ජේදක සහ - ආරෝපිත විද්‍යුත් විච්ජේදක ලෙස ගබඩා කර ගනියි. ඉන්පසුව අවශ්‍ය විටක මෙම ආරෝපිත ද්‍රාවක සංයෝග එකිනෙකා අතර ගලායාමෙන් බලය නිපදවනු ඇත.

අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.  

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

https://www.youtube.com/watch?v=AagO07cHRG8

February 9, 2017

විශ්මයජනක තාරකා ක්‍රියා නිරීක්ෂණය කිරීම.

මෙම දශකයේ හොඳම සොයා ගැනීම ලෙස සැලකෙන ගුරුත්වාකර්ෂණ තරංග සොයාගැනීම සඳහා යොදා ගත් අනාවරක දැන් විශ්මයජනක තාරකා හා ඒවායේ ක්‍රියාවන් ගැන වඩාත් නිරවද්‍යව නිරීක්ෂණය කිරීම ආරම්භ කර තිබේ.

ගුරුත්වාකර්ෂණ තරංග වැනි හෝ ඊටත් වඩා සුවිශාල තරංග සදහා සූදානම් වන මෙම ගුරුත්වාකර්ෂණ තරංග අනාවරක වොෂින්ටන් සහ ලුසියානා වල පිහිටුවා තිබේ. සුර්යා නිසා, පරිසර හානි නිසා, ග්‍රහ වස්තුන් නිසා පෘථිවිය විනාශ වන විද්‍යා ප්‍රබන්ධයන්ට ගුරුත්වාකර්ෂණ තරංගද එක්වනු ඇත.

කළුකුහර යුගල දෙකක් තම ජාලය තුල  එකිනෙක හා සිදු වූ ගැටීම සහ තවත් යුගලයන් දෙවනවර ගැටීම සඳහා යොමු වී තිබීම වැනි සිද්ධීන් වල පෙර නිරීක්ෂණ හැකියාව නොතිබූ  බලාපොරොත්තු නොවු තොරතුරු හා සිදුවීම් පිළිබඳව මෙම LIGO නම් ගුරුත්වාකර්ෂණ තරංග අනාවරක අවදියෙන් සිටියි. ඇමෙරිකානු භෞතික විද්‍යා සමාජය අනාවැකි පලකරමින් සුවිශාල තරංග සඳහා සුදානම් වන ලෙස දන්වා සිටියි.

යම් ස්කන්ධයක් චලනය වන විට ගුරුත්වාකර්ෂණ තරංග බිහිවේ. සරල උදාහරණයක් ලෙස කුහුඹුවන් (ස්කන්ධය) පොකුණක ජලය (කාල - අවකාශ නිර්මිතිය) මත ගමන් කිරීමේදී ජලයේ ඇති වන රැලි (තරංග) මඟින් මේ පිළිබඳව අදහසක් ලබාගත හැකිය. සියලු ස්කන්ධයන් කාල - අවකාශ නිර්මිතියේ රැලි නිර්මාණය කරයි. එකිනෙකා ගැටීමට පෙර සියලු කළු කුහර දැඩි දඟර තුල එකිනෙකා භ්‍රමණය වන විට ඒවායේ වේගය බලවත් වේ. මෙමගින් කාල - අවකාශයේ සංකෝචනයක් සිදුවේ. පෙර හඳුනා ගැනීමට නොහැකිව තිබුණද LIGO අනාවරකයට  යම් මට්ටමකට වඩා ප්‍රභල රැලි නැඟීම් හා කාල-අවකාශ සංකෝචන දැන් හඳුනගත හැකි බව වාර්තා වේ.
 

අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි
https://www.youtube.com/watch?v=CLeQtSR_hrA

February 8, 2017

ලෝදිය පිට කරන “අපායට පිවිසුම”

ඉතියෝපියාවේ පිහිටි අඛණ්ඩව ගිනිගන්නා ලෝ දිය විලක් නිසා අපායට පිවිසුම යයි නම් පටබැඳි පිටාර ගලන ගිනි කන්දක වර්ණවත් ඡායාරූප නාසා ආයතනයේ චන්ද්‍රිකා මඟින් ලබාගෙන ප්‍රසිද්ධ කර තිබේ. මෙම වසරේ ජනවාරි 26 දින මෙම ඡායාරූපය ගන්නා ලද්දේ, නාසා හා ඇමරිකානු භූ විද්‍යා සමීක්ෂණ ආයතනයේ චන්ද්‍රිකාවක් වූ Land Sat 8 විසිනි. නාසා ආයතනය පවසන පරිදි මෙම ඡයාරූපය භූ චලන භූ තැටි තුනක් එකිනෙකින් ඈත්වන ස්ථානයක ‍ ඡයාරූපයක් වේ. එය පිහිටා ඇත්තේ ඉතියෝපියාවේ Danakil Depression නම් ස්ථානයේය. වෙන්වන භූ චලන තැටි දාරයේ දශක ගණනක සිට පවතින ලෝදිය කල්දේරම සහිත Erta Ale ගිනිකන්ද ලොව වඩාත්ම සක්‍රීය ගිනිකන්ද වේ.

මෑතකදී Erta Ale ගිනිකන්දේ ඇති නව පැල්මක්  හඳුනාගන්නා ලදි. එමගින් ගිනි කන්ද මුදුනේ සිට කි.මී. 7 (සැතපුම් 4) ක පළලින් යුක්තව විශාල ප්‍රමාණයක ලෝදිය පිටාර ගැලීමක් සිදුකරයි.මෙම පිටාර ගැලීමක ලාවා ප්‍රමාණයේ වෙනස්වීම නිසා ඇතිවූවක් ලෙස සැලකේ. දුම් දමන කන්ද දිගේ පිටාර ගලන ලෝදිය ඡායාරූපයෙන් දැක්වේ.

Land Sat 8 චන්ද්‍රිකාවේ Operational Land Imager (OLI) මඟින් ඡායාරූපය ලබා ගෙන ඇත. එය ස්වාභාවික වර්ණ (OLI band 4-3-2) සහ අධෝරක්ත කෙටි තරංග (OLI band 7) වලින් සමන්විතය. අධෝරක්ත කෙටි තරංග සාමාන්‍ය ඇසට දෘශ්‍යමාන නොවන නමුත් ප්‍රබල SWIR සංා ඉහළ ගිය උෂ්ණත්වය පෙන්වා දෙයි. සුවිශේෂී මට්ටම් දෙකක ලාවා ගලනය අධෝරක්ත කිරණවල විශේෂ ලක්ෂණ වලින් දෘශ්‍ය වේ.  

අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි

https://www.youtube.com/watch?v=ErmccO0q2GM

February 7, 2017

නවීන (smart) නගර සදහා දියුණු අන්තර්ජාලයක්

අන්තර්ජාලයේ ක්‍රියාකාරිත්වය  ඉහළ දැමීමට සුදුසු කාලය පැමිණ තිබෙන බව එක්සත් රාජධානියේ පර්යේෂකයෝ ප්‍රකාශ කරති. ඒ සදහා ඔව්හු ජාතික මට්ටමේ නව වර්ගයේ අන්තර්ජාල යටිතල පහසුකම් පිළිබද සොයා බැලීමේ උත්සහයක යෙදී සිටිති. Internet Playground / අන්තර්ජාල ක්‍රීඩාපිටිය” නම් මෙම ව්‍යාපෘතිය බොහෝ විශ්ව විද්‍යාල සම්බන්ධ කරගෙන ක්‍රියාත්මක වේ.

සැතපුම් සිය ගණනක ඇතක සිට ක්‍රියාත්මක කරන රොබෝ ශල්‍යකර්මයක සිට විවිධ මහද්වීප කිහිපයක ගායකයින් තම භුමියේ සිට එකිනෙකා සම්බන්ධ වී එකවර ඉදිරිපත් කරන ප්‍රසංගයක් හෝ සමුහ ගායනයක් වැනි විවිධ නව ක්‍රියාවලි ක්‍රියාත්මක කිරීම දක්වා දියුණු වූ අන්තර්ජාලයක් නිර්මාණය කිරීමට හැකිවෙතැයි ඔව්හු විශ්වාෂ කරති.

ආරම්භයේදී අන්තර්ජාලය නිර්මාණය වුයේ email වැනි සන්නිවේදන කටයුතු සදහා වුවත් දැන් වීදියේද ඇති 4K වීඩියෝ පවා අපට අන්තර්ජාලයෙන් ලබා ගැනීමට අවශ්‍ය බවත් ඒ සදහා සුදුසු අන්තර්ජාලයක් නිර්මාණය කලයුතු බවත් එංගලන්තයේ බ්‍රිස්ටල් විශ්ව විද්‍යාලයේ  Dimitra Simeonidon පවසයි. එනම් වඩා වේගවත් වඩා ආරක්ෂාකාරී නව පහසුකම් සහිත  දියුණු අන්තර්ජාලයක් නවීන (smart) නගර සදහා අවශ්‍ය වේ. උදාහරණයක් ලෙස රොබෝ විසින් ක්‍රියාත්මක කරන ශල්‍යකර්මයක් මෙහෙයවීම සදහා ශල්‍ය වෛද්‍යවරයෙක් නිතිපතා සැතපුම් සිය ගණනක් දුම්රියෙන් ගමන් කරන බවත් එය ඔහුට තම නිවසේ සිටම ක්‍රියාත්මක කළ හැකි බවත් ලන්ඩනයේ Kings විද්‍යාලයේ Toktam Mahmoodi පවසයි.එහෙත් buffering වැනි හේතුන් නිසා එය මරණිය අනතුරුදායක තත්වයක් බැවින් වත්මන් අන්තර්ජාලය ඒ සදහා ප්‍රමාණවත් පහසුකම් ලබා නොදේ සුදුසු නොවේ.

එහෙත් Internet “Playground”අත්හදා බැලීම් දැනට භාවිතා වන අන්තර්ජාලය තුළ සිදු කළ නොහැක. එය සංකීර්ණය එමගින් මිලියන ගණන් මිනිසුන් භාවිතා කරන ක්‍රමයන්ට හානි සිදු විය හැකිය. එනිසා මෙම අත්හදාබැලිම්වලට දැනට සහභාගී වන බ්‍රිස්ටල්, එඩින්බර්ග්,  ලන්ක්ස්ටර් වැනි විශ්ව විද්‍යාල සහ ලන්ඩනයේ Kings විද්‍යාලය විසින් ඉතා වේගවත් විශේෂිත server භාවිතා කරයි. එමගින් නවීන (smart) නගර සිට 5 G ජංගම අන්තර්ජාල දක්වා වූ සියලු දේ සම්බන්ධ කරගැනීමට ඔවුන් බලාපොරොත්තු වේ.


අන්තර්ජාලයේ පිළිගත් විද්‍යාත්මක ප්‍රභව ඇසුරෙණි.

සකස්කළේ : හර්ෂ ලංකේශ්වර , විද්‍යා හා තාක්ෂණ නිලධාරි