තේ
ජීවිතයට ඉතා ම සමීපතම පානයක්‌ බව නොරහසකි.තේ ගසෙහි නිජ බිම චීනය බව සඳහන් වේ. ක්‍රි.පූ. 2737 දී පමණ චීනයේ ෂේන්නුන් අධිරාජයා තේ පානය කර ඇති බව වාර්තා වේ. කැමීලියා සිනෙන්සිස්‌ මෙහි උද්භිද විද්‍යාත්මක නාමයයි.
අපේ
රටේ තේ පිළිබඳ ඉතිහාස තොරතුරු අනුව ක්‍රි.ව. 1824 දී චීනයෙන් ද, 1839
දී ඇසෑමයෙන් ද ගෙන්වන ලද තේ බීජ පේරාදෙනිය උද්භිද උද්‍යානයේ රෝපණය කළ බව පැවසෙයි.
ක්‍රි.ව. 1867
දී හේවාහැට ලුල් කඳුර වතු යායේ ඡේම්ස්‌ ටේලර් විසින් තේ වගාව ආරම්භ කර තිබේ
තේ
නිෂ්පාදන ක්‍රියාවලිය ආරම්භ
වන්නේ නො මේරූ තේ දල්ලෙනි. ලෝක තේ නිෂ්පාදනයෙන් 78%ක් මේ ආකාරයට සකස් වේ.
නිෂ්පාදනය කරනු ලබන ක්‍රමය අනුව සම්ප්‍රදායානුකූලව නිපදවා ගනු ලබන (නොඩොක්‌ස්‌) තේ
සහ CTC
තේ
යනුවෙන් වර්ග කෙරෙයි. කළු තේ නිපදවන රටවල් අතර ශ්‍රී ලංකාව, ඉන්දියාව, වියට්‌නාමය, කෙන්යාව
ප්‍රධාන තැනක්‌ ගනී. ග්‍රීන් ටී හෙවත් කොළ තේ ද නිපදවෙන අතර එය ලෝක නිෂ්පාදනයෙන් 20%ක්
පමණ වේ. එම තේ නිෂ්පාදනයේ ප්‍රමුඛයන් වන්නේ චීනය හා ජපානයයි. චීනය හා තායිවානය යන
රටවල් ඌලෝං තේ නිෂ්පාදනය කරයි. එමනිෂ්පාදන ප්‍රමාණය ලෝක තේ නිෂ්පාදනයෙන් 2%ක්
පමණවේ. තේ දල්ලෙහි රසායනික ද්‍රව්‍යවල සංයුතිය දිග නො හැරුණු දල්ලේ සිට පහළට අඩු වේ. මේ නිසා උසස්‌ ගුණාත්මක බවකින් යුත් ඉහළ ශ්‍රේණියේ තේ ලබා ගැනීමට යොදාගනු ලබන්නේ දිග නො හැරුණු දල්ලේ සිට පහළට නො මේරූ දලු දෙකක්‌ තුනක්‌ පමණි.
තේවල ගුණය ආරක්‍ෂා කරගෙන පානය සඳහා තේ පිළියෙල කරගැනීමට නම් නිවැරැදි ක්‍රමයක්‌ අනුගමනය කළ යුතු ය. හොඳින් උතුරන තෙක්‌ රත් කර ගත් ජලය මූඩිය වසාගත හැකි භාජනයකට දමාගත් තේ කොළවලට වත් කර ගත යුතු ය. හුමාලය පිට ව නො යන සේ භාජනය වසා විනාඩි 03-05ක කාලයක්‌ තබා ගැනීම අවශ්‍ය ය. ඉන්පසු පෙරාගෙන පානය සඳහා යොදා ගැනීමෙන් තේවල නියම පෝෂණ ගුණය ලබාගත හැකි ය. දිනකට තේ කෝප්ප 5ක් පානය කිරීමෙන් මොළයේ ලේ කැටි හිර වීම 50%කින් අඩු කරගත හැකි බව ජපානයේ වෛද්‍ය පර්යේෂණාගාරයක්‌ වාර්තා කරයි.
සකස් කලේ : අනුෂා සාගරිකා
විද්‍යා හා තාක්ෂණ නිලධාරි ,තිඹිරිගස්යාය.
0 comments:
Post a Comment