May 28, 2014

සුපිරි සුද රෝගයකට මුලද?

සුදෝසුදු පැහැයෙන් බබලන අත් තුවා, ළදරු තුවා, ටිෂු කඩදාසි වගේම සනීපාරක්ෂක තුවා වර්තමානය වනවිට භාවිතය බහුල වෙලා. ඇත්තටම අපි මේවා භාවිතයට පෙළඹෙන්නේ පහසුවට සහ ඒවායේ පවතින සුපිරි සුදට ආකර්ශනය වීම නිසයි.
නමුත් කොහොමද මේ කඩදාසි සහ රෙදි කැබලිවලට සුදුපාට ලැබිලා තියෙන්නේ. යම්කිසි පාට වෙනස් කිරීමේ ක්‍රියාවලියක්, එනම් විරංජන ක්‍රියාවලියක් මගින් තමයි මේ සුපිරි සුද ලබාගන්නේ.
විරංජන ක්‍රියාවලියට ප්‍රධාන වශයෙන්ම යොදාගන්නේ කාබනිකමය ක්ලෝරින් සංයෝග. මින් ඉතාමත් භයානක රසායනය හදුන්වන්නේ ඩයොක්සීන් නමින්. ටෙට්රා ක්ලෝරෝ ඩයිබෙන්සො ඩයොක්සීන් නැමැති මෙම සංයෝගය දැනට හදුනාගෙන ඇති ඉතා විෂ සහිත සංයෝගයක්. මේ ඩයොක්සීන් වල ඉතා කුඩා අංශු මාත්‍රයකින් පවා ඉතා ප්‍රබල විකෘතිතා ඇති කිරීමට හැකියාව තිබෙනවා.
විශේෂයෙන්ම ළදරු තුවා සහ සනීපාරක්ෂක තුවා වැඩි කාලයක් තිස්සේ ශරීරයේ දැවටී තිබීම නිසා ඩයොක්සින් සිරුරට උරාගැනීමේ හැකියාව වැඩියි. සම හරහා වගේම දූවිලි, දුම ඔස්සේත් ඩයොක්සීන් ශරීරගත විය හැකියි. ළදරු සම සියුම් නිසා මෙය පහසුවෙන් සිදුවෙන්න පුළුවන්. ඒ වගේම කාන්තාවන්ගේ දරුඵල අඩුකිරීම්, ගබ්සා ඇතිවීම, ගර්භාෂ පිළිකා ආදිය මෙන්ම සම රළුවීමත් ඩයොක්සීන් වල ප්‍රතිඵලයක් ලෙස වෙන්න පුළුවන්. මේ නිසා සුපිරි සුදට වඩා සෞඛ්‍යාරක්ෂාව ගැන හිතුවොත් හොද නේද?
 



(වෛද්‍ය වරයා සගරාව ඇසුරිනි)
එච්.ආර්.එම්.ඩබ්. සෙනරත්
විද්‍යා හා තාක්ෂණ නිලධාරි,
කටුවන.

0 comments:

Post a Comment