Bringing you the latest information in the field of Technology and Research

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Authored by National Vidatha Network Writers

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Adapted from renowned international sources

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Educational blog for future generation of the nation

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

Project of the Ministry of Science,Technology and Research, Sri Lanka

විද්‍යා,තාක්ෂණ හා පර්යේෂණ අමාත්‍යාංශයෙන් ජාතියේ දරුවන්ට පිදෙන තිළිණයකි | நாட்டு குழந்தைகளுக்கான விஞ்ஞான தொழில்நுட்பவியல் ஆராய்ச்சி அமைச்சின் வெகுமதி

April 27, 2018

මුහුණු හඳුනාගැනීමේ නියමු නියැදියක් මගින් අතුරුදහන් වූ දහස් සංඛ්‍යාත ළමයින් සොයා ගැනේ.

දිල්ලි නගර පොලිස් දෙපාර්තමේන්තුව විසින් අත්හදා බැලීමේ ක්‍රමයක් ලෙස මුහුණු හඳුනාගැනීමේ නියමු නියැදියක් හෙවත් FRS නම් පරිගණක මෘදුකාංගයක් භාවිතා කර දින හතරක් තුලදී අතරමං හෝ අතුරුදහන් වූ ළමයින් 3000 ක් පමණ දිල්ලි නගරයෙන් සොයා ගත් බව ඉන්දියානු NDTV ප්‍රවෘත්ති සේවය වාර්තා කරයි. එය නව ප්‍රවේශය නිසා ලද අගය කළ යුතු සේවයකි.


බිලියනය 1.3 ක ජනගහනයක් සිටින රටක සෑම වසරකම පාහේ අතුරුදහන් වන දහස් සංඛ්‍යාත දරුවන් හඹා යමින් සොයා ගැනීම අතිශය අපහසු දැවැන්ත කර්තව්‍යයකි. ඉන්දියාවේ කාන්තා හා ළමා සංවර්ධන අමාත්‍යාංශය පවසන පරිදි 2012 සහ 2017 අතර කාලයේදී පමණක් දරුවන් 240,000 ක් පමණ අතුරුදහන් වී තිබේ. සත්‍ය සංඛ්‍යාව මිට බොහෝසේ වැඩි බවත් එම ප්‍රමාණය 500,000 කට ආසන්න බවත් සමහර සංවිධාන ප්‍රකාශ කරයි.

අතුරුදහන් වූ දරුවන් සොයා ගැනීම සදහා අමාත්‍යාංශය විසින් ජාතික පද්ධතියේ TrackChild නම් දත්ත ගබඩාවක් ස්ථාපිත කර ඇත. අතුරුදහන්වූ හා සොයාගත් දරුවන්ගේ ඡායාරූප එහි ඇතුලත් කිරීමට මෙන්ම එහි ඇති දරුවන්ගේ ඡායාරූප නැරඹීමටද හැකිය. තවද එමගින් ඊට අදාල පොලිස් තොරතුරු නියෝජිතයන් හා පුරවැසියන් සමඟ බෙදා ගත හැකි වේ. මෙම ඩිජිටල් සම්පත (දත්ත ගබඩාව) ප්‍රයෝජනවත් මෙවලමක් බවට පත් වුවද, විශාල ඡායාරූප ප්‍රමාණයක් තිබීම නිසා ළමයින් හඳුනා ගැනීමේ සහ සොයාගැනීමේ කටයුතු අපහසු විය.

එනිසා Bachpan Bachao Andolan (BBA) නමැති ළමා සුභසාධක සංවිධානය විසින් TrackChild ජායාරුප සැසඳීමේ ක්‍රියාවලිය ස්වයංක්‍රිය කිරීමට FRS මෘදුකාංගය නිර්මාණය කර ඇත. මෙම වැඩසටහන භාවිතා කරනු ලබන විශේෂිත මුහුණු හඳුනා ගැනීමේ ඇල්ගොරිතම පිළිබඳ විස්තර පළකර නොමැති නමුත් වත්මන් FRS වේදිකාව ජ්‍යාමිතික හෝ ඡායාමිතික (geometric or photometric) යන ප්‍රධාන ප්‍රවේශයන් දෙකම භාවිතා කරයි

ජ්‍යාමිතික ඇල්ගොරිතම විසින් මුහුණේ ඉන්ද්‍රියන්, විවිධ ලක්ෂණ අතර දුරමැනීම මගින් සහ මුහුණේ විවධ සලකුණු හදුනාගැනීම මගින් මුහුණු සංසන්ධනාතමක විශ්ලේෂණයකට බඳුන් කරයි. ඡායාමිතික ඇල්ගොරිතමය මගින් ජායාරුපයේ පික්සලයෙන් පික්සලය දක්වා සංකීර්ණ මට්ටමට රුප සංසන්දනය කරනු ලැබේ. ඡායාමිතික ඇල්ගොරිතමය භාවිතය සදහා සංසන්ධනය කිරීමට රුප විශාල ප්‍රමාණයක් අවශ්‍ය නිසා FRS මෘදුකාංගය එය කොතරම් දුරට අනුගමනය කරනවාදැයි පැහැදිලි නැත.

තරමක් අවුල් සහගත විව්ධාකාර ගැටලු නිසා පොලිස් දෙපාර්තමේන්තුවට සහාය වීමට දිල්ලි මහාධිකරණය මැදිහත් වන තුරු FRS නියමු ව්‍යාපෘතිය ක්‍රියාත්මක නොකළේය. කෙසේවෙතත් එය අනුමත කළ පසු මේ දක්වා ළමයින් 2930 ක් හඳුනාගැනීමට හැකිවී තිබේ. මේ සදහා TrackChild දත්තගබඩාවේ ළමා ජායාරුප 45,000 ක් පමණ FRS මෘදුකාංගයට ඇතුළු කිරීමට සිදුවී තිබේ.

"ඉන්දියාවේ දැනට අතුරුදහන් වූ ළමයින් 200,000 ක් පමණ සහ විවිධ ළමා ආරක්ෂණ ආයතනවල පදිංචිව ළමයින් 90,000 ක් පමණ සිටියි. එනිසා ජායාරුප ගලපා ළමයින් හඳුනාගැනීමට ස්වයංක්‍රීය ක්‍රමවේද නොමැතිව මිනිසුන්ට කළ නොහැකියි” යැයි BBA ක්‍රියාකාරියෙක් වන  Bhuwan Ribhu ,The Better India වෙත ප්‍රකාශ කර ඇත.
   
"වෙනත් පොලිස් දෙපාර්තමේන්තු මෙම මෘදුකාංගය භාවිතා කරන්නේද නැද්ද යන්න ගැටළුවක් නොවේ. එක් දෙපාර්තමේන්තුවකට මෙම මෘදුකාංගය තිබේ නම් සහ කාන්තා හා ළමා සංවර්ධන අමාත්‍යාංශය යටතේ ඇති  සියළුම දත්ත සමුදායන් හරහා එය ක්‍රියාත්මක කරයි නම් අවශ්‍ය ප්‍රතිපල ළඟාකර ගෙන ඒවා අදාල සියලුදෙනා අතර බෙදා හදා ගත හැකිය.” යැයිද ඔහු සදහන් කරයි.
කෙසේවෙතත් TrackChild වැඩසටහනට ස්ථිරවම හා අඛණ්ඩව පවත්වාගෙන යාමට තවදුරටත් නීතිමය බාධාවන් ඉවත් කිරීමට පද්ධතියට අවශ්‍ය වන්නේද යන්න දැනට පැහැදිලි නැති බවද වාර්තාවේ සදහන් වේ.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර
https://youtu.be/TdFEoelaatM?t=2

April 26, 2018

ත්‍රිමාණ මුද්‍රණ යන්ත්‍රයක් එක් දිනකින් සම්පූර්ණ නිවසක් ඉදිකරයි


සංවර්ධනය වෙමින් පවතින රටවල් සදහා විශේෂයෙන් නිර්මාණය කරන ලද පළමු අනුදත් (බලපත්‍රලාභී) 3D (ත්‍රිමාණ) මුද්‍රිත නිවහනක්  ICON සමාගම සහ New Story නම් ලාභ නොලබන සමාගම විසින් ඉදිකර ඇති බව වාර්තා වේ.

එක්සත් ජනපදයේදී  පළමු බලපත්‍ර ලත් ත්‍රිමාණ මුද්‍රිත නිවස සම්පූර්ණ කළ බව පවසන ICON ඇමරිකානු සමාගම එම නිවස නිරිතදිග තාක්ෂණ සම්මේලනය සහ ප්‍රසංගය යේදී වාර්තාකරුවන් හා අමුත්තන් වෙත ප්‍රදර්ශනය කරන ලදී. දැඩි හා ශක්තිමත් ද්‍රව්‍ය සහ මිශ්‍රණ යොදා මෙම නිවාස ඉදිකිරිම සදහා විශාල 3D මුද්‍රණ යන්ත්‍රයක් සංවර්ධනය කළ බව ICON සමාගමේ සම නිර්මාතෘ Jason Ballard (ජේසන් බලාඩ්) පවසයි.

 “ මම ඇමරිකාවේ මුල්ම අවසරලත් 3D මුද්‍රිත නිවස ඉදිරිපිට සිටගෙන සිටිමි. ඇත්තෙන්ම අධික සුළං, දූවිලි හා වැසි ඇදහැලෙන පරිසර තත්වයන් යටතේ අපි මෙම නිවස ඉදිකළෙමු.” යැයි ඔහු ප්‍රකාශ කළේය. ඔවුන්ගේ අරමුණ සංවර්ධනය වෙමින් පවතින රටවල් වල නිවාස ඉදිකිරිම බැවින් මුද්‍රණ ක්‍රියාවලිය කාලගුණ විපර්යාස වැනි අතිශයින්ම අපහසු තත්වයන් යටතේ ක්‍රියාත්මක කිරීම ඉතා වැදගත් වේ.

ICON විසින් නිෂ්පාදිත ත්‍රිමාණ මුද්‍රණ යන්ත්‍රය සැහැල්ලු ඇලුමිනියම් වලින් නිමකර ඇති අතර එය උසින් මීටර 9 ක්ද පළලින් මීටර 4.5 ක්ද වේ. නිවාස අවශ්‍ය ස්ථානවලදී යන්ත්‍රය විසින් නිවාස ඉදිකළ යුතු නිසා එය එක් දේපලක සිට වෙනත් ස්ථානයකට ප්‍රවාහනය කිරීමට තරම් සැහැල්ලු විය යුතුය.
නිවාස ඉදිකිරිම සදහා මෙවැනි ත්‍රිමාණ මුද්‍රණ යන්ත්‍ර බොහොමයක් ඉදිරිකාලයේදී ලොව පුරා ක්‍රියාත්මක වනු ඇතැයි බලාඩ්ගේ විශ්වාෂය වේ. නිවසක් ඉදි කිරීමට වඩා ත්‍රිමාණ මුද්‍රණ යන්ත්‍ර ගොඩනැගීම පහසු බවද ඔහු සදහන් කරයි.

මෙම නිවස මුද්‍රණය කිරීම සඳහා යන්ත්‍රය සිය සාමාන්‍ය වේගයට වඩා හතරෙන් එකක (1/4) අඩු වේගයකින් ක්‍රියාත්මක කළද නිවස ඉදිකිරිම (අච්චු ගැසීම) සදහා ගතවූ කාලය පැය 48 ක් පමණක් බවත් සාමාන්‍ය වේගයෙන් යන්ත්‍රය ක්‍රියාතමක කළේ නම් ඒ සදහා ගත වන කාලය හුදෙක් පැය 12ක් පමණ බවත් වාර්තා වේ.

නිවාස අවශ්‍යතාව සත්‍යවශයෙන්ම තදින් බලපාන මිලියන සංඛ්‍යාවක ජනයාට කඩිනම්, ලාභ නිවාස විසඳුමක් ලබා දීම සදහා  ICON සමාගම, New Story නම් ලාභ නොලබන සමාගම හා සම්බන්ධ වි කටයුතු කිරීමට අපේක්ෂා කරයි.

“අප මුහුණ දෙන ගැටලුවේ විශාලත්වය ඉතා විශාලය. එය ජීවිතයේ වඩාත්ම මූලික මිනිස් අවශ්‍යතාවක් වූ ආරක්ෂිත නවාතැනක් නැති මිනිසුන් බිලියනයක් මුහුණපා සිටින ගැටළුවක්.”යැයි New Story සමාගමේ ප්‍රධාන විධායක නිලධාරි Brett Hagler(බ්‍රෙට් හැග්ලර්) පවසයි.
ඔවුන්ගේ සමාගම දැනටමත් විවිධ ප්‍රදේශවල/රටවල දුප්පත් පවුල් සමග එම පවුල්වල නිවාස අවශ්‍යතාවයන් සම්බන්ධව කටයුතු කරන නමුත්, ඇත්ත වශයෙන්ම වෙනසක් කිරීමට නම්, මෙම වැඩසටහන විශාල ලෙස පුළුල් කළ යුතු වේ. සාම්ප්‍රදායික නිවාස ඉදිකිරීමට වඩා ත්‍රිමාණ මුද්‍රණ ක්‍රියාවලිය වේගවත් වන හෙයින්, මුළු ප්‍රජාවකටම නිවාස මාස කිහිපයක් ඇතුළත ගොඩනැඟිය හැකිවීම භාග්‍යකි.

"එය ගුණාත්මකභාවය අඩුකිරිමකින් තොරව කැපී පෙනෙන ලෙස පිරිවැය අඩු කිරීමක් මෙන්ම වේගවත් කිරීමකි. සම්ප්‍රදායික  නිවාස ඉදිකිරීමේදී එක් නිවසක් සදහා ඩොලර් 6,500 ක් පමණ වැයවෙන නමුත් නව ක්‍රම නිසා ඉතා අඩු කාලයක් සහ එක් නව නිවසක් සදහා ඩොලර් 4,000 ක පමණ අඩු මුදලක් වැයවීම නිසා බොහෝ පිරිසකට සෙත සැලසීමට හැකි වේ. තවද කාලගුණික ආපදා අවස්ථාවන්හිදී ක්ෂණිකව සහය විය හැකිය. නව ගොඩනැඟිලි තාක්ෂණය දුප්පත් සහ පහළ මට්ටමේ මිනිසුන් වෙත් ළඟාකර දීමට ලොව පළමුවරට ගත් මෙම පියවර අගය කළ යුතුයි." Hagler සතුටින් ප්‍රකාශ කරයි.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර
https://youtu.be/SvM7jFZGAec?t=12

April 25, 2018

ජපන් ඉංජිනේරුවෙක් නිපදවූ විශාල සිහින රොබෝව.


Mononofu යනු ජනප්‍රිය ජපන් සජිවීකරණ රූපවාහිනී නාට්‍ය වැඩසටහන් මාලාවකි. මිනිසුන් විසින් පාලනය කරනු ලබන විශාල රොබෝ යන්ත්‍රයක සටන් කිරීම් මුලික කොට නිපදවා ඇති Mononofu ජපන් ඉංජිනේරුවරයෙකු වූ  Nagumo (නගුමෝ) ගේ ළමා කාලයේ ප්‍රියතම වැඩ සටහන විය. ළමා කාලයේ සිටම එම විශාල රොබෝ යන්ත්‍රය කෙරෙහි ඔහුට  තිබුණු ආශාව ආදරය නිසා Sakakibara Kikai ආයතනයේ ඉංජිනේරු Nagumo විසින් විශාල දෙපා රොබෝ යන්ත්‍රයක්  නිපදවූ බව වාර්තා වේ.

කෘෂි යන්ත්‍රෝපකරණ නිෂ්පාදනය කරන සමාගමක් වූ Sakakibara Kikai (සකකිබාරා කිකායි) විසින් ගොඩනගන ලද මෙම විශාල දෙපා රොබෝ යන්ත්‍රය LW-Mononofu වේ. එය මීටර 8.5 ක් උස වන අතර පාද දෙකක් සහ මෙට්‍රික් ටොන් 7 කට වඩා බරක් සහිත වේ. රොබෝගේ අත් පා පාලනය කිරීම සදහා මොනිටරයක් සහ අදාල උපකරණ සහිත කුඩා කාමරයක් වැනි නියමු කුටියක් රොබෝ ශරීරය අභ්‍යන්තරයේ සකස් කර තිබේ.
සකකිබරා කිකායි ආයතනයේ ඉංජිනේරුවා වන මසායිකි නාගුමෝ Mononofu යන්ත්‍රය එහි නියමු කුටියේ සිට පාලනය කරයි. 44 හැවිරිදි නාගුමෝ, " Mobile Suit Gundam " වැඩසටහන් මාලාවේ ජනප්‍රියතාවය පිළිබඳව රොයිටර් පුවත් සේවයට අදහස් දක්වමින් ප්‍රකාශ කළේ එහි චිත්‍රපටි, මැන්ගා, වීඩියෝ ක්‍රිඩා සහ තවත් බොහෝ දේ ජනප්‍රිය වූ බවයි. එනිසා තමා නිපදවූ රොබෝවරයාද  ජනප්‍රිය වන බව ඔහු කියා සිටියේය. මෙය හොද ව්‍යාපාරික අවස්ථාවක් බවද ඔහු සදහන් කළේය.

ප්‍රධාන කෘෂිකාර්මික උපකරණ ව්‍යාපාරයට අමතරව සකකිබරා කිකායි ආයතනය රොබෝ යන්ත්‍ර සහ විනෝදාස්වාද උපකරණ නිෂ්පාදනය කරයි. ළමයින්ගේ උපන් දින උත්සව හා අනෙකුත් ක්‍රියාකාරකම් සඳහා පැයකට ඩොලර් 950 ක් බැගින් ගෙවා යන්ත්‍රය ලබා ගත හැකි බව නාගුමෝ පැවසීය. සමාගම විසින් විවිධ ප්‍රමාණයේ රොබෝවරුන් නිෂ්පාදනය කරන අතර ඒවා සමහරක් නම් කුඩා දරුවන්ගේ වෝකර් සයිකල්, MechBoxer නම් බොක්සිං ක්‍රීඩාවේ යෙදෙන යන්ත්‍ර සහ මීටර 3.5ක් උස Landwalker යන්ත්‍ර වේ.

නමුත් Mononofu (මොනෝනිෆු) ඒවා සියල්ලටම වඩා ඉහලින් සිටිමින් වඩාත් සංකීර්ණ චලනයන් සිදු කරයි. එහි ඇඟිලි චලනය කිරීමට මෙන්ම ශරීරයේ ඉහළ කොටස කරකැවිය හැකිය. ශරීරයේ ඉහළ කොටස  හැරවීමට හැකිය. පැයට කිලෝ මීටර් එකකට වඩා අඩු වේගයකින් ගමන් කළද ඉදිරියට හා පසුපසට යෑමට රොබෝ යන්ත්‍රය සමත්ය.තවද එය ඉතා ශක්‌තිමත් වන අතර එහි දකුණු හස්තයේ ඇති bazooka වැනි වායු තුවක්කුව පැයට කිලෝමීටර 140 ක වේගයකින් සැහැල්ලු ද්‍රව්‍ය වලින් නිපදවා ඇති බෝල වැනි උණ්ඩ විදිමටද සමතෙකි.

යමෙකුට ධාවනය කළ හැකි ක්‍රියාකාරී රොබෝ කෙනෙක් ලෙස ලොව ලොකුම රොබෝ යන්ත්‍රය මෙය වේ. නිෂ්පාදනාගාරයේ දොරටුවටද වඩා විශාල බැවින් කර්මාන්තශාලාවෙන් පිටතට රැගෙන යාම සදහා එය කොටස් වලට වෙන් කිරීමට අවශ්‍ය වේ.

අන්තර්ජාලය ඇසුරෙන් සකස්කළේ :හර්ෂ ලංකේශ්වර
https://youtu.be/ZcKdkcZxzHs?t=4

බොහෝ වේලාවක් දියයට සිටීමේ හැකියාව ඇත්තෝ


දීර්ඝ කාලයක් පුරා දියයට සිටීමේ  හැකියාවක් ඇති මිනිසුන් ලෙස ගිනිකොන දිග ආසියාවේ ගෝත්‍රික විශේෂයක් (ජන කණ්ඩායමක්) පරිණාමනය වී ඇති බවට තොරතුරු වාර්තා වේ. අග්නිදිග ආසියානු දූපත් වල වසර 1000 කට වැඩි ඉතිහාසයක් ඇති මුහුදු දියෙහි දඩයම් එකතු කරන්නන්ගෙන් සමන්විත ගෝත්‍රිකයන් වූ Bajau Laut වරු (බජාව් ලෝට්) ඔවුන්ගේ සුවිශේෂී නිදහස් කිමිදුම් හැකියාව නිසා ප්‍රසිද්ධියට පත්ව තිබේ. සාගරයෙන් ලබාගනු ලබන ආහාර හා සම්පත් මත සම්පූර්ණයෙන්ම පාහේ යැපෙන sea nomads (මුහුදු නොමෑඩ්) නමින්ද හඳුන්වන Bajau වරු සෑම දිනකම දිනකට සමුච්චිත පැය පහක් පමණ දිය යට ගත කරති.

මිනිසුන් භූමිෂ්ඨ විශේෂයක් නම් බජාව් වරු මුහුදු සතුන් (දිය බල්ලන්) මෙන්  ක්‍රියාකරන්නේ කෙසේද? Copenhagen (කෝපන්හේගන්) සහ UC Berkeley (බර්කලි) විශ්ව විද්‍යාල පර්යේෂකයින් විසින් කරන ලද අධ්‍යයනයකට අනුව ඔවුන්ගේ ශරීරයට හානියක් නොවී දිගු කාලයක් තිස්සේ මුහුදු ජලය යට හුස්ම රඳවාගෙන සිටීමට sea nomads’ වරුන්ට හැකියාව ඇති බව Cell සඟරාව වාර්තා කරයි. මෑතකාලීන පරිණාමනයෙන් ඔවුන්ගේ ප්ලිහාව ප්‍රමාණාත්මකව විශාල වීම ඒ සදහා හේතුවී ඇතැයිද වාර්තාවේ සදහන් වේ.

දිය යට කිමිදීමේදී සීල් වැනි සැබෑ සාගර ක්ෂීරපායීන් විසින් යොදා ගනු ලබන උපක්‍රමයම  සියලු මනුෂ්‍යන්ටද යොදාගත  හැකි බව පෙර ක්‍රියාත්මක කරන ලද භෞතවෙදික පර්යේෂණ වලින් සොයාගෙන තිබේ. අපේ හෘද ස්පන්දනය වේගය අඩුවීම: අත්‍යාවශ්‍ය ඉන්ද්‍රියයන් වෙත ඔක්සිජනිකෘත උණුසුම් රුධිරය ගලායාම පවත්වාගෙන යාම සදහා පර්යන්ත රුධිර වාහිනී තදින් හැකිලීම: ප්ලිහාව සන්කෝචනය වී රුධිර සංසරණ පද්ධතියට ඔක්සිජන් රැගෙන යන රතු රුධිර සෛල (RBCs) අතිරේක සංචිතයක් යැවීම.

බටහිර පළපුරුදු කිමිදුම්කරුවන් පවා සමච්චලයට ලක් කිරීමට බොහෝ බජාව් කාන්තාවෝ සහ පිරිමි සමත් වෙති. ඒසදහා ඔවුහු ලී වලින් සාදන ලද ආරක්ෂක කණ්නාඩි සහ බරු සමහරක් පමණක් භාවිතා කරමින් නිතිපතා මීටර 70 (අඩි 230) ක් ගැඹුරට මුහුදේ ගිලී සිය දෛනික ආහාර හා සම්පත් රැස්කර ගනිති. කෙසේවෙතත් ඔවුන්ගේ මේ ආන්තික හුස්ම හිරකරගෙන සිටීමේ හැකියාව ජානමය අනුවර්තනයන්ගෙන් ලැබුනේද? එසේත් නැතිනම් ජීවිතයේ මුල් අවධියේදීම ආරම්භ කර නැවත නැවත සිදුකරන පුහුණුව හේතුවෙන් ලබාගත් හැකියාවක්ද? යන්න දශක ගණනාවක සිට විද්‍යාඥයන්ගේ කුතුහලයට හේතු වි තිබේ.

මෙම ගැටලුව විසදීම සදහා පර්යේෂකයන් විසින් බජාව්වරුන්ගේ සහ Saluan (සාලුවන්) වරු නමින් හඳුන්වන Sulawesi ඉන්දුනීසියානු දූපත අසල වාසය කරන එනම් බජාව්වරුන්ගේ අසල්වැසි ප්‍රදේශවල ජීවත්වන තනි තනි පුද්ගලයින්ගේ ජානමය ස්වරූප හා ජානමය පසුබිම සසඳා බලන ලදි. මේ සදහා ළඟ ඥාතිත්වයක් නැති බ්ජාව්වරු  43 කගේ  සහ සාලුවන්වරු  33 කගේ ඩීඑන්ඒ සාම්පල සහ ප්ලිහාව සම්බන්ධ අතිධවනික සංඥා පර්යේෂකයන් විසින් රැස් කරගෙන ඇත.
  
සාලුවන්වරු කිසිවෙකුට නැති ප්‍රමාණයෙන් විශාල ප්ලිහාවන් බජාව්වරුන්ට ඇති බව එම මුර්තන සැසදීමේ පර්යේෂණ මගින් සනාථ වි තිබේ.  වැඩි කිමිදීමේ කාලයක් සදහා අවශ්‍යවන රතු රුධිර සෛල (RBCs) වැඩි ප්‍රමාණයක්  ශරීරය තුල ගබඩා කර ගැනීමට මෙම විශාල ප්ලිහාවන් උපකාරි වේ. එපමණක් නොව කිමිදුම්කරුවන් ලෙස කටයුතු නොකරන බජාව්වරුන්ටද විශාල ප්ලිහාවන් ඇති බව ඔවුන් හඳුනාගෙන තිබේ. ඒඅනුව මෙම බජාව් ජනයා පිහිනීමට උපත ලබා ඇති බව හෙවත් කිමිදීම සදහා ජානමය අනුවර්තනයක් සහිත මිනිසුන් බව සනාථ වේ යැයි පර්යේෂකයෝ ප්‍රකාශ කරති.

අන්තර්ජාලය ඇසුරෙන් සකස් කළේ: හර්ෂ ලංකේශ්වර
https://youtu.be/PX9cnMCbV2Q?t=7

April 23, 2018

දිවා ආලෝකයෙන් විෂබීජ නාශකයක් බවට පත්වන තුනී ප්ලාස්ටික් පටලය


එබෝලා වයිරසයෙන් ආරක්ෂාවීම සදහා Kinshasa හි කොංගෝ ජාතික සෞඛ්‍ය සේවකයන් තම සහෝදර සෞඛ්‍ය සේවකයන්ට විෂබීජ නාශක ඉසීම පුහුණු වන ආකාරය රුපයෙන් දැක්වේ. පූර්ණ ශරීර ආරක්ෂණ ඇඳුමේ මතුපිට විෂබීජ සහිත නම් එම ඇඳුම ඉවත් කිරීමේ ක්‍රියාවලිය සෞඛ්‍ය සේවකයන්ට රෝග විෂබීජ ආසාදනයවීමේ හැකියාව ඇති ප්‍රධානතම අවස්ථාව වේ.

ඒඅනුව ඉබෝලා වෛරස් රෝගයේ වැනි මාරාන්තික ක්ෂුද්‍ර ජීවීන්ගෙන් සෞඛ්‍ය සේවකයන්ව ආරක්ෂා කිරීම සඳහා දිවා ආලෝකය මගින්  විෂබීජ නසන නව ආම්පන්නය (තුනී ප්ලාස්ටික් පටලය) අනාගතයේදී ඉතා ප්‍රයෝජනවත් වූ ඇත. මෙම සොයාගැනීම පිළිබද අධ්‍යයන වාර්තාව journal Science Advances (විද්‍යාවේ ප්‍රවර්ධන) සඟරාවේ පල කර තිබේ.

හිරු එළියට අනාවරණය කර තැබූ විට  හයිඩ්රජන් පෙරොක්සයිඩ් කුඩා ප්‍රමාණයක් නිපදවීමට සමත් තුනී ප්ලාස්ටික් පටලයක් සංවර්ධනය කළ බව අධ්‍යනයේ සංවිධායකයෝ පවසති. බාධක ලෙස ක්‍රියාකළ හැකි තුනී ව්‍යුහයක් මෙම පටලයට තිබේ. එය සමහර දේවල් පෙරියාමටත් වෙනත් දේවල් අවහිර කර රඳවා ගැනීමටත් සමත් වේ. හයිඩ්‍රජන් පෙරොක්සයිඩ්, ඖෂධ ශාලා විසින් අලෙවි කරන සාමාන්‍යය විෂබීජ නාශකයක් වේ.

ඉබෝලා බටහිර අප්‍රිකාවේ කොටස් හරහා පැතිර ගිය විට සෞඛ්‍ය සේවකයින් 500 ක් පමණ මිය ගියහ. ආසාදිත රෝගීන් සමඟ සමීපව කටයුතු කරන රෝගීන් රැකබලාගන්නා සෞඛ්‍ය සේවකයන්ට බොහෝ විට ආරක්ෂණ ඇඳුම් ආයිත්තම් පැළඳ සිටීමට සිදුවේ. නමුත් මෙම ආරක්ෂණ ඇඳුම්වල ක්ෂුද්‍රජීවී විෂබීජ රැදී තිබීම නිසා එම ඇඳුම් ඉවත් කිරීමේ ක්‍රියාවලියේදී ආසාදනය පැතිර යාමේ හැකියාව ඉතා ඉහළ මට්ටමක පවතියි.

ජීවී බැක්ටීරියාවක් හෝ වයිරස් තිබේ නම්, එය තවදුරටත් ප්‍රවාහනය හා ආසාදනය සදහා හේතු විය හැකි  බව කැලිෆෝනියා විශ්ව විද්‍යාලයේ Gang Sun පවසයි. Gang Sun, ආරක්ෂණ ඇඳුම් ආයිත්තම්වල බාහිර මතුපිට ආරක්ෂා කිරීමට සමත් නව තුනී ප්ලාස්ටික් පටලය නිර්මාණය කිරීමට සමත්වූ පර්යේෂක කණ්ඩායමේ සාමාජිකයෙක් වේ.

මෙම පටල වලට මතුපිට පිහිටි රසායනික අණු හිරු එළියේ දී වාතයේ ඇති ඔක්සිජන් සමඟ ප්‍රතික්‍රියා කර හයිඩ්‍රජන් පෙරොක්සයිඩ කුඩා ප්‍රමාණයක්  නිපදවයි. Gang Sun පැහැදිලි කරන්නේ මෙම ක්‍රියාවලියේදී හයිඩ්රජන් පෙරොක්සයිඩ් කුඩා ප්‍රමාණයක් නිපදවන නමුත් එම ප්‍රමාණය ක්ෂුද්‍ර ජීවි විෂබීජ විනාශ කිරීමට ප්‍රමාණවත් බවයි.

දැනට නිපදවා ඇති බොහෝ විෂබීජනාශක රසායනික ද්‍රව්‍ය අධි බලැති පාරජම්බුල කිරණ මගින් ක්‍රියාත්මක කෙරන නමුත් නව පටලය සාමාන්‍ය දිවා ආලෝකයෙන් ක්‍රියාත්මක වීම නිසා එය ඉතා වටිනා සොයා ගැනීමක් බව මෙම අධ්‍යනයට සහභාගී නොවූ  Maryland විශ්වවිද්‍යාලයේ ආහාර විශේඥ Rohan Tikekar පවසයි.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර

April 20, 2018

පුවත් පිළිබඳ තොරතුරු සැපයීමට ෆේස්බුක් මගින් නව මෙවලමක්

ෆේස්බුක් විසින් නව මෙවලමක් නිකුත් කර ඇති අතර එමගින් ෆේස්බුක් පරිශීලකයින්ට පුවත්පත් වාර්තාවන් සහ ප්‍රකාශකයින් ඇගයීමට ලක් කිරීම පහසු වනු ඇත.

ෆේස්බුක් හි මෙම නවතම තොරතුරු වාර්තා වෙනස්කම් එක්සත් ජනපදයේ සියලුම පරිශීලකයන් සඳහා පසුගිය අඟහරුවාදා සිට භාවිතා කිරීමේ පහසුකම ලබාදී තිබේ.

සමාජයීය ජනමාධ්‍ය සේවාවක් ලෙස ෆේස්බුක් පවසන්නේ මෙම මෙවලමේ අරමුණු කර ඇත්තේ "කියවීමට, විශ්වාස කිරීමට සහ බෙදාහදා ගැනීමට" සුදුසු පුවත්/වාර්තා/අදහස් තමන් විසින්ම තෝරා තීරණය කරගැනීමට ඒවායේ සන්දර්භය පිළිබද වැඩි තොරතුරු පරිශීලකයාට ලබාදීම බවයි.

අදාල පුවත විශ්වසනීයද යන්න තීරණය කිරීම සඳහා වඩාත් ප්‍රයෝජනවත් විය හැකි තොරතුරු වර්ග ලබාගැනීමේ අධ්‍යයනයක් මෙම මෙවලමට පාදක වි තිබේ. නිවැරදිව ප්‍රවෘත්ති මූලාශ්‍ර හඳුනාගැනීමට උපකාර කිරීම සඳහා ප්‍රකාශකයන් පිළිබද හැකි තරම් තොරතුරු පරිශීලකයාට ලබාදිය යුතු බව සමාගමේ  අදහසයි.

එක්සත් ජනපද පරිශීලකයන්ට දැන් News Feed කවුළුවේ විවෘත කළ හැකි “About This Article (මෙම ලිපිය පිළිබද)” යන බොත්තම ක්ලික් කළ හැකි අතර එවිට ෆේස්බුක් මගින් අදාල ප්‍රවෘත්ති ලිපිය සහ ප්‍රකාශකයා ගැන වැඩි විස්තර සපයයි.

උදාහරණයක් ලෙස ලිපියෙහි මූලාශ්‍රය පිළිබඳ මූලික තොරතුරු කියවීමට පරිශීලකයාට හැකි වේ. මෙම ප්‍රකාශකයා විකිපීඩියාවෙහි ලැයිස්තුගත කර ඇත්දැයි දැක ගත හැකිය. මිට අමතරව ප්‍රකාශකයා විසින් ප්‍රකාශයට පත් කරන ලද මෑත කාලීන සිදුවීම් දෙස බැලීමට පරිශීලකයින්ට පුළුවන් වන අතර එම ආයතනයේ/ප්‍රකාශකයාගේ Facebook page (ෆේස්බුක් පිටුව) ද බැලීමට හැකිවේ.


මෙම මෙවලම මගින් පරිශීලකයින් කොපමණ සංඛ්‍යාවක් අදාල පුවත ෆේස්බුක් වෙබ් අඩවියේ බෙදාහදා ගෙන ඇත්දැයි මෙන්ම ඒවා ඇති ස්ථානද හඳුනාගත හැකි අතර කුමන ෆේස්බුක් මිතුරන් විසින් බෙදා ගැනීම සිදු කර ඇත්දැයිද දැනගත හැකිවේ. ෆේස්බුක් හි බොහෝ විට සිදුකරන බෙදා ගැනීම (share) හැර ෆේස්බුක් හි හෝ අන්තර්ජාලය තුල නිරවද්‍ය තොරතුරු පදනම්ව ඔබ විසින් කරන ලද නිර්මාණ මගින් විශ්වාෂනිය මුලාශ්‍ර කතුවරයෙක් ලෙස අන්තර්ජාලය/ෆේස්බුක් ඔබව ලොවට හඳුන්වාදෙනු ඇත.  

a diverse set of people and publishers ( ප්‍රකාශක සමුහයක විවිධාකාර පුද්ගලයින්)”ගේ  යෝජනා වලින් නව අංග නිර්මාණය කළ බව ෆේස්බුක් පවසයි. එම කණ්ඩායමට සමාගමේ ෆේස්බුක් මාධ්‍යවේදී ව්‍යාපෘතියේ අය ඇතුළත් විය. ෆේස්බුක් සහ ප්‍රවෘත්ති ප්‍රකාශකයින් අතර සබඳතා ශක්තිමත් කිරීමේ අරමුණින් එම ව්‍යාපෘතිය පසුගිය වසරේදී ආරම්භ කර තිබේ.

ෆේස්බුක් භාවිතා කරන්නන් පිරිසක් සමඟ පරීක්ෂණයක් ආරම්භ කරන බවද සමාගම  නිවේදනය කරන ලදී. ලිපියේ කර්තෘගේ නම මත ක්ලික් කිරීමෙන් පරීක්ෂණයට සම්බන්ධ වූවන් සඳහා වැඩි විස්තර ලබා ගැනීමට අවස්තාව ලබා දී තිබේ. කර්තෘ පිළිබඳව සපයන තොරතුරු ලිපිය සහ ප්‍රකාශකයන් පිළිබඳ ලබාදෙන තොරතුරු හා  සමාන වේ.  ෆේස්බුක් පවසන්නේ, කතුවරයා පිළිබඳ වැඩි විස්තර ඇති විට ලිපියක විශ්වසනීයත්වය පිළිබඳව තීරණය කිරීමට පහසු වනවාද යන්න සොයා බැලීමට එමගින් අපේක්ෂා කරන බවයි.

එය වෙනත් රටවල් වල ප්‍රවෘත්ති සංග්‍රහයන් පරීක්ෂා කරමින් පවතින බවත් නව මෙවලම භාවිතයේ ප්‍රගතිය මත අනාගතයේ දී එය ජ්‍යාතන්තර ලෙස දියත් කිරීමට සලකා බලන බවද  ෆේස්බුක් පවසා තිබේ.

අන්තර්ජාලය ඇසුරෙන් සකස්කළේ: හර්ෂ ලංකේශ්වර

දියවැඩියාවට Reflexology


විවිධ රෝග සුව කිරීමට ආදි කාලයේ සිට පැවත එන ස්වභාවික ප්‍රතිකර්ම ක්‍රමයකි.මෙය ඉතා කාර්යක්ෂම ක්‍රමයක් වන අතරreflex points අතේ සහ පාදයේ හදුනා ගත හැකිය.
දියවැඩියාව සදහා reflex points ඉතා වැදගත්ය.

ගංගා ධාරා සහ උදම් රළ වලින් බලශක්ති උත්පාදනය


ගංගා සහ උදම් රළ වලින් බලශක්ති උත්පාදනය සදහා නව තාක්ෂණය භාවිතා කිරීමට යොමුවි ඇති බව වාර්තා වේ. සමාගම් ගණනාවක් සුළඟ හා සූර්ය ශක්තිය යොදාගනිමින් බලශක්තිය නිපදවීමට යොමුවී ඇති මෙම වකවානුවේ ගංගා ධාරා සහ සමුදුරු ප්‍රවාහ භාවිතයෙන් බලශක්ති උත්පාදනයටද එක් සමාගමක් යුහුසුළු වි තිබේ.

සාගර පුනර්ජනනීය බලශක්ති සමාගමක් වන Ocean Renewable Power Company (ORPC) ලෙස හැඳින්වෙන මෙම සමාගම පිහිටා ඇත්තේ එක්සත් ජනපදයේ Maine ප්‍රාන්තයේය. වොෂින්ටනය නගරයේ මෑතකදී පැවති බලශක්ති සම්මේලනයේ දී ඒ සම්බන්ධ නව තාක්ෂණය මෙම සමාගම විසින් ඉදිරිපත් කර තිබේ.

බලශක්ති ප්‍රභවයන්ට පහසු ප්‍රවේශයක් නොමැති කුඩා ග්‍රාමීය ජනතාවට මෙම තාක්ෂණය නිර්මාණය කළ බව ORPC සමාගමේ සම නිර්මාතෘ සහ ප්‍රධාන විධායක නිලධාරියා වූ Christopher Sauer (ක්‍රිස්ටෝපර් සෝර්) පවසයි.

ORPC තාක්ෂණය යනු ජලය යට තැබිය හැකි පියවර ගණනාවකින් ක්‍රියාත්මකවන RivGen නම් බලශක්ති උත්පාදකයකි. පළමුව, ජනකය යකඩ කූඩුවක් තුලට (මැදට) දමනු ලැබේ. කූඩුව pontoon (පොන්ටූන්) නමින් හැඳින්වෙන පැතලි අඩියක් සහිත පුළුල් බෝට්ටුවක් ඉහළින් තබනු ලැබේ. උත්පාදකයේ (ජනකයේ) සෑම එක් පැත්තකටම රෝද, හෝ ටර්බයින (Wheels – or, turbines – ) ඈදා ඇත.

pontoon බෝට්ටුව එක් තැනකට සවි කළ පසු එය ජලයෙන් පුරවනු ලැබේ. කුඩුව, pontoonය සහ ජනකය යන සියල්ල ගංගා පතුලේ ගිල්වනු ලැබේ. එවිට ගංගා ධාරාව නිසා සිදුවන රෝද කරකැවීම මගින් කිලෝවොට් 50 ක බලශක්තියක්  නිර්මාණය වේ.

ප්‍රධාන විධායක ක්‍රිස්ටෝපර් සෝර් පවසන පරිදි මෙම උත්පාදක යන්ත්‍රය එතරම් උස නැත. එනිසා එය ඉතා ගැඹුරු නොවන ජල මුලාශ්‍ර ප්‍රදේශ වලද භාවිතා කළ හැකි අතර ගඟේ ජීවත්වන සතුන් සඳහාද ටර්බයිනය ආරක්ෂා සහිත වේ. උපරිම සැමන් මසුන් (salmon) ජනගහනයක් හෙවත් මසුන් දශලක්ෂ 2ක් පමණ පිහිනා ගිය කාලයේදී පවා මෙම උපකරණය මගින් කිසිදු මත්ස්‍යකුට ආපදාවක් සිදු නොවුණු බවද ඔහු ප්‍රකාශ කළේය. තාක්ෂණයෙහි තවත් අංගයක් වන "හරස් ප්‍රවාහ ටර්බයින් (crossflow turbines)" නිසා ගංගා ධාරාව කුමන දිශාවට ගලා ගියද ටර්බයින එක දිශාවකට පමණක් චලනය වේ.

“ටර්බයිනවල හැඩය නිසා සාගරයේ දිය ඇලි වලින්ද බලශක්තිය උත්පාදනය කළ හැකි අතර එවැනි ජනක TidGen ලෙස හැදින්වේ. TidGen කුඩා ගම්මානයකට අවශ්‍ය කිලෝවොට් 600 ක විදුලි බල ශක්තියක් නිපදවිමට සමත්” යැයිද සෝර් පවසයි.
 
මෙලෙස ORPC මගින් නිපදවන බලශක්තියේ වත්මන් මිල කිලෝවොට් පැයකට ශත 50 ක් පමණ වේ. එහෙත් එම මිල ගණන් ස්වාභාවික වායු මගින් නිපදවන බලශක්තිය සමග තරගකාරී නොවේ. කෙසේ වෙතත්, කුඩා ග්‍රාමීය ප්‍රජාවන් ගේ ඩීසල් බලශක්ති සඳහා පැයකට ඩොලර් 1 කට වඩා වැය විය හැකි බැවින් එවැනි අවස්ථාවන්හිදී, ගලා යන ජලයෙන් ශක්තිය ලබා ගැනීම වඩා ලාභදායී විය හැක.

අන්තර්ජාලය ඇසුරෙන් සකස්කළේ: හර්ෂ ලංකේශ්වර