වසර 37ක් තිස්සේ පැවැති න්‍යායක් ඔස්සේ
පරීක්ෂණ පැවැත් වූ හෙව්ලට් පැකාර්ඩ් ආයතනයේ පර්යේෂකයන්
පිරිසක් විසින් මෙමරි චිප් ආශ්‍රිත සාර්ථක පරීක්ෂණ ප්‍රතිඵලයක් අත්කරගත්තා. ඒ තමයි
මෙරිස්ටර් තාක්ෂණය.
දැන් අපි බලමු මෙම මෙරිස්ටර් චිප් යොදා සකස් කළ උපාංගවල ප්‍රායෝගික භාවිතයන් කෙසේ වේවිද කියා.
මෙම මෙරිස්ටර් චිප් සඳහා වැය වන්නේ අඩු විදුලි බලයක් නිසා ජංගම දුරකථනවල බැටරි ආයු කාලය වැඩි වීම පාරිභෝගිකයන්ට මහත් සහනයක් වේවි.
මයික්‍රොෙව්ව් උඳුනකට මෙම චිප් යොදා පරිපථයක් සකස් කළ විට එයට හැකියාව ලැබෙනවා මෙයට පෙර එමගින් සකසන ලද ආහාර වර්ගවලට කොපමණ උෂ්ණත්වයක් කොපමණ වේලාවක් ලබා දුන්නේද කියා පෙන්වන්න. එය එය භාවිතා කරන්නාට ඉතා පහසුවක් වේවි.
දැන් පරිගණකයක් භාවිතා කරමින් සිටින විට විදුලිය විසන්ධි වී ගිය විට හෝ ක්‍රෑෂ් වූ විට සිදුවන්නේ ඒ වන තෙක් තාවකාලික මතකයේ තබාගෙන සිටි තොරතුරු අලුතින් නැවත මතකයට නගාගැනීමට අප විසින් මවුසය හා කී බෝර්ඩය හසුරුවාලිය යුතු වීමය. නමුත් මෙම තාක්ෂණයමුසු වූ විට එසේ අවශ්‍ය නොවන අතර මෙරිස්ටර් මගින් ඒවා සියල්ල පෙර අවස්ථාවේ තිබුණා මෙන් නැවත පරිගණක තිරයට ලබා දෙනවා.
ඉතින්
මෙවැනි තාක්ෂණික පහසුකම් ගණනාවකින් සමන්විත මෙරිස්ටර් අපගේ ජීවිතයට නොබෝ දිනකින්ම
ළං වෙනවාට සැකයක් නැහැ.
විද්‍යා හා තාක්ෂණ නිලධාරී,
නොච්චියාගම.
0 comments:
Post a Comment