දැඩි ලෙස ගිලන් වූ ගුවන් මගියෙකුගේ ජීවිතය ඉංජිනේරු සිසුවෙක් රැක ගනී

ඉංජිනේරු නිපුණතා සහ ඉක්මනින් සිතීම නිසා සිසුවෙකුට ගුවන් මගියෙකුගේ ජීවිතය ගුවන් ගමන අතරතුරදීම රැකදීමට හැකිවීම පිළබද පුවතක් වාර්තා වේ.

දිගු ගුවන්ගමනක නියැලී සිටියදී ඔබ හදිසියේම තදබල ලෙස රෝගාතුර වුයේ නම් ගුවන් යානයේ වෛද්‍යවරයෙක් සිටීම ඔබගේ එකම අපේක්ෂාව වනු ඇත. කෙසේවෙතත් මෙම සිදුවීමේදී රෝගියාට වෛද්‍යවරයෙක් පමණක් නොව මුලික ඉංජිනේරු නිපුණතා සහ ක්ෂණිකව සිතීමේ හැකියාව සහිත සිසුවෙක් ජිවිත ආරක්ෂාව සදහා අවශ්‍ය විය.

ස්විට්සර්ලන්තයේ සිය හුවමාරු වසර අවසන් කිරීමෙන් පසු පෙබරවාරි මාසයේ දී ජිනීවා සිට නව දිල්ලියට පියාසර කරමින් සිටි ඉන්දියාවේ කාන්පුර්-IIT හි අවසාන වසරේ විදුලි ඉංජිනේරු ශිෂ්‍යකු වූ 21 හැවිරිදි Karttikeya Mangalam (කාර්ට්ටිකෙයා මංගලම්) ඔහුගේ blog පිටුවේද ඔහුගේ මෙම අත්දැකීම විස්තර කරන ඇත.

පළමු වර්ගයේ දියවැඩියාව රෝගියෙක් වූ 30 හැවිරිදි ලන්දේසි ජාතික Thomas (තෝමස්) මෙම ගුවන් යානයේදී hypoglycemic episode (අතිමධුරක්තිය රෝගී තත්වයේ) උපරිමය එනම් ශරීරයේ රුධිර සීනි මට්ටම සාමාන්‍ය මට්ටමට වඩා බෙහෙවින් වැඩිවීම නිසා දැඩි ලෙස දහඩිය දැමීම, හුස්ම ගැනීමට අපහසුවීම සහ සිහිමුර්ජාව ඇතිවීම වැනි රෝගී තත්වයට පත්ව තිබේ.  තමාගේ insulin pump (ඉන්සියුලින් පැන) ගුවන් තොටුපොළේ ආරක්ෂකයින් බාරයට ගත් නිසා  නිසා පැය කිහිපයක් තම නියමිත ඉන්සියුලින් මාත්‍රාව ලබාගැනීමට නොහැකි වූ බව අසනීප වූ තෝමස් flight attendant (පියාසර උපස්ථායකයා) ට පැවසීම නිසා ගුවන්යානයේ සේවකයෙක්  “හදිස්සියක් වෛද්‍යවරයෙක් සිටිනවාද ?” හදිසි ඇමතුම් වලින් විමසන ලදී.

වාසනාවට ගුවන්යානයේ සිටි රුසියානු ජාතික වෛද්‍යවරයකු ඉදිරිපත් වූ අතර ඔහුද දියවැඩියා රෝගියකු වූ නිසා ඔහු සතුව ඉන්සියුලින් එන්නත් කිරීම සඳහා විශේෂිත ක්‍රමාංකනයක් සහිත ඉන්සුලින් පෑනද තිබුණි. එහෙත් අවාසනාවට වෛද්‍යවරයාගේ ඉන්සියුලින් පෑන දිගුකාලීන මන්දගාමී ලෙස ක්‍රියාකරන ඉන්සියුලින් අඩංගු විශේෂිත කාට්‍රිජයක් භාවිතා කරන්නක් විය. තොමස්ගේ රුධිරයේ සිනි මට්ටම අතිශය ලෙස ඉහළ වූ බැවින් වෛද්‍යවරයාගේ ඉන්සියුලින් පෑනෙන් අවශ්‍ය ප්‍රතිකාරය ලබාදීමට වෛද්‍යවරයාට අපහසු විය. තෝමස් සිහිසුන්ව වැටුණු අතර ඔහුගේ  මුඛයෙන් පෙණ දමන්නට පටන් ගත්තේය.

ගුවන් යානය හදිසි ගොඩ බැසීමක් සඳහා ගමන් කරන බවත් එහෙත් ඒ සදහා පැය 11/2 ක පමණ කාලයක් ගතවන නිසා රෝගියාගේ ජීවිතය ගලවා ගැනීමට නොහැකි වන බවත් දැනගැනීමට ලැබීමෙන් පසු කාර්ට්ටිකෙයා ශිෂ්‍යා කට්‍රිජයෙහි උභතෝකෝටිකය විසඳීමට තමාට සහය විය හැකි බව වෛද්‍යවරයාට පැවසුවේය. කෙසේ හෝ දෙදෙනා එක්ව සන්නිවේදන ගැටළුද සමනයකර ගනිමින් කාට්‍රිජරය නිවැරිදි කළ නමුත් ඉන්පසුව කාට්‍රිජරයේ needle (කටුව) අක්‍රිය විය.

ක්ෂිණිකව ක්‍රියාත්මක වූ කාර්ට්ටිකෙයා ශිෂ්‍යා ගුවන්යානයේ WiFi පහසුකම භාවිත කර ඉන්සියුලින් පෑනෙහි design schematic (ක්‍රමානරුප නිර්මාණ) යේ PDF පිටුව බාගත කර ගන්නා ලදී. ඒ අනුව කාට්‍රිජරයට පිටුපස ඇති sprin (ස්ප්‍රිනය) නොමැති බව දැනගත් කාර්ට්ටිකෙයා ගුවන් යානයේ සිටි මගීන්ගෙන් කාබන් පෑනක් ඉල්ලා සිටියේය. ඔහුට විශාල ප්‍රතිචාරයක් ලෙස මගීහු සියලුදෙනාම පාහේ කාබන් පෑන් ලබාදුන් අතර ඒවා අතුරින් කාට්‍රිජරයට සරිලන ස්ප්‍රිනයක් සොයා ගැනීමට ඔහු සමත් විය. රෝගියාගේ අවශ්‍යතාවයට යොදා ගත හැකි ආකාරයට ඉන්සියුලින් පෑන සකස් කර වෛද්‍යවරයාට ලබාදීමෙන් පසු වෛද්‍යවරයා මරණාසනව සිටි රෝගී තෝමස් සුවපත් කළේය.

සුවපත් වූ තෝමස්, කාර්ට්ටිකෙයාට බොහෝ සේ ස්තුති කොට නොයෙක් තෑගී ලාබාදීමට ඉදිරිපත්වුවද " මා වෙත ලබාදුන් මූලික ඉංජිනේරු ශිල්පීය දැනුම මත මිනිසෙකුගේ ජීවිතය බේරා ගැනීමට හැකිවීමෙන් කවර කලෙකටත් උපකල්පනය කළ නොහැකි සතුටක් මම ලබාගතිමි.” යැයි Karttikeya Mangalam (කාර්ට්ටිකෙයා මංගලම්)  පැවසු බව වාර්තා වේ.

අන්තර්ජාලයේ පිළිගත් විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර 

Posted in: ප්‍රතිකාරமருத்துவம், සන්නිවේදනයதொடர்பாடல்