ඉන්දියාවේ පමණක් දකින අසාමාන්‍ය සහ මිල අධික අමුතු දේ - (Unusuals seen in India)

ඉන්දියාව යනු වසර දහස් ගණනක පොහොසත් ඉතිහාසයක් ඇති අධ්‍යාත්මික හා ඉක්මනින් දියුණු වන රටක් ලෙස සැළකේ. එහි දිනෙන් දින වර්ධනය වන ජනගහනය, දැන් බිලියන 1.4 (මිලියන 1400) ඉක්මවා ඇත. කුඩා ශ්‍රී ලංකාවේ ජනගහනය ආසන්න වශයෙන් මිලියන 22 කි. මුම්බායි, ජායිපූර්, අග්‍රා, නවදිල්ලි, කේරළ හෝ වරනාසි යන වීදිවල ගමන් කරන බොහෝ විට, නව පුදුමයක් අපේක්ෂා කළ හැකි තරම්ය.

ලෝකයේ වඩාත්ම හඳුනාගත හැකි ඉන්දියානු ව්‍යුහයන්ගෙන් 'ලේ වැස්ස හෝ පාවෙන විල හෝ 2,000,000+ හින්දු කෝවිල් යනාදි වලින් එකක් වේවා, ඉන්දියාවේදි දැකීමට ඇති අමුතු දේවල් හිඟ නොවේ. ඒවා සියල්ලම ගැන සදහන් කිරීමට  හෝ දැකීමට විශාල කාලයක්, ශ්‍රමයක්, වියදමක්, කැපවිමක් යනාදිය අවශ්‍ය වේ. කෙසේවෙතත් ඉන්දියාව විසින් පිරිනමනු ලබන අසාමාන්‍ය, මිල අධික හා අමුතු දේවල් 200 ක් ගැන කෙටි විස්තර iFl Science හි ලිපියක සදහන් වේ. එයින් උපුටා ගත් කුඩා කොටසක් පහත දක්වා ඇත. https://za.investing.com/magazine/bizarre-unusual-and-expensive-things-you-only-see-in-india

1.North Sentinel Island /උතුරු සෙන්ටිනල් දූපත -  බෙංගාල බොක්ක - ඇස්.පිරිවැය: අදාල නොවේ

උතුරු සෙන්ටිනල් දූපත බෙංගාල බොක්කෙහි පිහිටා ඇති අතර එය අන්දමන් දූපත් වලින් එකකි. මෙම දූපතෙහි සෙන්ටිනලීස් / Sentinelese ලෙස හැඳින්වෙන ආදිවාසී ජනතාවක් වාසය කරයි. ඉන්දියාවට පැමිණෙන අමුත්තන්ට උතුරු සෙන්ටිනල් දූපතට යෑම තහනම් කර ඇති අතර, සෙන්ටිනලීස් ජනයා ඔවුන්ගේ නිවාස සහ ප්‍රදේශ දැඩි බැදීමකින් ආරක්ෂා කරයි. ඔවුන්ගේ හුදකලා ආදිවාසි ජන ජීවිතය රැකගැනීම සදහා බලය/අවිහිංසාව භාවිතා කිරීමට වුවද ඔවුන් බිය නැත. ලොව පුරා මෙවැනි ප්‍රදේශ තවත් ඇති බව සදහන් වේ.

උතුරු සෙන්ටිනල් වෙරළට පය තැබීම අනෙකුත් ඉන්දියානු පුරවැසියන්ටද තහනම් කර ඇත. එපමණක් නොව, එහි වෙසෙන මිනිසුන් සමඟ සම්බන්ධතා පැවැත්වීමද තහනම් කර ඇත. දිවයිනේ සිට සැතපුම් තුනක් ඇතුළත මායිමට කිසිවෙකුට යාමට අවසර නැත. මෙම නීති බලාත්මක කිරීම සඳහා, ඉන්දියානු නාවික හමුදාව Sentinelese ජනතාවට ගෙෳරවනිය වන ලෙස මුහුදේ මුර සංචාරයේ යෙදේ.

2.රතු වැස්ස /blood rain -  Idukki, කේරලය. -  ඇස්.පිරිවැය: අදාල නොවේ 

මනරම් වෙරළ තීරයන් සඳහා කේරලයේ නිරිතදිග දිස්ත්‍රික්කය ප්‍රසිද්ධය. එහි පසුගිය වසර දෙසීය තුළ අහඹු ලෙස අහසින් ඇද හැලුණු විශ්මය ජනක රතු වැසි මෙන්ම නිල් මුහුද සහ කළු වැලි විශේෂත්වයකි. රතු වැස්ස,1818 දී එහි පළමු ලේඛනගත කිරීමේ සිට, ‘ලේ වැස්සට’ හේතු විය හැකි දේ පිළිබඳව බොහෝ න්‍යායන් තිබේ.

උපකල්පිත උල්කාපාත පිපිරීමකින් ඇති වූ වැටීම ටික වේලාවක් පුරා විසිරී ගිය එක් උපකල්පනයකි. තවත් එකක් වු හින්දු විශ්වාසයක් නම්, අහස ලේ වැගිරෙන විට, පව් නැති අයගේ ජීවිතය නැති වී ඇති බවයි. ඉන්දියානු රජය ඒ් වෙනුවෙන් බාහිර-ලෝකයට පැහැදිලි කිරීමක් ඉදිරිපත් කර ඇත. එනම් දේශීය ඇල්ගී වර්ග වලින් වාතයට එක්වු බීජාණු නිසා රතු වැස්ස ඇතිවේ.

3.තනි පවුලක වෛද්‍යවරු 31+- ජායිපූර් - ඇස්.පිරිවැය: $258-$10,000* (ඉන්දියාවේ MBBS පාඨමාලා ගාස්තුව)- *(ආ.ව. රු 85000 සිට මිලි 3.2)

මේ ජායිපූර් පවුලේ වෛද්‍යවරු එක්කෙනෙක් දෙන්නෙක් නෙවෙයි තිස් දෙකක් ඉන්නවා. Vinamrita Patni 2014 දී වෛද්‍ය විද්‍යාලයෙන් උපාධිය ලබා, වෛද්‍යවරියක් බවට පත් වූ Patni පවුලේ තිස්දෙවැනි සාමාජිකයා විය. ඇගේ දෙමාපියන්, ඥාති සහෝදරියන්, මාමලා, නැන්දලා හැමෝම පාහේ වෛද්‍යවරු වේ. පවුලේ නාරිවේද වෛද්‍යවරු පස් දෙනෙක්, වෛද්‍යවරු හත් දෙනෙක්, අක්ෂි වෛද්‍යවරු තිදෙනෙක් සහ ස්නායු රෝග විශේෂඥ වෛද්‍යවරු තිදෙනෙක්, උගුර කන නාසය පිළිබඳ විශේෂඥ වෛද්‍යවරු, මනෝ වෛද්‍යවරු, මුත්‍රා, ශල්‍ය වෛද්‍යවරු, විකලාංග වෛද්‍යවරු සහ ව්‍යාධී වෛද්‍යවරු සිටිති.

ඇගේ දෙමාපියන් දුප්පතුන්ට සහ රෝගීන්ට උපකාර කිරීම සඳහා කැපවී සිටිනු බලා සිටි නිසා, පවුලේ සම්ප්‍රදාය අනුගමනය කිරීමට ඇයට කිසිදු බලපෑමක් සිදු නොවීය. ඔවුන්ගේ ආදර්ශය දෙස බැලීමෙන් තමා වෛද්‍යවරියක් වීමට පෙලඹුණු බවත්, කිසි විටෙකත් වෙනත් වෘත්තියක් ගැන සිතීමට පවා තීරණය නොකළ බවත් පන්ටි/ Patni පැවසුවාය. (හොද ස්පිරිතාලයක් වගේ නේද)

4. Gold Face Masks/රන් මුහුණු ආවරණ -  Prune- ඇස්.පිරිවැය: $4,000* (ආ.ව.රු මිලි 1.3) 

 2020 ගිම්හානයේදී, ලෝකය අදෘශ්‍යමාන සතුරෙකු සමඟ දැඩිව මෙන්ම සාර්ථකව සටන් කළ බව අප කවුරුත් දනි. කෙසේ වෙතත්, බටහිර ඉන්දියාවේ Prune නගරයේ මිනිසෙක් ස්වයං ආරක්ෂාව පිළිබඳ කාරණය තම අතට ගත්තේය.

ව්‍යාපාරික ශංකර් කුර්හඩේ, ඔහු වටා ඇති වටිනාම ලෝහය වන රත්‍තරන් අවුන්ස දෙකකින් සාදන ලද කොවිඩ් වෙස් මුහුණක් ව්‍යාජ ලෙස සකස් කිරීම සඳහා ශිල්පියෙකු කුලියට ගත්තේය. ශංකර් පවසන්නේ වෙස් මුහුණ ඉතා තුනී වන අතර ඇදහිය නොහැකි තරම් කුඩා සිදුරු ඇති බව සහ ඔහුගේ අභිරුචි වෙස්මුහුණ ප්‍රසිද්ධියේ පැළඳ සිටින විට ඔහුට පහසුවෙන් හුස්ම ගැනීමට ඉඩ සලසන බවයි.

5.රන් සහ දියමන්ති සම්බන්ධ කළ අක්ෂි කාච -  මුම්බායි - ඇස්.පිරිවැය: $15,000*(ආ.ව. රු මිලි 4.8)

 මුම්බායි හි ශේඛර් අක්ෂි පර්යේෂණ මධ්‍යස්ථානයේ වෛද්‍ය චවාන් ‘ලස්සන ඇස්’ තිබීම යන්නෙහි විප්ලවීය වෙනසක් සිදු කර ඇත. වෛද්‍යවරයා එසේ කර ඇත්තේ එක් ඇසක් වටා කුඩා දියමන්ති කිහිපයක් සහිත රත්‍රන් වලින් සාදන ලද අක්ෂි කාච නිර්මාණය කිරීමෙනි. මැණික් ස්ථානගත කිරීමේදී ඔක්සිජන් ප්‍රශස්ථ ප්‍රමාණයක් ගලා යාමට ඉඩ දීමෙන් අක්ෂි කෝපය සීමා කර ඇති බව පැවසේ.

ඔබ ඔබේ ඇස් වෙත අවධානය යොමු කිරීමට ක්‍රමයක් සොයන්නේ නම්, ලොව වෙනත් තැනකින් සොයාගත හැකි දේ  අමතක කරන්න, මන්ද රන් දියමන්ති සහිත කාච යුගලයකට වඩා කිසිවක් ඔබේ ඇස්වලට අවධානය යොමු නොකරනු ඇත යයි ඔවුන් පවසි. අක්ෂි කාච යුගලයක් ඩොලර් 15,000 ක් වන අතර (වචනාර්ථයෙන්) ඔබේ ඇස් දිදුලනු ඇත.

6.ඇදුම සුවයට මාළු ගිලීම -  හයිද්‍රාබාද් - ඇස්.පිරිවැය: $0 - $0.66* / ප්‍රතිකාර *(ආ.ව. රු 0 -200)

හයිද්‍රාබාද්හි ගවුඩ් පවුල ඇදුම සඳහා නිවෙස් පිළියමක් "ආශ්චර්යමත් ප්‍රතිකාරයක්" ලෙස හඳුන්වන දේ සොයාගෙන ඇත. ඔවුන් එහි ඇති දේ වෛද්‍යවරුන්ට නොකියනු ඇත, ඔවුන් එය පරීක්ෂණයට ගැනීමට ඉඩ නොදෙනු ඇත, නමුත් “ප්‍රතිකාරය” ඔවුන් 100% සාර්ථකත්ව අනුපාතයකට හිමිකම් කියයි.

ඔබ කළ යුත්තේ සෑම වසරකම මෝසම් සමය ආරම්භයේදී (වසර හතක් සඳහා) ප්‍රතිකාර සඳහා පෙනී සිටීම සහ කහ පේස්ට් බෝලයකට (නොහඳුනන අමුද්‍රව්‍ය සහිත) අමුණා ඇති කුඩා සජීවී මාළුවෙකු ගිල දැමීමයි. එවිට ඔබට වියළි අඹ, බත්, සීනි, නිවිති, බැටළු මස් සහ තවත් විශේෂිත ද්‍රව්‍ය 20  පමණකින් සමන්විත ආහාර දින 45ක් ගැනීමට සිදු වේ. පහසුයි වගේ නේද?

මෙවැනි දේවල් ඉන්දියාවේ අහඹු සිදුවීම් ලෙසද සැලකිය හැකිය.  

අන්තර්ජාලයේ IFL Science ඇසුරෙන් හර් ෂ

Posted in: පරිසරයசூழல், ප්‍රතිකාරமருத்துவம், රහස්இரகசியம், විද්‍යාව