ඔබේ මරණයෙන් පසු දිගු කලක් දීප්තිමත්ව සිටීමේ අදහසට ඔබ කැමති නම්, ඔබේ පෘථිවි දේහය දීප්තිමත් දියමන්තියක් බවට පත් කළ හැකිය.
දියමන්ති සෑදී ඇත්තේ ස්ඵටිකයක් තුළ සකස් කර ඇති පිරිසිදු කාබන්
වලින්ය. බොහෝමයක් වසර බිලියන 1 ත් 3 ත් අතර කාලයකට පෙර සිට, දැඩි තාපය හා අධික පීඩනය යටතේ පෘථිවි පෘෂ්ඨයට
ගැඹුරින් පිහිටා ඇත. මෙම ආන්තික තත්වයන් තුළ ඇති දැඩි වීම දියමන්තිවලට දැඩි ලෙස
බන්ධිත පරමාණුක ව්‍යුහයක් ලබා දෙයි. එය ලෝකයේ ඇති දැඩිම ද්‍රව්‍යය බවට දියමන්ති
පත් කරයි. (හෝ අවම වශයෙන් ඒවායින් එකක්).
පෘථිවියේ ඇති දියමන්ති නිර්මාණය කරන ස්වභාවික ක්‍රියාවලීන් අනුකරණය
කරන යන්ත්‍රයක් භාවිතා කිරීමෙන් විද්‍යාගාරයකදි දියමන්ති කෘතිමව “වර්ධනය” කිරීමට ද
හැකිය. 1950 ගණන්වල මුලින්ම දියුණු කරන ලද මෙම තාක්ෂණය අධි පීඩන අධි උෂ්ණත්ව ප්‍රතිකාරය
HPHT ලෙස හැඳින්වේ. එයට සාමාන්‍යයෙන් කාබන්
ප්‍රභව ද්‍රව්‍ය 2,300 ° C වඩා වු අතිශය ඉහළ උෂ්ණත්වයකට රත් කිරීම සහ 6.5 සිට 8.5 GPa වැනි ඉතා දැඩි පීඩනයකට ලක් කිරීම ඇතුළත් වේ
(මෙම පීඩනය දළ වශයෙන් වාණිජ ජෙට් යානයක් ඇඟිල්ලක් මත තුලනය කිරීමට සමාන වේ).
කුඩා දියමන්ති "බීජයක්" සෑදීමේ ස්ථානයක් සහ උත්ප්‍රේරකයක්
ලෙස ක්‍රියා කරන අතර, අවශ්‍ය ප්‍රධාන අමුද්‍රව්‍යය වන්නේ
කාබන්ය. මිනිස් සිරුරේ ස්කන්ධයෙන් සියයට 18.5 ක් පමණ සෑදී ඇත්තේ කාබන් වලින් වන
අතර අපගේ ආදාහනය කරන ලද දේහය සාමාන්‍යයෙන් කාබන් මිලිග්‍රෑම් 2.5 ත් 8.5 ත් අතර ප්‍රමාණයක්
ලබා දෙයි. කෘතිම දියමන්තියක් සෑදීමට අවශ්‍ය වන්නේ කාබන් මිලිග්‍රෑම් 1ක් පමණක් වේ.
අළු, දියමන්ති බවට පත් කිරීම සාපේක්ෂව
සංකීර්ණ නමුත් ආකර්ෂණීය ක්‍රියාවලියකි.
ආදාහනය කරන ලද අස්ථිවල කාබන්, කාබන් එකකින් සහ ඔක්සිජන් පරමාණු තුනකින් සමන්විත ලුණු කාබනේට්
ආකාරයෙන් පවතී. පළමුව, කාබනේට් වල ඇති සමහර අපද්‍රව්‍ය වෙන්
කිරීම සඳහා වායූන් භාවිතා කරනු ලැබේ. පසුව අතිශයින්ම ඉහළ උෂ්ණත්වයක් සහ අඩු
ඔක්සිජන් පරිසරයක් භාවිතා කරමින් කාබනේට් පිරිසිදු කාබන් බවට පත් කරයි. ඉන් ලැබෙන
කාබන් කුඩා දියමන්ති බීජයකට ඕනෑම කෘතිම දියමන්තියක් නිපදවීමට සමාන ලෙස HPHT
ක්‍රියාවලියකට භාජනය වීමට සිදුවේ. (HPHT
යනු අධික පීඩනය සහ අධික උෂ්ණත්වයයි. පුපුරා යන
ගිනිකඳු වලින් මුදා හරින සම්පූර්ණයෙන්ම ස්ඵටිකීකරණය නොවූ ("අකලට
දියමන්ති") දියමන්ති සඳහා HPHT ක්‍රමය
භාවිතා වේ. HPHT ක්‍රියාවලිය ප්‍රවේශමෙන් පාලනය වන විද්‍යාත්මක
ක්‍රියාවලියකි.) කෙසේ වෙතත්, අළුවල, දියමන්තියේ වර්ණයට සහ පැහැදිලිකමට බලපෑම් කළ හැකි අපද්‍රව්‍ය
තවදුරටත් තිබිය හැක.එනිසා ආදාහනය කරන ලද දේහයෙන් ලබා නොගත් “සාමාන්‍ය” කාබන් ප්‍රමාණයක්ද
විද්‍යාගාරයේදී එකතු කරනු ලැබේ. ඇත්ත වශයෙන්ම, ආදාහනය කරන ලද මිනිස් දේහයෙන් “පුද්ගලික කාබන්” සෑදෙන්නේ නිමි
භාණ්ඩයේ මුළු කාබන් ප්‍රමාණයෙන් සියයට 10 සිට 15 දක්වා පමණි.
ආදාහනය කරන ලද දේහය දියමන්ති බවට පත් කිරීමට මිනිසුන්ට ඉඩ සලසන
පුළුල් පරාසයක සමාගම් තිබේ. මිල ගණන් ගුණාත්මකභාවය මත රඳා පවතී, නමුත් ආදාහන ආයතනයට අනුව ආදාහන දියමන්ති සාමාන්‍යයෙන්
ඩොලර් 750 සිට ඩොලර් 20,000 (ආසන්න වශයෙන් රු.225,000 සිට 6,000,000) දක්වා පරාසයක
පවතී.
අන්තර්ජාලය ඇසුරෙන් හර් ෂ
0 comments:
Post a Comment