ලොව සුප්‍රසිද්ධ න්‍යායාත්මක
භෞතිකවිද්‍යාඥ මහාචාර්ය ස්ටීවන් හෝකින් මහතා කෙම්බ්‍රිජ්හි
සිය නිවසේදී අභවාප්‍රාප්ත වූ බව ඔහුගේ ඥාතීන් වීසින් දැනුම් දුන් බව වාර්තා වේ.
amyotropic
lateral sclerosis (අමියෝට්‍රොපික් පාර්ශවිය දෘඩතාව) හෙවත් චාලක නියුරෝන පිරිහෙන
රෝගය නිසා තරුණ වියේ සිටම මාංෂපේශීන්
ස්වභාවිකව චලනය කිරීමට අපහසු තත්වයට පත්වුවද විද්‍යාවේ උන්නතිය වෙනුවෙන් අනුපමේය
සේවයක් කළ ඔහු මිය යන විට 76 වැනි වියෙහි පසුවිය. ගණිතය විෂයෙහි පෙරළියක් කරමින්
විශ්වය පිළිබද තොරතුරු රාශියක් අනාවරණය කළ ඉතාලි ජාතික ගැලිලියෝ ගැලිලි අභවාප්‍රාප්ත
වී 300 වැනි සංවත්සර දිනය වූ 1942 ජනවාරි මස 08 දින මෙලොව එළිය දුටු බ්‍රිතාන්‍ය
ජාතික හෝකින්, ලොව අග්‍රගන්‍ය භෞතික විද්‍යාඥ ජර්මන්
ජාතික අභාවාප්‍රාප්ත ඇල්බට් අයින්ස්ටයින්ගේ 130 වන ජන්ම දිනය වූ 2018 මාර්තු 14
වෙනි දිනයේදී මෙලොව හැර යාම සුවිශේෂී කරුණකි. ඔස්කාර් සම්මාන දිනු “Theory
of Everything” චිත්‍රපටිය ඔහුගේ ජීවිතය ඇසුරෙන් නිර්මාණය කර තිබේ.
මහාචාර්ය හෝකින් ශ්‍රේෂ්ඨ විද්‍යාඥයකු මෙන්ම අසමසම ධෛර්යවන්ත මිනිසෙකු ලෙස
භෞතික විද්‍යා ක්ෂේත්‍රය සදහා කළ සුවිශාල සේවය සහ ලබාදුන් දායාදය සදාකාලික හෝ බොහෝ
කාලයක් පවතිනු ඇත. ඔහුගේ හාස්‍ය සහ ප්‍රභාව මුසුවූ ධෛර්යමත් පැවැත්ම ලොව
විද්වතුන්, රාජ්‍ය නායකයින් ඇතුළු මුළු මහත් ප්‍රජාවගේ නොමද ඇගයුමට පාත්‍ර විය.
වත්මන් විද්‍යාඥයින් අතර හෝකින් විශාල ප්‍රතිරූපයක් ලෙස සැලකේ. ප්‍රභේද නිර්වචනය කිරීමේ ඔහුගේ “A Brief
History of Time”ග්‍රන්ථයේ පිටපත් කෝටියකට වැඩි ප්‍රමාණයක් ලොව වටා අලෙවි වී ඇති
අතර විවිධ භාෂා 35 කට පරිවර්තනය කර තිබේ. කාල චාරිකා (Time Travel), පිටසක්වල
ජීවින් සිට මැදපෙරදිග දේශපාලනය සහ අතිශය භයානක රොබෝවරුන් දක්වා විවධ ක්ෂේත්‍ර පිළිබඳව
ඔහුගේ උපදෙස් චර්යානුගතව මෙන් භාවිතා කර තිබේ. Big Bang Theory, Theory of Everything,
කළු කුහර, Hawkins Paradox වැනි විශ්වය පිලිබදව ඔහු පළකළ විද්‍යාත්මක කරුණු හා
සිද්ධාන්ත විශ්වය පිළිබද වත්මන් මනුෂ්‍යා ලබා ඇති දැනුම විදහා දක්වයි.
අන්තර්ජාලයේ කරුණු ඇසුරෙන් සකස්කළේ: හර්ෂ
ලංකේශ්වර
https://youtu.be/mzyHc-3PyfY?t=73https://youtu.be/ORlnHMAAFvs?t=19
0 comments:
Post a Comment