මිනිස්සු සංගීතයට විශාල
ලැදියාවක් සහ ආශාවක් දක්වති. සංගීතය විශ්ව භාෂාවක් ලෙසද සැලකේ. මේ නිසාම සුපිරි
සංගීත ශිල්පීහු තම ප්‍රේක්ෂකයන්ට විශාල ආශ්වාදයක් ලබාදෙමින් විශාල ආදායම් උපයති.
බටහිර එක සුපිරි ගායිකාවකගේ වාර්ෂික ආදායම රු. කෝටි 3500 කට වැඩි වීමෙන්
වාර්තාවක්ද පිහිටුවා තිබේ.
දැනට ක්‍රියාත්මක කරන Transcranial Magnetic Stimulation
(TMS) ප්‍රතිකාර ක්‍රමය අනුව මොළයේ විශේෂිත ප්‍රදේශ උද්දීපනය හෝ අවහිර කිරීම සදහා
මොලය තුලින් චුම්භක ස්පන්දන ගමන් කරවනු ලැබේ. මෙම TMS ක්‍රමය භාවිතා කර
පුද්ගලයන්ගේ සංගීත රසය සත්‍ය ලෙසම වෙනස් හෝ පාලනය කිරීමට McGill විශ්ව විද්‍යාලයේ
සහ Montreal ස්නායුමය ආයතනයේ විද්‍යාඥයින් කණ්ඩායමක් සමත්වූ
බව එහි අධ්‍යයන වාර්තාවක් පලකරමින් Nature Human Behavior සඟරාව පසුගියදා ප්‍රකාශයට
පත් කර තිබේ.
මිනිසුන් සංගීතය රසවිදීමට හෝ කිසියම් දෙයක් භුක්තිවිදීමට හේතුව නම් එයට අදාළ අපගේ මොළයේ යම් ප්‍රදේශයක් උද්දීපනයෙන් හා ක්‍රියාශීලිව නියැලීම නිසා ලබන ත්‍යාග පද්ධතියයි. තවද මොළයට ත්‍යාග ලබාදීමේ ක්‍රියාවලියේ ඉතාම වැදගත් ස්නායු සම්ප්‍රේක්ෂකය dopamine බවත් මොලය තුල මෙවැනි අවස්තාවක සිදුවන සිද්ධි දම්වැල නිසා dopamine නිදහස්වීම කුළුගැන්වෙන බවත් වාර්තාවේ සදහන් වේ. මෙලෙස රසය හෝ භුක්තිය ලෙස අපට දැනෙන හැගීම් හෙවත් මොළයට ලැබෙන තෑගී හේතුවෙන් මොළයේ අදාළ ප්‍රදේශය තෑගි අපේක්ෂාවෙන්ද උද්දීපනය හා ක්‍රියාශීලිත්වය වැඩි කරයි. ශ්‍රවණය කරන සංගීතයේ උච්චාවචන හා පුද්ගලයා අනුවද මෙම උද්දීපනය හා ක්‍රියාශීලිත්වය අඩු වැඩි වීම ස්වභාවික තත්වයයි. පර්යේෂක විද්‍යාඥයින් කණ්ඩායම මෙම ක්‍රියාවලිය බාහිරෙන් පාලනය කර ඇති බව වාර්තාවෙන් පැහැදිලි වේ.
අන්තර්ජාලයේ පිළිගත්
විද්‍යාත්මක ප්‍රභව ඇසුරෙන් සකස්කළේ: හර්ෂ ලංකේශ්වර
https://youtu.be/RcHLVZcxT_8?t=2
0 comments:
Post a Comment