ජෛව තාක්ෂණයෙන් රන් සහල්

Golden Rice යනු  Oryza sativa  වලට අයත් වී ප්‍රභේදයක් වේ.  ජානමය ඉංජිනේරු තාක්ෂණය භාවිතා කර මෙම වී ප්‍රභේදයේ වි ඇටයේ පරිභෝජන කොටස තුල විටමීන A වල පූර්වජකයක් වන  β- කැරොටීන් ජෛව සංශ්ලේෂණය සිදු කරයි.  ලොව බොහෝමයක් රටවල කුඩා ළමුන්ගේ විටමීන A ඌනතාවය වැලැක්වීමට ක්‍රමෝපායක් ලෙස, Golden Rice නැමති වී වර්ගය  නිපදවීමට  පර්යේෂකයින් උනන්දු විය.  එනම්, වර්ෂ 2005 දී රටවල් 122 ක කුඩා ළමුන් මිලියන 190 ක් සහ ගැබිනි කාන්තාවන් මිලියන 19 දෙනෙකු විටමින් A ඌනතාවයෙන් පෙළෙන බව සංඛ්‍යා ලේඛන දත්ත මගින් පෙන්වා දී ඇත.  තවද, ලොව මිය යන පුද්ගලයින් සංභ්‍යාව මිලියන 1 – 2 ක් අතර ප්‍රමාණයක් ද, සුවකළ නොහැකි අන්ධ පුද්ගලයින් සංඛ්‍යාව ලක්ෂ 05 ක් පමණ වීමට විටමීන්  A ඌනතාවය හේතු වී ඇති බව සංඛ්‍යා ලේඛන දත්ත මගින් වැඩි දුරටත් පෙන්වා දී තිබේ.

විටමින  A ඌනතාවය අවම කිරීමට එක් ක්‍රමෝපායක් ලෙස බත් ප්‍රධාන ආහාරයක් ලෙස පරිභෝජනය කිරීම නිසා  විටමීන A වල පූර්වජකයක් වන  β- කැරොටීන් වැඩිපුර අඩංගු සහල් නිපදවීමට ජාන ඉංජිනේරු තාක්ෂණය භාවිතා කර වී සදහා ප්‍රවේණිකව වැඩි දියුණු කළ ප්‍රභේද නිපදවීමට විද්‍යාඥයින් උනන්දු විය.  එහි ප්‍රතිඵලයක් ලෙස Golden Rice නැමති වී ප්‍රභේදය ලොවට හදුන්වා දෙන ලදී.

Golden Rice නැමති වී වර්ගය එහි මවු වර්ණදේහ වලින් වෙනස්වන්නේ එයට 3 – β carotene biosynthesize නැමති ජානයක් එකතු කිරීම මගින්ය.  මෙය ජෛව තාක්ෂණයේ හැරවුම් ලක්ෂයක් ලෙස ද පර්යේෂකයන් පෙන්වා දී ඇත. 

2005 වර්ෂයේ දී  Golden Rice 2 නැමති වී ප්‍රභේදයක් පර්යේෂණ මගින් නිපද වූ අතර එම ප්‍රභේදය ප්‍රථමයෙන් නිපද වූ Golden Rice ප්‍රභේදයට වඩා විසිතුන් ගුණයකින් β- කැරොටීන් නිෂ්පාදනය කරණ බවට සොයාගෙන ඇත. 

ඒ.එම්.සී.එල්. සේනාධීර,

විද්‍යා හා තාක්ෂණ නිලධාරි,

පඩුවස්නුවර (බටහිර).

උපුටා ගැනීම: http://www.goldenrice.org/

Posted in: ජෛව වගාවஉயிரியல் வளர்ப்பு