ජල විකර්ශක තීන්තවල සුවිශේෂී භාවිතයක්‌

ප්‍රසිද්ධියේ මුත්‍රා කිරීම බොහෝ සමාජවල දක්නට ලැබෙන නරක පුරුද්දකි. ඒ සඳහා විවිධ කරුණු හේතුවිය හැකිය. එහෙත් දුම්රියපොල, බස්නැවතුම්පල වැනි පොදු ස්ථානවල මෙන්ම ජනයා ගැවසෙන පෞද්ගලික නිවාස, ගොඩනැගිලි අසල සිදුවෙන මෙම ක්‍රියාව වැළැක්වීම සඳහා මුත්‍රා කිරීම බල්ලන්ට පමණයි වැනි වැකි යොදා ගනිමින් වඩා සාර්ථක නොවූ උත්සායන් ගෙන ඇත. රාත්‍රී කාලයේදී ප්‍රධාන මාර්ග, නාගරික නිවාස, පොදු ස්ථාන ආශ්‍රිතව මෙය බහුලව සිදුවීමෙන් ඇතිවන දුරගන්ධය පිළිකුල් සහගතය. එවැනි පොදු ස්ථාන භාවිතා කරන්නන් සහ නාගරික ප්‍රදේශවල ජීවත් වන වැසියන්ට මෙය විශාල කරදරයක් පමණක් නොව සෞඛ්‍යයට ද හානිකරය.

ජර්මනියේ හැම්බර්ග් නුවර ශාන්ත පෝලි අසල පදිංචිකරුවන් මේ සඳහා මහඟු විසඳුමක් ක්‍රියාත්මක කර තිබේ. මිනිසුන් විසින් රාත්‍රී කාලයේදී අපවිත්‍ර කරනු ලබන බිත්ති මේ සඳහා ප්‍රතිකර්මයක් ලෙස යොදා ගෙන තිබේ. ඔවුන් එම බිත්ති ජල විකර්ෂක තීන්ත වලින් ආලේප කරන ලදී. ජල විකර්ශක තීන්ත ආලේපිත බිත්ති දිගේ ද්‍රව ගලා යාම වෙනුවට ද්‍රව විකර්ෂණය වීම සිදුවේ. ඒ නිසා පෙර පරිදි මිනිසුන්ට රාත්‍රියේදී බිත්ති අපවිත්‍ර කිරීම අපහසු වී ඇත්තේ එම අපවිත්‍ර ද්‍රව බිත්තියේ නොගෑවී නැවත තමාවම අපවිත්‍ර කරන බැවිනි.

ජල විකර්ශක තීන්ත වෙනත් නොයෙක් මාදිලියේ යෙදුම් සඳහා භාවිතා කළ ද මෙවැනි කාර්යයක්‌  සඳහා එය යොදා ගැනීම  ශාන්ත පාවුල් ප්‍රදේශයේ ජනතාවගේ නිර්මාණශීලී හැකියාව මෙන්ම ලොව පුරා පැවති නරක පුරුද්දක් සහ සෞඛ්‍ය අනාරක්ෂිතතාවයක්‌  වැළැක්වීමට හේතු වී තිබේ.

උපුටාගැනීම:

http://www.popsci.com/video-revenge-public-peeing   By Mary Beth Griggs

https://www.youtube.com/watch?v=uoN5EteWCH8

Posted in: නැනෝ තාක්ෂණයநனோ தொழில்நுட்பம், සෞඛ්‍යයசுகவாழ்வு