May 15, 2018

විද්‍යාත්මක දැනුම මත පිළිතුරු පහසු වූ අපහසු ප්‍රශ්ණ කිහිපයක් (1- 5)

සෑම වසර දෙක තුනකට වරක් සාමාන්‍ය ප්‍රජාවගේ විද්‍යාත්මකව දැනුම විශ්ලේෂණය කිරීම  සදහා ඇමෙරිකානු National Science Foundation ආයතනය මගින් සමීක්ෂණයක් පවත්වයි. ප්‍රශ්ණ වසරෙන් වසරට මදක් වෙනස් වුවද ප්‍රශ්ණ සියල්ලම භෞතික විද්‍යාව හා ජීව විද්‍යාව පිළිබඳ මූලික කරුණු සමඟ සම්බන්ධ වේ. එලෙස ඉදිරිපත් කළ 1 සිට 5 දක්වා ප්‍රශ්ණ මෙම ලිපියේ දැක්වෙන අතර   6 සිට 10 දක්වා තවත් ප්‍රශ්ණ 5 ක් දෙවන ලිපියේ සදහන් වේ.

සාමාන්‍ය ජනතාවට මෙන්ම උපාධිධාරීන්ටද, සිසුන්ටද මෙම ප්‍රශ්ණ වලට එකවර පිළිතුරු ලබාදිය හැකි නමුත් පිළිතුරුවල සත්‍යතාවය පිලිබදව සාධාරණියකරණය සදහා විද්‍යාව උපයෝගී වූ ආකාරය පැහැදිලි කිරීම තරමක් ගැටළු සහගත වි තිබේ. නිවැරිදි පිළිතුරු සැපයීමේදී සාමාන්‍යයෙන් ශිෂ්‍යයන් නිතරම ඉදිරියෙන් සිටියද පරිපුර්ණ ලකුණු තත්වය වාර්තා කිරීම ඉතා සිමිත වි ඇත. ගැටලුවද එයට පිලිතුරද රුප භාවිතයෙන් ලබාදී තිබීම නිසා ඒවා පහසුවෙන් මතක සිටින බව වාර්තා වේ. සියලු ප්‍රශ්නවලට විද්‍යාත්මක පිළිතුරු ජායාරුපද සමගින් ප්‍රශ්ණ අවසානයේ පහතින් පළකර තිබේ.
1. පෘථිවියේ මධ්‍යය ඉතා උණුසුම් වේ. සත්‍ය වේ / අසත්‍ය වේ ?
සාමාන්‍ය ජනතාවගෙන් 85% ක්ද ශිෂ්‍යයන් 89% නිවැරිදි පිළිතුර ලබාදී ඇත.




2. වසර මිලියන ගණනක කාලයක සිට පෘථිවිය තුල මහාද්වීප පිහිටීමේ ස්ථාන මාරු වි ඇති අතර අඛණ්ඩව ඒවා චලනය වේ. සත්‍ය වේ / අසත්‍ය වේ ?
සමීක්ෂණයට ලක් වූ සියළු දෙනා අතුරින් 81% ක් නිවැරදිව පිළිතුරු දුන් අතර, ශිෂ්‍යන් 87% ක් විය.



3.පෘථිවිය සූර්යයා වටා ගමන් කරන්නේද නැතහොත් සූර්යයා පෘථිවිය වටා ගමන් කරන්නේද?
සමස්තයක් වශයෙන්, 73% නිවැරදි පිළිතුර ලබාදී ඇත. සිසුන් 10% ක් ඊට වඩා ඉහලින් එනම් 83% නිවැරදිය.

4.සෑම විකිරණශීලීතාවක්ම මිනිසා විසින් නිර්මාණය කර ඇත. සත්‍ය වේ / අසත්‍ය වේ ?
සමස්තයක් වශයෙන්, ප්‍රතිචාර දැක්වූවන්ගෙන් 70% ක් නිවැරිදි වූ අතර  80% ක නිවැරදි පිළිතුරු සහිතව ශිෂ්‍යයෝ නැවත වරක් 10% ක් ඉදිරියෙන් සිටියෝය.

5. ඉලෙක්ට්‍රෝන පරමාණු වලට වඩා කුඩාය. සත්‍ය වේ / අසත්‍ය වේ ?
සහභාගිවුවන්ගෙන් අඩකට වඩා අඩුවෙන් 48% ක් නිවැරිදි පිළිතුර ලබාදුන් අතර සිසුන් 59% ක් නිවැරිදි විය.

පිළිතුරු
1. පිළිතුර: සත්‍ය වේ.
පෘථිවි කේන්ද්‍රයේ උෂ්ණත්වය ෆැරන්හයිට් අංශක 10,800 ක් පමණ වේ. එනම් හිරු මතුපිට මෙන් උණුසුම් වේ.ජයාරුපයෙන් පෘථිවි කේන්ද්‍රය නිර්මාණය වි ඇති අයුරු දැක්වේ.



2. පිළිතුර: සත්‍ය වේ.
Lithosphere (ශිලාගෝලය) ලෙස හඳුන්වන පෘථිවියේ බාහිර ස්ථරය සෑම වසරකම අඟල් කිහිපයක් වෙනස් භූ කාරක තල වලට බිඳී යයි. Supercontinent Pangea වලට බිදී යන සහ තනි මහද්වීප තල චලනය වීම භූ කාරක තල ක්‍රියාකාරිත්ව පිලිබද න්‍යායයේ සදහන් වේ.

3. පිළිතුර: පෘථිවිය සූර්යයා වටා ගමන් කරයි. 
අභ්‍යවකාශ යුගයේදී සෞරග්‍රහ මණ්ඩලයේ ඡායාරූප ලබා දීමට පෙර, තාරකා විද්‍යාඥයන් විසින් නිරීක්ෂණය කරන ලද සිකුරු ග්‍රහයාගේ, බ්‍රහස්පති ග්‍රහයාගේ චන්ද්‍රයන් සහ තාරකා වල වේගය හා අසම්පාතවිම- කාලයත් සමග තාරකාවල ස්ථානිය වෙනස් වීම ආදිය නිසා පෘථිවිය ස්ථාවර නොවන බවත් එය සූර්යයා වටා කක්ෂ ගත වන බවත් ඔප්පු කිරීමට සමත් විය.

4. පිළිතුර: සත්‍ය වේ.
සූර්යයා සහ තරු පෘථිවි වායුගෝලය සමඟ අන්තර් ක්‍රියාකාරී වන (cosmic radiation) කොස්මික් විකිරණ විමෝචනය කරයි. එමෙන්ම පස, ජලය සහ වෘක්ෂලතාදිය තුළද ස්වභාවික විකිරණශීලී ද්‍රව්‍ය  ඇත.


 

5. පිළිතුර: සත්‍ය වේ.
පරමාණුවක න්‍යෂ්ටිය පමණක් සැලකු විටද එය සැදී තිබෙන නියුට්‍රෝන සහ ප්‍රෝටෝන වලට වඩා ඉලෙක්ට්‍රෝන ඉතා කුඩා වේ.



අන්තර්ජාලයේ පිළිගත් විද්‍යාත්මක ප්‍රභවයන් ඇසුරෙන් සකස්කළේ: හර්ෂ ලංකේශ්වර 

0 comments:

Post a Comment