නිවසේ දී බටර් සාදා ගනිමු

බටර් කිරි වලින් නිෂ්පාදනය කරනු ලබන පෝෂ්‍යදායි ආහාරයකි.බේකරි නිෂ්පාදන වල දි හා ආහාර රසවත් කිරිමට බහුලව භාවිතා කරයි.කිසිම රසායන ද්‍රව්‍යයක් එක් නොකොට පහසුවෙන්  ගෘහාශ්‍රිතව බටර් නිෂ්පාදනය කළ හැක.

අවශ්‍ය ද්‍රව්‍ය

Ø  කිරි වලින් වෙන් කර ගත් යොදය (Cream) 250g

Ø  උණු කර නිවා ගත් ජලයෙන් සාදාගත් අයිස් කැට 500g

Ø  උණු කර නිවා ගත් ජලයෙන් සාදාගත් අයිස් වතුර ලිටර 1 යි

Ø  ලුණු කුඩු ස්වල්පයක්

අවශ්‍ය උපකරණ

Ø  පැති වැඩි ගණනක් සහිත කට ලොකු ප්ලාස්ටික් බෝතලයක්

Ø  ගෑරුප්පුවක්

Ø  මේස හැන්දක්

Ø  පැතලි පිගානක්

සාදන අයුරු

·       පළමුව නිෂ්පාදනයට යොදා ගන්නා සියළු උපකරණ හොදින් පිරිසිදු කර ගැනිම.

·  ඉන්පසු ප්ලාස්ටික් බෝතලයේ පතුලට කිරි වල ක්‍රිම් (යොදය) හැන්දකින් ඇතුළු කිරිම.එයටඋඩින් අයිස් කැට තට්ටුවක් දමා ක්‍රිම් වලින් භාගයක් වන ලෙස අයිස් වතුර එකතු කිරිම.

· බෝතලයේ මුඩිය වසා තිරස් අතට සිටිනසේ බෝතලය විනාඩි 7 ක් පමණ අත් දෙකෙන්ම සෙලවිම.

·          මෙසේ සොලවන විට බෝතලයේ ඉහළින් බටර් කැටිති ලෙස දැකිය හැකි වන අතර එයට පහළින්  සුදු පැහැති වතුර (Butter Milk) දැකිය හැක.

·          (Butter Milk) බෝතලයෙන් ඉවත් කර බටර් කැටිති බෝතලයේ රදවා ගනු ලැබේ.මෙම බටර් කැටිති හැන්දක් ආධාරයෙන් පැතලි පිගානකට දමා ගෑරුප්පුවකින් තද කර එහි ඇති ජලය ඉවත් කරන්න.

·     ඉන් පසු අවශ්‍ය පමණය ලුණු කුඩු එකතු කර බදුනක අසුරා ශිතකරණයේ තැම්පත් කරන්න.

·      ක්‍රිම් 250g කින් බටර් 500g ක් ලබා ගත හැක.

විද්‍යා හා තාක්ෂණ නිලධාරි

නාත්තන්ඩිය

Posted in: ආහාරஉணவு